রাস্ত্রপতিগী লোইশঙ
জম্মু অমসুং কশ্মীরবু মালেমগী লৈমায়দা লাইরম্লেন অমা ওইহন্নবা, ভারত ইমাগী লুহুপ্তা পকপা অরংবা মনি অমা ওইহন্নবা ঐখোয় হোৎনরসি: রাস্ত্রপতি কোবিন্দ
ভারতকী রাস্ত্রপতিনা জম্মু অমসুং কশ্মীরদা এন.ই.পি. চৎনহন্নবগী মীফমদা ৱা ঙাংখ্রে
Posted On:
20 SEP 2020 1:17PM by PIB Imphal
ঐগী মঙলানদি জম্মু অমসুং কশ্মীরবু ৱাখল লৌশিং, এন্তরপ্রাইজ, ইনোভেসন অমসুং স্কিল দেভেলপমেন্তকী মফম অমা ওইহনবনি হায়না ভারতকী রাস্ত্রপতি, শ্রী রাম নাথ কোবিন্দনা জম্মু অমসুং কশ্মীরদা নেসনেল এজুকেসন পোলিসী চৎনহনবগী মতাঙদা পাঙথোকপা মীফম অমদা ৱা ঙাঙলদুনা ফোঙদোকখি। ঙসি (সেপ্তেম্বর ২০, ২০২০) স্রিনগরদা পাঙথোকখিবা জম্মু অমসুং কশ্মীরগী লেফ্তনেন্ত গভর্নর, জম্মু অমসুং কশ্মীরদা লৈবা য়ুনিভর্সিতীশিংগী ভাইস চান্সেলর অমসুং কলেজশিংগী প্রিন্সিপালশিং লোয়ন লোয়ননা অতৈ স্তেকহোল্দরশিংনা শরুক য়াখিবা মীফম অদুদা রাস্ত্রপতিনা ভিদিও পাউজেল অমগী খুত্থাঙদা ৱা ঙাঙখি।
মফম অদুগী মহৈ মশিং তাল্লিবশিং অদুবু থাগৎলদুনা, এন.ই.পি. মপুং ফানা চৎনহন্দুনা মফমসিবু ৱাখল লৌশিং, অনৌবা ৱাখল্লোন অমসুং মহৈ তমবগী লাইরম্লেন অমা ওইহন্নবা ফিরেপ চেৎনা হোৎনগদবনি হায়না রাস্ত্রপতিনা হায়খ্রে। ফজখ্রবা কুপ্লেততগী মতৌ লৌরদুনা মহাক্না জম্মু অমসুং কশ্মীরবু ঙল্লিঙৈ মতমদা হায়নরমবা “মালেমগী লৈমায়দা লাইরম্লেন অমা ওইহন্নবা, ভারত ইমাগী লুহুপ্তা পকপা অরংবা মনি অমা” হায়বদু অমুক হন্না ওইহন্নবা খোঙথাঙশিং লৌখৎপা মথৌ তাই হায়না হায়খি।
মহৈ মশিংগী লমদা জম্মু অমসুং কশ্মীরদা লৈরিবা ইনাক খুল্লবা মৈহৌরোলগী লনগী মতাঙদা পল্লদুনা, রাস্ত্রপতি কোবিন্দনা মফম অসি নীংশিংবা থোক্ত্রবা মতমদগী হৌনা লোয়নসিল্লোন অমসুং মহৈ তমবগী মফম অমা ওইদুনা লাক্লি। কশ্মীরদা মমীং লৈরিবা লাইনিংলোনগী ৱাপাউশিং, কল্হানাগী রাজতরঙ্গিনি অমসুং মহায়ানাগী বুদ্ধিজম খুদম ওইনা পল্লদুনা, মহাক্না ফোঙদোকখিবদা ভারতকী নাৎ চৎনবী মখোয়শিং অসি য়াওদনা মপুং ফারোই হায়না হায়খি।
এন.ই.পি.গী মরুওইবা অমুক হন্না পল্লদুনা, রাস্ত্রপতিনা হায়খিবদা ভারত্তা ময়াম্না খন্নরুদবা দেমোগ্রাফিক দিবিদেন্দ লৈ অদুম ওইনমক অপুনবা মীশিংগী য়াম্লবা শরুক অমা ওইরিবা নহাশিংনা হৈথোই শিংথোইবা, শিন্ফমদা মতিক চারবা অমদি পুনম্নমক্কী মথক্তা তশেং তশেংবা মওংদা মহৈ মশিং হৈরবা মতমদা মসিবু কান্নবা মায়কৈদা পুরকপা ঙমগনি। জম্মু অমসুং কশ্মীরদা থাজবা উৎলদুনা, মহাক্না হায়খিবদা জম্মু অমসুং কশ্মীর অসি য়াম্না শিংলবা, হৈথোই শিংথোইবা অমদি ইনোভেতিব ওইবা অঙাঙশিংগী তুংনফম্নি। এজুকেসন পোলিসী অসি চৎনহনবনা ‘ইচঙ থৌবা ৱাখল লৈবা” মহৈরোয়শিং পুথোরক্কনি হায়না মহাক্না মখা তাখি।
মমল লৈবা মহৈ মশিংদা মীৎয়েঙ থম্লদুনা রাস্ত্রপতি কোবিন্দনা হায়খিবদা ঐখোয়গী চৎনবী অমদি ইনাক খুল্লবা নাৎ খঙজিনবা মরুওই অমদি মসি ঐখোয়গী ইমালোন্দখক্তা ফংবা ঙমগনি। হায়রিবা ইমালোন অসিমক লৈবাকসিগী নাৎকা চুননা শেম্লবা অনৌবা এজুকেসন পোলিসীনা পুক্নীং থৌগৎলি। পোলিসী অসিদা য়াওরিবা লোন-অহুমগী ফোর্মুলা অসি য়াম্না মরু ওই অমদি মল্তিলিঙ্গুএলিজম অমসুং লৈবাক্কী অপুনবগী ৱাখল্লোন য়োকখৎপগা লোয়ননা স্তেত নৎত্রগা য়ুনিয়ন তেরিতরী অমত্তদা লোন অমত্তা নমদুনা তমহনবা তৌরোই হায়না মহাক্না মখা তাখি।
পোলিসী অসিনা মহৈ মশিং তমবদা পুম্নমক ফংহনবা, চাং মান্নবা, পুবা থাংবা ঙমবা, দাইত্ব লৈবা অমদি মতিং লৈবা ফীভম পুরকপদা মীৎয়েঙ থমদুনা হৈথোই শিংথোইবা হেনগৎহনবা, এক্সপিরিএন্স বেজ লর্নীং অমসুং লোজিকেল থিঙ্কিংবু পুক্নীং থৌগৎলি হায়না মহাক্না ফোঙদোকখি। আত্মনিরভর ভারতকী চৎন-কাঙলোনদা পুক্নীং চিংশিল্লদুনা, এন.ই.পি. ২০২০দা য়াওরিবা ভোকেসনেল এজুকেসন অসিনা পান্দম অসি ফংবদা মতেং ওইগনি হায়না মহাক্না হায়খি।
রাস্ত্রপতিনা জম্মু অমসুং কশ্মীরগী নহাশিংগী মফমদা পোলিসী অসিগী পান্দমশিং ফংননবা অমদি ইং-চিকপা অমসুং নুংঙাই য়াইফবা তুংগী পুন্সি অমগী য়াইফ পাউজেল পীখি।
রাস্ত্রপতিগী ৱারোল পাননবা মফমসিদা নম্বিয়ু
*****
(Release ID: 1657012)
Visitor Counter : 187