ਭਾਰਤ ਨੇ ਇਕ ਦਿਨ ਵਿਚ ਬੇਮਿਸਾਲ ਰਿਕਵਰੀ ਹਾਸਲ ਕੀਤੀ ਹੈ। ਪਿਛਲੇ 24 ਘੰਟਿਆਂ ਵਿੱਚ ਘਰ / ਕੇਂਦਰ ਦੀ ਨਿਗਰਾਨੀ ਅਧੀਨ ਦੇਖਭਾਲ ਅਤੇ ਹਸਪਤਾਲਾਂ ਤੋਂ 87,472 ਸਿਹਤਯਾਬ ਹੋਏ ਮਰੀਜ਼ਾਂ ਨੂੰ ਛੁੱਟੀ ਦਿੱਤੀ ਗਈ। ਪਿਛਲੇ 11 ਦਿਨਾਂ ਤੋਂ ਭਾਰਤ ਲਗਾਤਾਰ 70,000 ਤੋਂ ਵੱਧ ਰੋਜ਼ਾਨਾ ਰਿਕਵਰੀ ਦੀਆਂ ਰਿਪੋਰਟਾਂ ਮਿਲ ਰਹੀਆਂ ਹਨ।

ਸਿਹਤਯਾਬ ਹੋਣ ਦੀ ਦਰ ਅੱਜ ਵੱਧ ਕੇ 78.86 ਫ਼ੀਸਦ ਤੱਕ ਪੁੱਜ ਗਈ ਹੈ। ਇਸ ਤਰ੍ਹਾਂ ਕੁਲ ਸਿਹਤਯਾਬ ਹੋਏ ਕੇਸ 41,12,551 'ਤੇ ਪੁੱਜ ਗਏ ਹਨ।

ਸਿਹਤਯਾਬ ਹੋਏ ਕੇਸ, ਐਕਟਿਵ ਕੇਸਾਂ ਦੀ ਗਿਣਤੀ ਤੋਂ 4.04 ਗੁਣਾ ਜ਼ਿਆਦਾ ਹਨ। ਸਭ ਤੋਂ ਵੱਧ ਐਕਟਿਵ ਕੇਸਾਂ ਵਾਲੇ ਚੋਟੀ ਦੇ 5 ਰਾਜਾਂ ਵਿੱਚ ਸਿਹਤਯਾਬ ਹੋਏ ਮਰੀਜਾਂ ਦੀ ਗਿਣਤੀ ਵੀ ਸਭ ਤੋਂ ਵੱਧ ਦਰਜ ਕੀਤੀ ਜਾ ਰਹੀ ਹੈ।

ਸਰਗਰਮ ਕੇਸਾਂ ਵਿਚੋਂ 59.8 ਫ਼ੀਸਦ ਮਹਾਰਾਸ਼ਟਰ, ਆਂਧਰਾ ਪ੍ਰਦੇਸ਼, ਤਾਮਿਲਨਾਡੂ, ਕਰਨਾਟਕ ਅਤੇ ਉੱਤਰ ਪ੍ਰਦੇਸ਼ ਤੋਂ ਸਾਹਮਣੇ ਆ ਰਹੇ ਹਨ। ਇਹ ਰਾਜ ਕੁੱਲ ਰਿਕਵਰੀ ਵਿਚ 59.3 ਫ਼ੀਸਦ ਯੋਗਦਾਨ ਪਾ ਰਹੇ ਹਨ। 90 ਫ਼ੀਸਦ ਨਵੀਂ ਰਿਕਵਰੀ 16 ਰਾਜਾਂ ਅਤੇ ਕੇਂਦਰ ਸ਼ਾਸਤ ਪ੍ਰਦੇਸ਼ ਵਿੱਚ ਦਰਜ ਕੀਤੀ ਜਾ ਰਹੀ ਹੈ।

ਨਵੀਂ ਰਿਕਵਰੀ ਵਿੱਚ ਮਹਾਰਾਸ਼ਟਰ (19,522) ਨੇ 22.31 ਫ਼ੀਸਦ ਦਾ ਯੋਗਦਾਨ ਪਾਇਆ ਜਦੋਂਕਿ ਆਂਧਰਾ ਪ੍ਰਦੇਸ਼ (12.24 ਫ਼ੀਸਦ ), ਕਰਨਾਟਕ (8.3ਫ਼ੀਸਦ ), ਤਾਮਿਲਨਾਡੂ (6.31ਫ਼ੀਸਦ ) ਅਤੇ ਛੱਤੀਸਗੜ (6.0ਫ਼ੀਸਦ ) ਦਰਜ ਕੀਤੀ ਗਈ। ਇਹ ਰਾਜ ਕੁੱਲ ਰਿਕਵਰੀ ਵਿੱਚ 55.1ਫ਼ੀਸਦ ਯੋਗਦਾਨ ਪਾ ਰਹੇ ਹਨ।

ਉੱਚ ਪੱਧਰੀ ਸਿਹਤਯਾਬੀ ਦੀ ਨਿਰੰਤਰ ਲੜੀ ਕੇਂਦਰ ਸਰਕਾਰ ਵਲੋਂ ਜਾਰੀ ਕੀਤੇ ਗਏ ਪ੍ਰਭਾਵਸ਼ਾਲੀ ਕਲੀਨਿਕਲ ਪ੍ਰਬੰਧਨ ਅਤੇ ਇਲਾਜ ਪ੍ਰੋਟੋਕੋਲ ਦੀ ਗਵਾਹੀ ਹੈ ਜੋ ਨਵੇਂ ਸਬੂਤਾਂ ਦੇ ਉਭਾਰ ਨਾਲ ਸਮੇਂ-ਸਮੇਂ ਤੇ ਅਪਡੇਟ ਕੀਤੀ ਜਾਂਦੀ ਰਹੀ ਹੈ। ਏਮਜ਼ ਦੇ ਨਾਲ ਸਰਗਰਮ ਸਹਿਯੋਗ ਨਾਲ ਸਿਹਤ ਮੰਤਰਾਲਾ 'ਕੋਵਿਡ -19 ਪ੍ਰਬੰਧਨ 'ਤੇ ਨੈਸ਼ਨਲ ਈ-ਆਈਸੀਯੂ' ਦਾ ਪ੍ਰਬੰਧ ਕਰ ਰਿਹਾ ਹੈ, ਜੋ ਕਿ ਉੱਤਮਤਾ ਦੇ ਕੇਂਦਰ ਵਲੋਂ ਰਾਜ / ਯੂਟੀ ਹਸਪਤਾਲਾਂ ਦੇ ਆਈਸੀਯੂ ਡਾਕਟਰਾਂ ਨੂੰ ਸੰਭਾਲਦਾ ਹੈ। ਹਫ਼ਤੇ ਵਿਚ ਦੋ ਵਾਰ ਮੰਗਲਵਾਰ ਅਤੇ ਸ਼ੁੱਕਰਵਾਰ ਨੂੰ ਆਯੋਜਿਤ ਇਨ੍ਹਾਂ ਸੈਸ਼ਨਾਂ ਨੇ ਭਾਰਤ ਦੀ ਸਿਹਤਯਾਬੀ ਦਰ ਨੂੰ ਮੁੜ ਪ੍ਰਾਪਤ ਕਰਨ ਅਤੇ ਮੌਤ ਦਰ ਨੂੰ ਘੱਟ ਕਰਨ ਵਿੱਚ ਪ੍ਰਮੁੱਖ ਭੂਮਿਕਾ ਨਿਭਾਈ। ਹੁਣ ਤੱਕ ਦੇਸ਼ ਭਰ ਵਿਚ ਇਸ ਤਰ੍ਹਾਂ ਦੇ 19 ਰਾਸ਼ਟਰੀ ਈ-ਆਈਸੀਯੂ ਸਥਾਪਿਤ ਕੀਤੇ ਗਏ ਹਨ, ਜਿਨ੍ਹਾਂ ਵਿਚ 28 ਰਾਜਾਂ / ਕੇਂਦਰ ਸ਼ਾਸਤ ਪ੍ਰਦੇਸ਼ਾਂ ਦੇ 249 ਹਸਪਤਾਲ ਸ਼ਾਮਲ ਹਨ।

ਭਾਰਤ ਨੇ ‘ਜਾਂਚ ਪ੍ਰਣਾਲੀਆਂ ’ ਜਿਵੇਂ ਰੀਮੇਡੇਸਵੀਰ, ਕਨਵਲੇਸੈਂਟ ਪਲਾਜ਼ਮਾ ਅਤੇ ਟੋਸੀਲੀਜ਼ੁਮੈਬ ਦੀ ਵਰਤੋਂ ਦੀ ਇਜਾਜ਼ਤ ਦਿੱਤੀ ਹੈ ਅਤੇ ਕੋਵਿਡ ਦੇ ਮਰੀਜ਼ਾਂ ਦੀ ਰਿਕਵਰੀ ਵਿਚ ਸਹਾਇਤਾ ਲਈ ਉੱਚ ਵਹਾਅ ਆਕਸੀਜਨ, ਹਵਾਦਾਰੀ ਦੀ ਵਰਤੋਂ, ਸਟੀਰੌਇਡ ਅਤੇ ਐਂਟੀ-ਕੋਗੂਲੈਂਟਾਂ ਦੀ ਵਰਤੋਂ ਕੀਤੀ ਹੈ। ਘਰਾਂ ਦੇ ਇਕਾਂਤਵਾਸ ਦਾ ਨਿਰੀਖਣ, ਤੁਰੰਤ ਅਤੇ ਸਮੇਂ ਸਿਰ ਇਲਾਜ ਲਈ ਮਰੀਜ਼ਾਂ ਨੂੰ ਲੈ ਕੇ ਜਾਣ ਵਾਲੀਆਂ ਐਂਬੂਲੈਂਸਾਂ ਦੀਆਂ ਸੁਧਾਰੀਆਂ ਸੇਵਾਵਾਂ ਸਹਿਜ ਅਤੇ ਕੁਸ਼ਲ ਮਰੀਜ਼ ਪ੍ਰਬੰਧਨ ਨੂੰ ਸਮਰੱਥ ਕਰਦੀਆਂ ਹਨ।

ਰਾਜ / ਕੇਂਦਰ ਸ਼ਾਸਤ ਪ੍ਰਦੇਸ਼ ਸਰਕਾਰਾਂ ਦੇ ਯਤਨਾਂ ਦੇ ਸਮਰਥਨ ਅਤੇ ਸਹਾਇਤਾ ਲਈ, ਕੇਂਦਰ ਨੇ ਕੇਂਦਰੀ ਮਾਹਰ ਟੀਮਾਂ ਨੂੰ ਨਿਯੁਕਤ ਕੀਤਾ ਹੈ। ਨਿਯਮਤ ਸਮੀਖਿਆ ਨੇ ਸਿਹਤ ਸਹੂਲਤਾਂ ਵਿਚ ਮੈਡੀਕਲ ਆਕਸੀਜਨ ਦੀ ਢੁੱਕਵੀਂ ਉਪਲਬਧਤਾ ਨੂੰ ਯਕੀਨੀ ਬਣਾਇਆ ਹੈ।  ਇਨ੍ਹਾਂ ਨੇ ਮਿਲ ਕੇ ਭਾਰਤ ਦੀ ਉੱਚ ਰਿਕਵਰੀ ਵਿਚ ਇਕ ਮਹੱਤਵਪੂਰਣ ਭੂਮਿਕਾ ਨਿਭਾਈ ਹੈ ਅਤੇ ਘੱਟ ਮੌਤ ਦਰ (ਸੀਐੱਫਆਰ) ਬਣਾਈ ਰੱਖੀ ਹੈ, ਜੋ ਇਸ ਵੇਲੇ 1.62 ਫ਼ੀਸਦ ਹੈ।

                                                                                           ****

ਐਮਵੀ

ਐੱਚਐੱਫਡਬਲਿਊ/ਕੋਵਿਡ ਰਾਜ ਡੇਟਾ/ 18 ਸਤੰਬਰ2020 / 1