তোঙান তোঙানবা সেক্তরশিংনা এম.এস.এম.ই.গী পীদনা লৈরিবা শেলশিং পীথোকহন্নবা অচৌবা খোঙথাং অমা ওইনা কেন্দ্রগী মাইক্রো, স্মোল অমসুং মীদিয়ম ইন্তর্প্রাইজেস (এম.এস.এম.ই.শিং) মন্ত্রালয়না লৈবাক অসিগী লনাই সেক্তরগী ইন্তর্প্রতরগস.এম.ই.শিং) মন্ত্রালদোকরালাইজশিংদা হৌজিক এম.এস.এম.ই.গী পীদনা লৈরিবা শেলশিং মরু ওইবগী মতুং ইন্না পীথোক্নবা শেল থাদোক্নবা খোঙথাংশিং লৌখৎলগনি।

পীথোক্তনা লৈরিবা শেলশিং অসি নুমিৎ ৪৫গী মনুংদা পীনবা অপাম্বা থমখি। মসিগী মখা তারকপা ওইনা এম.এস.এম.ই. মন্ত্রালয়না ৱাফম অসি কেন্দ্রগী মন্ত্রালয়শিং, বিভাগশিং অমসুং সেন্ত্রেল পব্লিক সেক্তর ইন্তর্প্রাইজশিং (সি.পি.এস.ই.শিং)গা লোয়ননা কুপ্না খন্নখ্রে। মসিগী মথক্তা মখোয়না হায়বা ঙাক্না চৎপগা লোয়ননা মন্ত্রালয়না রিপোর্ত তৌনবগী ওনলাইন সিস্তেম অমা পুথোকখ্রে।থাগী ওইবা পীথোক্তনবা লৈবা শেল অমসুং পেমেন্তশিংগী মতাংদা সিস্তেম অসিদা সি.পি.এস.ই. কয়ানা হৌখিবা থা মরি অসিদা রিপোর্ত তৌরক্লি। মন্ত্রালয়শিং অমসুং সি.পি.এস.ই.শিংনা লুপা করোর ১০০০০রোম পীথোকবা রিপোর্ত লাকখি। অসিগুম্বা রাজ্যশিংনা হিরম অসিদা খোঙথাং লৌখৎনবা অমদি অসিগুম্বা পেমেন্তশিং থুনা তৌথোক্নবা মন্ত্রালয়না পুক্নিং থৌগৎখি।

মখা তানা খোঙথাং লৌখৎপা কনশিনবা ওইনা মন্ত্রালয়না লৈবাক অসিগী মকোক থোংবা কোর্পোরেৎ গ্রুপ ৫০০গা হীরম অসিদা হকথেংননা কুপ্না খন্নখ্রে। হায়রিবা কোর্পোরেৎ চামঙা অসিগী মপুংশিং, সি.এম.দি.শিং নত্রগা মকোক থোংবা একজিক্যুতিবশিংদা মন্ত্রালয়না ই-লেতর থাখ্রে। অৱাবা তানফম অসিদা এম.এস.এম.ই.শিংবু শৌগৎপীবা অমদি মখোয়গী মতেং পাংবা ওইনা মন্ত্রালয়না পীথোক্তনা লৈরিবা পেমেন্তশিং পীথোক্নবা অকনবা খোঙথাং লৌখৎখ্রে। এম.এস.এম.ই. কবানা অচৌবা কোর্পোরেৎ গ্রুপশিংগা লালোন ইতিক তৌমিন্নরি অদুবু মখোয়গী গুদশিং অমসুং সর্ভিসশিংগী বয়রশিং অমসুং য়ুজরশিংনা পেমেন্ত পীথোক্তনা লৈরি। মন্ত্রালয়না হায়খি এম.এস.এম.ই. সেক্তরগী মখাদা হকথেংননা নত্রগা নাকোয়ননা মসিগী মখাদা লৈরিবা ইমুং-মনুংশিং, প্রোফেসনেলশিং অমসুং শিন্মীশিং অসিদা অকায়বা থোকহল্লি। হৌখিবা থাশিংদা পেমেন্ত মতম চানা তৌখিবা অদু ধাগৎলদুনা মন্ত্রালয়না হায় তৌগদবা কয়া অমা ৱাৎলি। ফীভম অসি য়েংশিন্নবা মন্ত্রালয়না কোর্পোরেৎকী লমদা লৈরিবশিংদা অখন্নবা পাউতাক অহুম পীখি।

• মন্ত্রালয়না হায়খি পেমেন্তশিং অসি মখোঙদগী হৌনা এম.এস.এম.ই. চল্লাইবদা অমসুং থবক পীবদা অমদি অতোপ্পা শেন্মীৎলোনগী থবক থৌরমশিংদা য়াম্না মরু ওই। মসিনা কোর্পোরেৎকী লমদা লৈরিবা য়াওনা অপুনবগী শেন্মীৎলোন্দা কান্নবা ফংহল্লগনি। মরম অসিনা মন্ত্রলায়না হায়রিবা পেমেন্ত অসি পন্দুনা লৈবরা অমসুং অথুবদা ধাদোক্নবা য়েংহন্নবা মন্ত্রীনা ফোঙদোকখি;

• এম.এস.এম.ই.শিংগী কেশ ফ্লোশিংগী সমস্যা অসি কোকহন্নবা অতোপ্পা পাম্বৈ অমা ওইনা ২০১৮দা তর্নওভর লুপা ৫০০ হেন্না লৈবা সি.পি.এস.ই.শিং অমসুং কোর্পোরেৎ এন্তিতীশিংনা তি.আর.ই.দি.এস. প্লেৎফোর্মশিং শোইদনা শীজিন্ননবা মন্ত্রালয়না খঙহনখ্রে। অদুম ওইনমক কোর্পোরেৎ কয়ানা মসিদা য়াওশিল্লক্কদবা ৱাৎলি নত্রগা মসি ত্রাঞ্জেক তৌদ্রি। মখোয়গী কম্পনীশিং তি.আর.ই.দি.এস. য়াওনবা অমসুং ত্রাঞ্জেক্সনশিং তৌবা হৌনবা খঙহনখ্রে;

• মন্ত্রালয়না কোর্পোরেৎ এন্তিতীশিংদা মখোয়না এম.এস.এম.ই.শিংদা পীথোক্তনা লৈরিবা শেলশিং অদুগী চহি-তঙ্খাইগী রিতর্ন অদু কোর্পোরেৎ এফিয়র্স মন্ত্রালয়গা লোয়ননা শোইদনা ফাইল তৌনবা কোর্পোরেৎশিংদা অমুক হন্না খঙহনখ্রে। মমাংদা মসিগি রিতর্ন অসি ফাইল তৌখিবা লৈত্রবদি কোর্পোরেৎশিংনা ফাইল তৌনবা খঙহল্লি।

কোর্পোরেৎ ইন্দিয়াদা মখোয়না অপিকপা য়ুনিৎশিংদা ফজনা লোয়নরিবা অসিগী মতাংদা এম.এস.এম.ই. মন্ত্রালয়না এম.এস.এম.ই. দিবেলপমেন্ত এক্ত, ২০০৬কী মখাদা লৈরিবা আইনগী ওইবা প্রোবিজনশিংগী মতুং ইন্না এম.এস.এম.ই.দা পীফম থোকপা পেমেন্তশিং নুমিৎ ৪৫গী মনুংদা শোইদনা পীথোক্কদবনি হায়না খঙহনখি। মন্ত্রালয়না হায়খি মসিনা লৈবাক অসিগী শেন্মীৎলোন্দা চাউনা কান্নবা ফংহল্লগনি। পেমেন্ত পীথোকপনা এম.এস.এম.ই. সেক্তরগী ইন্তর্প্রাইজশিংনা হিংনবগী পাম্বৈ ওইজরিবা মীওই কয়াগী মাইথোংদা মীনোক পুরকপা ঙমহল্লগনি হায়না মন্ত্রালয়না ফোঙদোকখি

এম.এস.এম.ই. মন্ত্রালয়না মখা চত্থরকপা ওইনা সোসিএল মীদিয়া আউৎরীচকী খুত্থাংদা অতোপ্পা কোর্পোরেৎশিংগসু হীরম অসিদা খন্নরগনি।

*****