রেলৱে মন্ত্রালয়

গরিব কল্যান রোজগার অভিয়ানগী মখাদা ২০২০গী সেপ্তেম্বর ১৮ ফাওবদা ইন্দিয়ন রেলৱেজনা মেনদেজ ৯,৭৯,০০০গী মথক্তা থবক পীখ্রে

রাজ্য ৬তা খুদম ওইনা বিহার, ঝারখন্দ, মধ্য প্রদেশ, ওরিশা, রাজস্থান অমসুং উত্তর প্রদেশতা থবক পীখিবগী নুমিৎশিং

মিনিস্তর ওফ রেলৱেজনা স্কীম অসিগী মখাদা রাজ্যশিং অসিগী প্রোজেক্তশিং অদুদা কয়া য়াম্না খুমাং চাউশিল্লবগে অমসুং মাইগ্রেন্ত লেবরশিংগীদমক্তা থবক্কী খুদোংচাবা কয়াম পীরবগে হায়বা য়েংশিল্লি

২০২০গী সেপ্তেম্বর ১৮ ফাওবদা লুপা করোর ২০৫৬.৯৭গী শেন্থং অমা পাইখৎলক্লিবা প্রোজেক্তশিং অসিগীদমক্তা কন্ত্রেক্তরশিংদা থাদোকখ্রে

গরিব কল্যান রোজগার অভিয়ান অসি রাজ্য ৬তা জিলা ১১৬তা থবক ওইনা পাইখৎলকখ্রে

হায়রিবা রাজ্যশিং অসিদা রেলৱে ইনফ্রাস্ত্রকচর প্রোজেক্ত ১৬৪ পাইখৎলকখ্রে

Posted On: 20 SEP 2020 9:33AM by PIB Imphal

ইন্দিয়ন রেলৱেজনা রাজ্য ৬তা খুদম ওইনা বিহার, ঝারখন্দ, মধ্য প্রদেশ, ওরিশা, রাজস্থান অমসুং উত্তর প্রদেশ গরিব কল্যান রোজগার অভিয়ানগী মখাদা ২০২০গী সেপ্তেম্বর ১৮ ফাওবদা নুমিৎ ৯,৭৯,০০০গী থবক পীখ্রে

শ্রী পিয়ুশ গোয়ল, রেলৱেজ অমসুং কমর্স অমসুং ইন্দস্ত্রী মন্ত্রীনা স্কীম অসিগী মখাদা রাজ্যশিং অসিগী প্রোজেক্তশিং অদুদা কয়া য়াম্না খুমাং চাউশিল্লবগে অমসুং মাইগ্রেন্ত লেবরশিংগীদমক্তা থবক্কী খুদোংচাবা কয়াম পীরবগে হায়বা চেকশিন্না য়েংশিল্লি। রাজ্যশিং অসিদা রেলৱে ইনফ্রাস্ত্রকচর প্রোজেক্ত চাউরাক্না  ১৬৪ পাইখৎলখখ্রে।

২০২০গী সেপ্তেম্বর ১৮ ফাওবদা অভিয়ান অসিদা ৱার্কর ১২,২৭৬ থবক শুহনগনি অমসুং মসিগীদমক্তা পাইখৎলক্লিবা প্রোজেক্তশিং অসিগীদমক্তা কন্ত্রেক্তরশিংদা লুপা করোর ২০৫৬.৯৭গী শেন্থং কাইথখ্রে।

রেলৱেনা রাজ্য সরকারগা নক্নবা মরী থমদুনা খুশম্ননা থবক তৌনবগীদমক্তা জিলা খুদিংমক্কা লোইন-লোইননা রাজ্যশিংদা নোদল ওফিসরশিং এপোইন্ত তৌখি।

রেলৱেনা স্কীম অসিগী মখাদা পাইখৎখিবা রেলৱেগী থবকশিং অদুগী মশিং খঙদোকখ্রে। হায়রিবা অসিগা মরী লৈনবা থবকশিং অদুদি (i) লেভেল ক্রোসিংশিংগীদমক্তা এপ্রোচ রোদশিংগী কন্সত্রক্সন অমসুং মেন্তিনেন্স (ii) ফুন্দুনা লৈরবা ইশিংগী খোলমশিং, ত্রেক্তা লৈবা ত্রেঞ্চশিং অমসুং দ্রেনশিংগী দিবেলপমেন্ত তৌবা অমসুং শেংদোকপা, (iii) রেলৱে স্তেশন তম্না লাক্লিবা লম্বিশিংগী কন্সত্রক্সন অমসুং মেন্তিনেন্স, (iv) লৈরিবা রেলৱে এম্বেঙ্কমেন্তশিং/কত্তিংশিং শেমজিনবা অমসুং পাকথোক-চাউথোকহনবা, (v) রেলৱেগী লমশিংগী মতাই ইথং থংবা শরুকশিংদা উ থাবা, (vi) লৈরিবা এম্বেঙ্কমেন্তশিং/কত্তিংশিং/ব্রিজশিংগী প্ররোতেক্সন ৱার্কশিং তৌবা।

খঙজিনগদবা অমনা ইকাইখুম্নরবা প্রধান মন্ত্রী, শ্রী নরেন্দ্র মোদিনা ২০২০গী জুন ২০দা তমথিরবা  কোবিদ-১৯না শোকহল্লবা মশিং য়াম্লবা হল্লক্লিবা মাইগ্রেন্ত ৱার্করশিং মায়োক্নরিবা মফমশিং/খুঙ্গংশিংদা হিংনবগী পাম্বৈশিংগী খুদোংচাবশিং ফংহন্নবা অমসুং পীনবা গরিব কল্যান রোজগার অভিয়ান হায়না মিংথোনবা য়াম্না চাউরবা এমপ্লোইমেন্ত-কম-রুরল পব্লিক ৱার্কস কেমপেন অসি হৌদোকখি। গরিব কল্যান রোজগার অভিয়ানগী মখাদা তুং কোইনগী চৎকদবা রুরল ইনফ্রস্তরকচর শেমগৎনবগীদমক্তা লুপা করোর ৫০,০০০গী শেনফম অমা কাইথরগনি হায়না  প্রধান মন্ত্রীনা লাউথোকখি।

নুমিৎ ১২৫নিগী অভিয়ান অসি মিশন মোদতা পাইখৎখি, অমসুং জিলা ১১৬তা ৱারক্স/এক্তিভিতীশিংগী কেতেগোরী ২৫দা মিৎয়েং থমদুনা থবক তৌবা, মখোয় খুদিংমক্তা, রাজ্য ৬কী হায়বদি বিহার,উত্তর প্রদেশ, মথ্য প্রদেশ, রাজস্থান, ঝারখন্দ অমসুং ওরিশাগী হল্লক্লিবা মাইগ্রেন্ত ৱার্করশিংগী য়াম্লবা মীশিং লৈ। কেমপেন অসিগী মনুংদা পাইখৎলকখিবা পব্লিক ৱার্কশিং অদুগী লুপা করোর ৫০,০০০গী রিসোর্স লৈগনি।

অভিয়ান অসি পব্লিক ইনফ্রাস্ত্রকচর ৱার্কস ২৫ অমসুং হিংনবগী পাম্বৈগী খুদোংচাবশিং হেনগৎহনবগা মরী লৈনবা থবকশিং অদু পাইখৎপদা খুমাং চাউশিলহন্নবা তোঙান তোঙানবা মিনিস্ত্রী/দিপার্তমেন্ত ১২, মিং ওইনা পল্লবদা; রুরল দিবেলপমেন্ত, পঞ্চায়তি রাজ, রোদ ত্রান্সপোর্ত অমসুং হাইৱেজ, মাইনস, দ্রিঙ্কিং ৱাতর অমসুং সেনিতেশন, এনভাইরনমেন্ত, রেলৱেজ, পেত্রোলিয়ম অমসুং নেচরেল গ্যাস, ন্যু অমসুং রিন্যুৱেবল ইনর্জী, বোর্দর রোদস, তেলিকোম অমসুং এগ্রিকলচরগী মরক্তা পুন্সিন্নদুনা হোৎনখিবা থবক্নি।

*****



(Release ID: 1657018) Visitor Counter : 7