হকশেল অমসুং য়াইফ-য়ুম্বাল মন্ত্রালয়

দা হর্শ বর্ধন্না ‘সন্দে সম্বাদ’কী খুত্থাংদা মহাক্কী সোসিএল মীদিয়া ফোলোৱরশিংগা লোয়ননা ৱারী শাখ্রে


“করিগুম্বা মীয়াম্না থাজবা ৱাৎলবদি কোবিদকী বেক্সিন অসি ঐহাক ইশাদা হান্না কাপকনি”

“কোবিদকী বেক্সিনগী অথুবদা ওথোরাইজেসন তৌনবগী মীয়াম্না য়ানবা পুরক্লবা য়াই”

কোবিদকী বেক্সিন অসি ফ্রন্তলাইন হেল্থক্যের ৱার্করশিং, সিনিয়র সিতিজেনশিং অমসুং কো-মোর্বিদিতীশিং লৈবা মীওইদা অহানবা খুদোংচাবা পীগনি: দা হর্শ বর্ধন

Posted On: 13 SEP 2020 4:23PM by PIB Imphal

কেন্দ্রগী হকশেল অমসুং য়াইফ থৌরাং মন্ত্রী দা হর্শ বর্ধন্না ঙসি সন্দে সম্বাদকী প্লেৎফোর্মদা মহাক্কী সোসিএল মীদিয়া ফোলোৱরশিংগা লোয়ননা ৱারী শাদুনা থাংগৎলকপা ৱাহংশিংগী পাউখুম পীখ্রে। ৱাহংশিং অদুদা হৌজিক ওইরিবা কোবিদকী ফীভমগা মরী লৈনবা ৱাহংশিং খক্তা নত্তনা কোবিদ মতুংদা মালেম অসিদা মীয়াম্না উবা পাম্লিবা অহোংবশিং পুরক্নবগী সরকারগী পাম্বৈ অমসুং মসি ফংহন্নবা সরকারনা লৌখৎলিবা খোঙথাংশিংগী মতাংদসু য়াওরি।

মন্ত্রীনা হায়খি বেক্সিন লোঞ্চ তৌনবগী চপ চাবা তাং লেপত্রবসু মসি ২০২১গী অহৌবা থা অহুমদদি শোইদনা পুথোক্লগনি। দা হর্শ বর্ধন্না হায় মীওইবদা বেক্সিন অসিগী চাংয়েংশিং তৌনবা সরকারনা মপুং ফাবা চেকশিল থৌরাংশিং লৌখৎলি অমসুং কোবিদ-১৯গী বেক্সিন এদমিনিস্ত্রেসনগী নেস্নেল এক্সপর্ত গ্রুপনা হকশেলগী মেম্বর ওইরিবা দা ভি কে পোলগী চ্যেরমেনশিপকী মখাদা নিতি আয়োগনা লৈরিবা মীশিংগী অয়াম্বা শরুক ইম্ম্যুনাইজ করম্না তৌগনি হায়বগী লালোং অদু পুথোক্লি। “বেক্সিন সেক্যুরিতী, মমল, মান্নবা মীৎয়েং, কোল্দ চেনগী মথৌ তাবশিং, পুথোকপগী মতমশিং অসিনচিংবা অসি কুপ্না খন্নখি” হায়না মহাক্না ফোঙদোকখি। শেল পীবা ঙম্বা ঙমদবা য়েংদনা বেক্সিন অসি খ্বাইদগী মথৌ তারিবা মীওইশিংদা হান্না ফংহনগনি হায়না মহাক্না থাজবা পীখি।

মখা তারদুনা মহাক্না হায়খি সরকারনা কোবিদ-১৯গী ভেক্সিনেসনগী অথুবদা ওথোরাইজেসন পীনবা খন্নরি মরু ওইনা সিনিয়র সিতিজেনশিং অমসুং খুদোংথিবা য়াবা মফমদা থবক তৌরিবা মীওইশিংগী ওইনা। “মসি মায়াম অপুনবগী অয়াবা লৌরবা মতুংদা তৌগনি”, হায়না মহাক্না হায়খি।

বেক্সিনগী অশোই-অঙাম য়াওদবগী মতাংদা অকিবা হন্থহন্নবা ওইনা করিগুম্বা মীয়াম্না মসিদা থাজবা ৱাৎলবদি বেক্সিন অসিগী অহানবা দোজ অসি মহাক মশাদা কাপকনি হায়না মহাক্না ফোঙদোকখি।

ভারতকী বেক্সিন কেন্দিদেৎশিং অমসুং মখোয় দিবেলপ তৌবগী মতাংদা মহাক্না হায়খি দিপার্তমেন্ত ওফ বাইওতেক (দি.বি.তি.) লোয়ননা ইন্দিয়ন কাউন্সিল ওফ মেদিকেল রিসর্চ (আই.সি.এম.আর.)না বেক্সিন কেন্দিদেৎশিং পুথোকপদা মতেং পাংনবা ওইরক্লিবা ফীভম অসিদা থৱায় য়াওনা মতেং পাংলি। ভারতনা কোলিজন ফোর ইপিদেমিক প্রিপিয়র্দনেস ইন্নোবেসন (সি.ই.পি.আই.)গা লোয়ননা পুন্না চুংশিন্নদুনা ভারতকী লেবোরেতোরীশিং (লনাই নত্রগা সরকার) অমসুং হোস্পিতালশিংগী মখল কয়াগী বেক্সিনশিংগা মরী লৈননা তোঙান তোঙানবা তাঙ্ককশিংদা চাংয়েংশিং চত্থরি।

মন্ত্রীনা হায়খি হকচাং শোকহল্লোইদবা অমদি কান্নগদবা বেক্সিন অমনা মহৌশাগী ওইবা লায়নাগা য়েংনবদা কোবিদ-১৯গী ইম্ম্যুনিতী থুনা লৈহনবদা মতেং পাংগনি। কাংলুপ অমা হেক্তগী হর্দ ইম্ম্যুনিতী ঙাকথোক্নবা পাম্লিবা থাক অদুগী মতাংদা লাকদোরিবা থা খরা অসিদা মীয়াম্না য়ানবা অমা পুরকপা ঙমগনি হায়না আশা তৌরি হায়না মহাক্না ফোঙদোকখি।

দা হর্শ বর্ধন্না লায়চৎ অসিনা ভারতকী পোৎচৈ শারিবশিংদা অচৌবা হোংবা পুরক্নবা তানফম অমা ওইখি। “মথৌ তাবা স্তেন্দর্দশিংগা লোয়ননা ইন্দিজিনস ওইবা পি.পি.ই.শিং শাবা মেন্যুফেকচররশিং অমত্তা লৈরমদবদগী হৌজিক্তি মথৌ তাবা স্তেন্দর্দশিংগা লোয়ননা ইন্দিজিনস ওইবা পি.পি.ই.শিং শাবা মেন্যুফেকচরর  ১১০গী ময়াদা লৈরে। Similar লৈবাক অসিনা মশাগী দিমান্দশিং ফংহনবা ঙম্বগী থাক্তা লৈবা ঙম্বা খক্তা নত্তনা অতোপ্পা লৈবাকশিংদা এক্সপোর্ত তৌবদা মতেং পাংলি” হায়না দা হর্শ বর্ধন্না ফোঙদোকখি। ‘মেক ইন ইন্দিয়া’গী খোঙথাংশিং লোঞ্চ তৌখ্রে অমসুং দাইগনোস্তিক কিৎশিং, ভেন্তিলেতরশিং, রেমদিসিবিরগুম্বা হীদাকশিং লৈবাক অসিদা শাজবা হেনগৎনবা থৌগৎখি অমসুং মাপাল লৈবাকশিংদা মখা পোনবা হন্থহল্লি।  পুম্নমক অসি প্রধান মন্ত্রীগী লুচিং মখাদা ‘অপুনবা সরকার’গী পাম্বৈশিংগী খুত্থাংদা ওইথোকপা ঙমখিবনি। লমদম অসিগী মেন্যুফেকচররশিং হেনগৎহন্নবা অমসুং কৈথেল লৈহন্নবা তোঙান তোঙানবা মন্ত্রালয়শিংগা লোয়ননা মায়কৈ কয়াদগী লৌখৎপা লালোং অমা লৌখৎখ্রে। মহাক্না মখা তারদুনা হায়খি সরকারনা ভারত্তা অরুবা এ.পি.আই.শিং লমদম অসিদা শাজনবা খোঙথাং কয়া লৌখৎলি অমসুং মসিনা ভারতনা অসিগুম্বা এ.পি.আই.শিং ইম্পোর্ত তৌদুনা মখা পোল্লম্বা হন্থহনখ্রে।

লায়েংশেল অসি প্রজা মীয়ামগা চান্নবা অমসুং অহোংবা ওইহন্নবা দা. হর্শ ভর্ধন্না হায় সরকারনা লনাই হোস্পিতালশিংদা কোভিদ-১৯ লায়েংবগী চান্নবা মমল অমা লেপ্নবা রাজ্যশিং অমসুং য়ু.তি.শিংদা খংহনখ্রে। অয়ুশমান ভারত পি.এম.জে.এ.ৱাই. পেকেজগী মখাদা ইলিজিবল ওইবা কোবিদ অনাবশিংগী লেম্না লুপা লাখ ৫ ফাওবগী কভরেজ লাউথোকখ্রে। মহাক্না মখা তারদুনা কেন্দ্র সরকারনা রাজ্যশিং/য়ু.তি.শিংনা লাই সেক্তর হেল্থ প্রোভাইদরশিংগা নকশিন্না মরী থমনবা খংহনখ্রে অমসুং মসিনা কোবিদ-১৯ অনাবশিংদা খুদক্কী ওইবা, অফবা ক্বালিতী অমসুং অতাবা মমলগী হেল্থক্যেয়র পীবদা মতেং পাংবনা পব্লিক অমসুং প্রাইভেৎ হেল্থক্যেয়র ফেসিলিতীশিং পুনশিন্নবা খংহনখ্রে। মহাক মশামক্না লনাই হোস্পিতালশিংদা কোবিদ অনাবশিংদগী লায়েংশেলশিং হেন্না লৌদনবা খংহনখ্রে হায়না মহাক্না ফোঙদোকখ্রে।

মন্ত্রীনা হায় লৌখৎলিবা খোঙথাং খুদিংমক শোইদনা ফংহনবা অমসুং হীদাক খুদিংমক অহোংবা মমলদা অমসুং থেরাপ্যুইক্স খুদিংমক প্রজা খুদিংমক্তা মখোয়না শেলথীবা ঙম্বা অদু য়েংদনা ফংহল্লগনি। সরকারনা রেমদিসিবির গুম্বা হীদাকশিং লোন্না য়োনবগী রিপোর্তশিংগী কোগনিজেন্স লৌখ্রে অমসুং সেন্ত্রেল দ্রগস স্তেন্দর্দ কন্ত্রোল ওর্গনাইজেসন্দা (সি.দি.এস.সি.ও.)দা মখোয়গী মরী লৈনবা রাজ্যশিংগা লোয়না হায়রিবা হীরম অসি চান্নবা এক্সন লৌখৎনবা খংহনখ্রে। 

দা. হর্শ ভর্ধন্না হায় সরকারনা লায়না অসি শন্দোকরকপগী মওং মতৌ অমসুং লায়না অসি নারবা মীওইশিংগী ওইরক্লিবা হকশেলগী খুদোংথীবশিং লাকশিনবা ঙমখ্রে। এম্স অমসুং অতোপ্পা রিসর্স ইন্সতিত্যুসনশিংনা কোবিদনা কুইনা পীরগদবা শাফু অসিদা রিসর্স তৌনবা খংহনখ্রে। আই.সি.এম.আর.না কোবিদ-১৯ লায়নাগী ক্লিনিকেল কোর্স, মসিগী স্পেক্ত্রম অমসুং অনাবশিংগী আউৎকমগী মতাংদা কুপ্না নৈননবা নেস্নেল ক্লিনিকেল রেজিস্ত্রী অমা লিংখৎলি। এক্সপর্ত গ্রুপশিং কন্সলতেসনশিংনা হৌজিক ওইহল্লক্লিবা ফীভম অসি য়েংশিন্নবা শেম শাখ্রে অমসুং অখন্নবা হকচাং কয়াৎকী সিস্তেম (রেস্পিরেতরী সিস্তেম, রিনেল সিস্তেম, কার্দিওভাস্কুলর অমসুং গেস্তো-ইন্তেস্তিনেল)দা ঐখোয়গী ওইবা দেতা শেমগৎলে হায়না মহাক্না ফোঙদোকখি।

কেন্দ্রগী হকশেল মন্ত্রীনা হায় “এন.দি.ঐচ.এম.অসি ভারত সরকারগী খ্বাইদগী অচৌবা প্রোজেক্তশিংগী মনুংদা অমনি অমসুং দিজিতেল হেল্থকী লমদা ভারত মালেমগী লুচিংবা অমা ওইনা পুখৎনবা লিংখৎপনি। অদুম ওইনমক ভারতনা মাই পাকপা পামদবা কাংলুপ খরসু লৈ অমসুং এন.দি.ঐ.এম.গী মায়োক্তা অরানবা পাউ কয়া শন্দোক্লি”। অকিবশিং অদুবু কোকহন্নবা মহাক্না হায় মসিগী সিস্তেম অসিগী শরুক্কী মনুংদা চন্দবশিংনা হোস্পিতালশিং এক্সেস তৌবা য়ারোই হায়বসি অরানবা ৱাফমনি। সিস্তেম অসিগী শরুক অমা নত্তবা মীওইশিং নত্রগা ইন্সতিত্যুসনশিংনা হৌজিক ফংলিবা অসিগুম্না হেল্থক্যেয়র সিস্তেম অসি মখাতানা এক্সেস তৌবা য়াগনি। দিজিতেল হেল্থ ইকোসিস্তেমদা শরুক য়াবা অসি মপুংফানা ওপস্নেল ওইগনি অমসুং ইন্দিবিদ্যুলশিংগী কৈদৌনুংদা মেন্দেতরী ওইরোই”।

সন্দে সম্বাদ’কী অহানবা তাঙ্কক য়েংনবা মখাগী লিঙ্কশিং অসিদা নম্বীয়ু:

ত্বিত্তর: https://twitter.com/drharshvardhan/status/1305067117172072449?s=19

ফেসবুক: https://www.facebook.com/drharshvardhanofficial/videos/345933476608657/

য়ু্ত্যুব: https://youtu.be/wkms035Hlb0

দি.ঐ.ভি. এপ: http://app.drharshvardhan.com/news/14022/sunday-samvaad-|-episode-1?articleId=14022

 

https://static.pib.gov.in/WriteReadData/userfiles/image/image002VILV.jpg

https://static.pib.gov.in/WriteReadData/userfiles/image/image003D74J.jpg

*****



(Release ID: 1653873) Visitor Counter : 145