ভারত্তা হান্না অমুক্কা থোকখিদ্রিবা মওংদা খ্বাইদগী চাং ৱাংনা ফগৎলকখি হায়বা রেকোর্দ থমখ্রে।

হৌখিবা পুং ২৪সিদা এক্তিব কেস ৯৭,৪৭২ অসি নারম্বদগী ফগৎলকখিদুনা য়ুমদা/ফেসিলিতীদা নিংথিনা য়েংশিনবদগী অমসুং  হোসপিতালশিংদগী অমদি দিসচার্জ তৌখ্রে।

হৌখিবা নুমিৎ ১১নিদগী ৭০,০০০দগী হেন্না নোংমদা ফগৎখিবগী চাং য়াম্না চাং ৱাংনবগী রিপোর্ত অসি অসি লেপ্তনা রিপোর্ত তৌরক্লি।  

ফগৎলকখিবগী চাং অসি মখা তানা কাখৎলক্তুনা ঙসি ৭৯.৯৬% ওইরে। অপুনবা ওইনা ফগৎলকখিবা কেসশিং অসি ৪১,১২,৫৫১ ওইরে।

এক্তিব কেশিংদগী ফগৎলকখিবা অসি ৩০,৯৪,৭৯৭ ওইখিদুনা ফগৎলকখিবা অসি শরুক ৪.০৪ ওইখ্রে। খ্বাইদগী চাং ৱাংনা এক্তিব ওইবা রাজ্য ৫ অসিদসু চাং ৱাংনা ফগৎলকখিবগী রিপোর্ত ফংলি।

মহারাস্ত্রা, অন্ধ্র প্রদেশ, তমিল নাদু, কর্নাতকা অমসুং উত্তর প্রদেশতগী ৫৯.৯% এক্তিব ওইবগী রিপোর্ত পীরকখি। রাজ্যশিং অসিদা অপুনবা ফগৎলকখিবগী চাং অসি ৫৯.৩%দা ওইরি।

রাজ্য ১৬ অমসুং য়ুনিয়ন তেরিতোরীশিংদগী অনৌবা ফগৎখিবগী চাং ৯০%ওইবগী রিপোর্ত তৌরকখি।

 মহারাস্ত্র(১৯,৫২২)দা অনৌবা ফগৎলকখিবগী চাং অসি ২২.৩১% ওইখি অদুগা অন্ধ্র পর্দেশত(১২.২৪%), কর্নাতকা(৯.৩%), তমিল নাদু(৬.৩১%) অমসুং ছতিসগড়(৬.০%)না মতুংদা ইন্দুনা অনৌবা ফগৎলকখিবগী চাং অসি ৩২.৯% ওইখ্রে। হায়রিবা রাজ্যশিং অসিদা অনৌবা ফগৎলকখিবগী অপুনবা মশিং অসি ৫৫.১% ওইখ্রেয।

অনৌবা খুদম ফংবদা খুদক্তা তঙাই ফদনা তৌগদবশিং অদু খংহল্লকপগা লোয়ননা মতম-মতমগী ওইনা অপদেৎ তৌদুনা  কেন্দ্র সরকারনা থোকপা লায়েং চত্থনবগী য়েংশিনবগী মওং অমদি লায়েংবগী প্রোতোকোল অসি য়াম্না চাং ৱাংবা থাক্তা ফগৎলকপা অসি লেপ্তনা লৈই অসি মখা তানা ৱাংখৎলক্লি। হকশেল মন্ত্রালয়না এম্সকা লোয়ননা নিংথিনা তেংবাংনদুনা খ্বাইদগী অফবা সেন্তরশিংদগী রাজ্যশিং/য়ুনিয়ন তেরিতোরীগী আই.সি.য়ু.গী দোক্তরশিংনা থবক পাংথোকপা ‘কোবিদ-১৯গী মতাংদা য়েংশিন্দুনা থবক শিন্দোক-শিঞ্জিন তৌবগী নেস্নেল ই-আই.সি.য়ু’ অসি থবক পাংথোকখ্রে। চয়োল অমদা অনিরক লৈবাকপোকপা অমসুং ইরাইদা মসিগী সেসনশিং অসিনা ভারত্তা নিংথিনা ফগৎলকপগী চাং হেনগৎহল্লকখ্রে অমদি কেস ফর্তিলিতী রেৎ অসি হন্থহল্লকখ্রে।  হৌজিক ফাওবদা লৈবাক অসিগী রাজ্য/য়ুনিয়ন তেরিতোরী ২৯গী হোসপিতাল ২৪৯দা অসিগুম্বা ই-আই.সি.য়ু. ১৯দা থবক পাংথোকহনখ্রে। ভারতনসু কোবিদ-১৯গী অনাবশিং অসি ফগৎপদা তেংবাং ওইনবা রামদেসেৱির, কোভেলেসেন্ত প্লাজমা অমসুং তোসিলিজুমাবগুম্বা ‘ইনভেস্তিগেস্নেল থেরাপী’শিং অমদি প্রোনিংগুম্বা পাম্বৈশিং, চাং ৱাংনা চেনবা ওক্সিজেন শিজিন্নবা, নন-ইনভেসিব ভেন্তিলেসন, এস্তেরোইদশিং অমদি এন্তি-কোৱাগুলেন্ত অসি মরম চানা শিজিন্নবগী অয়াবা পীখ্রে। অনাবশিং অদু থুনা অমদি মতম চানা লায়েংনবগীদমক্তা য়ুমদা আইসোলেসন তৌদুনা য়েংশিনবিবা, অফবা এম্বুলেন্সকী হেন্না ফবা সর্ভিসশিং অসিনা লাইনা অমদি হৈ-শিংনা অনাবশিংগী থবক-শিন্দোক-শিঞ্জিন তৌদুনা য়েংশিনবিবা ঙমহনখ্রে। 

রাজ্য/য়ুনিয়ন তেরিতোরীনা হোৎনরিবশিং অসি শৌগৎপিনবগীদমক্তা কেন্দ্রনা সেন্ত্রেল মল্তী স্পিসিএলিস্ত তীমশিং থবক্তা য়াওহনখ্রে। চাং নাইনা য়েংশিনবনা হকশেলগী ফেসিলিতীশিংদা মেদিকেল ওক্সিজেন অসি মতিক চানা শোইদনা ফংহনবা ঙমখ্রে। মসিগীশিং অসিনা ভারতকী চাং ৱাংনা ফগৎলকপগী চাং অসিদা হকচিন্না অচৌবা থৌদাং অমা লৌরি অমদি কেস ফেতিলিতী(কে.এফ.আর.)গী চাং অসি নেমথনা থমদুনা হৌজিক  ১.৬২% লৈরে।