১০শুবা দিফেন্স তেক্নোলোজী এন্দ ত্রেদ ইনিসিএতিব (দি.তি.তি.আই.) গ্রুপকী মীফম ভর্চ্যুল ওইনা সেপ্তেম্বর ১৫, ২০২০দা পাঙথোকখ্রে। মীফম অসি ভারতকী ঙাকশেল মন্ত্রালয়দগী দিফেন্স প্রদক্সন সেক্রেতরী শ্রী রাজ কুমার অমসুং য়ু.এস.কী ঙাকশেল বিভাক্তগী দিফেন্স ফোর এক্বিজিসন এন্দ সস্তেনমেন্তগী অন্দর সেক্রেতরী মিস ইলেন এম. লোর্দকা কো-চ্যের তৌখি। দি.তি.তি.আই. গ্রুপকী মীফমশিং অসি চহি অমদা অনিরক ভারত্তা নত্রগা য়ুনাইতেদ স্তেৎসতা পাঙথোকই। হন্দক্তি কোবিদ লায়চৎনা মরম ওইসুনা ভি.তি.সি.গী থোংদা মীফম অসি পাঙথোকখি।

দি.তি.তি.আই. গ্রুপকী পান্দম অসি লৈবাক অসিগী ঙাকশেলগী ললোন-ইতিক তৌবগী মরী অসি মতম শাংনা চৎমিন্ননবা লুচিংবদা মীৎয়েং থম্বা অমদি ঙাকশেলগী খুশু-খুৎলাইশিং পুন্না পুথোক্নবা অমসুং পুন্না শেমগৎনবা খুদোংচাবশিং ফংহনবনি। মখোয়গী দোমেনশিংগী মনুংদা মায়কৈ অনিদগী য়ান্নখিবা প্রোজেক্তশিং খুমাং চাউশিনহন্নবা দি.তি.তি.আই.গী মখাদা কংফাল, নেবেল, এয়র অমসুং এয়রক্রাফ কেরিয়র তেক্নোলোজীশিংদা মীৎয়েং থম্বা জোইন্ত ৱার্কিং গ্রুপ মরি লিংখৎখ্রে। মরু ওইবগী মতুং ইন্না লোয়শিন্নবা পান্দমশিং থম্লিবা লোয়শিল্লকদৌরবা প্রোজেক্ত কয়া য়াওনা হৌজিক চত্থরিবা থবক থৌরমশিং অমসুং চুংশিন্নবা য়াবগী খুদোংচাবশিংগী মতাংদা কো-চ্যেরদা গ্রুপ অসিনা রিপোর্ত তৌখি।

দি.তি.তি.আই.গী মাই পাকপা ঙম্নবা হোৎনরিবা অসি উবা ফংবগা লোয়ননা “মচা খায়না পোরম য়াত্তুনা অমসুং মখল কয়াগী অখন্নবা দি.তি.তি.আই. প্রোজেক্তশিংদা চাউনা খুমাং চাউশিনহন্দুনা ঙাকশেলগী তেক্নোলোজীদা পুন্না থবক তৌমিন্নবগী মতাংদা মখোয়গী দাইলোগকী মপাঙ্গল কনখৎহন্নবা”গী মখোয়গী অপাম্বা য়াওবা স্তেৎমেন্ত ওফ ইন্তেন্ত (এস.ও.আই.) অমা কো-চ্যেরশিংনা খুৎয়েক পীনখি।

২০১৯গী ওক্তোবরদা অরোইবা ফমখিবা দি.তি.তি.আই. গ্রুপকী মীফম অদুগী মতুংদা দি.তি.তি.আই.গী মখাদা কোর্পোরেতিব প্রোজেক্তশিং খন্দোক্নবা অমসুং দিবেলপমেন্তগী দি.তি.তি.আই. স্তেন্দর্দ ওপরেতিং প্রোসিদ্যুর (এস.ও.পি.) অমা শেম্বা লোয়রে হায়বদা কো-চ্যেরনা অপেনবা ফোঙদোকখি। এস.ও.পি.না দি.তি.তি.আই.গী ফ্রমৱার্ক ওইনা মথৌ তৌগনি অমসুং নাকল অনিমক্না করম্না মাই পাক্কনি হায়বা খংবা য়াহল্লগনি। মীয়ামদা খংহনবা য়াবা এস.ও.পি.গী মরুওইবা ইলিমেন্ত খরা লৌথোক্লগা দি.তি.তি.আই.গী ইন্দস্ত্রীগী অহৌবা গাইদেন্স ওইনা জুলাইদা ফোঙখ্রে অমসুং ইন্দিয়ন অমসুং য়ু.এস. ইন্দস্ত্রী এসোসোএসনগী খুত্থাংদা য়েন্থোকখ্রে। 

২০২০গী সেপ্তেম্বর ১০ ভর্চ্যুল ওইনা পাংথোকখিবা অহানবা দি.তি.তি.আই. ইন্দস্ত্রী কোলাবোরেসন ফোরম (দি.আই.সি.এফ.)না দি.তি.তি.আই.গী মখাদা য়ু.এস. অমসুং ইন্দিয়ন ইন্দস্ত্রীনা খুৎশম্নরগা নেক্স-জেনেরেসন এক্নোলিজীশিং দিবেলপ তৌনবা মখাতাবা খোঙথাংশিং উৎখি। দি.আই.সি.এফ. অসি শ্রী সঞ্জয় জাজু, জোইন্ত সেক্রেতরী (দিফেন্স ইন্দস্ত্রীজ প্রদক্সন), মিস্তর মাইকেল ভেক্কারো,দিরেক্তর, ইন্তর্নেস্নেল আর্মেমেন্তস কো-ওপরেসন অমসুং মিস এমি মুরেন, দিরেক্তর, স্মোল ব্যুজিনেস প্রগ্রামসনা কনভেনর ওইখি। মসিগী ফোরম অসিনা দি.তি.তি.আই.দা হকথেংননা শরুক য়ানবা ইন্দিয়ন অমসুং য়ু.এস. ইন্দস্ত্রীগী খুদোংচাবা অমা পীরি অমসুং ইন্দস্ত্রী‌এল কোলাবোরেসন্দা মমি তাবা ইসুশিং অদু সরকার অমসুং ইন্দস্ত্রীগী মরক্তা ৱারী শাবা য়াহল্লগনি। খন্ন-নৈনবা অদুগী ফলশিং অদু দি.তি.তি.আই. কাংলুপকী কো-চ্যেরদা পাউদমখি।

*****