প্রধানমন্ত্রীগী লোইশঙ
প্রধানমন্ত্রীগা ভুতানগী নিংথৌগা তেলিফোন্দা ৱারী শানবা
Posted On:
17 SEP 2020 11:20PM by PIB Imphal
প্রধানমন্ত্রী শ্রী নরেন্দ্র মোদীনা ঙসি ভুতাবগী নিংথৌ হিজ মেজেস্তী জিগ্মে খেসর নমগ্যেল ৱাংচুক্কা তেলিফোন্দা ৱারী শান্নখ্রে।
হিজ মেজেস্তী নিংথৌনা প্রধানমন্ত্রীগী ৭০শুবা মপোক কুমওনগী য়াইফ পাউজেল পীরকখ্রে। প্রধানমন্ত্রীনা নিংথৌগী পাউজেল অদুগীদমক্তা তৌবিমল খংবা উৎখি অমদি হিজ মেজেস্তী নিংথৌ, হান্নগী ভুতানগী নিংথৌ অমদি ভুতানগী কোনুং অদুগা শাগোন্নরিবা অতোপ্পা মীওইশিংবু ইকাই খুম্নবা উৎখি।
লুচিংবা অসিনা ভারত অমদি ভুতান অনিগী মরক্তা লৈনরিবা মরূপ-মপাং ওইবগী অমদি য়ুম্লোন্নবা লৈবাক ওইবগী মওংদা থাজবা অমদি নুংশিনবগী ওইবা তোপ-তোপ্পা মওংগী লিপুন অসিগী মতাংদা হায়খি।
প্রধানমন্ত্রীনা ভুতানগী নিংথৌনা মসিগী অখন্নরবা মরূপ ওইবগী মওং অসিবু হেন্না ফগৎহন্নবদা লুচিংবিবগী মওংদা লৌরিবা থৌদাং অসিগীদমক্তা থাগৎপা ফোংদোকখি।
কোবিদ-১৯গী লায়চৎ অসিগী মতমদা নিংথিনা য়েংশিন্দুনা থবক-শিন্দোক-শিঞ্জিন তৌবগীদমক্তা প্রধানমন্ত্রীনা ভুতানবু থাগৎপা ফোংদোকখি অমদি হিজ মেজেস্তী নিংথৌদা হায়রিবা মরম অসিগী মতাংদা ভুতান্দা পাংবা য়াবা মতেং পুম্নমক শোইদনা পাংনবা শেম-শাদুনা লৈ হায়বগী অচেৎপা থাজবা ফোংদোকখি। প্রধানমন্ত্রীনা হিজ মেজেস্তী নিংথৌদা অমদি মহাক্কী ভারত্তা লৈরিবা ইমুং-মনুংদা খুদোংচাবা নুমিৎ অমদা তরম্না ওকচনিংবগী অপাম্বা ফোংদোকখি।
*****
(Release ID: 1656077)
Visitor Counter : 163
Read this release in:
English
,
Urdu
,
Marathi
,
Hindi
,
Bengali
,
Assamese
,
Punjabi
,
Gujarati
,
Odia
,
Tamil
,
Telugu
,
Kannada
,
Malayalam