ਭਾਰਤ ਵਿੱਚ ਲਗਾਤਾਰ ਹਰ ਰੋਜ਼ 70,000 ਤੋਂ ਜਿ਼ਆਦਾ ਗਿਣਤੀ ਵਿੱਚ ਮਰੀਜ਼ ਸਿਹਤਯਾਬ ਹੋ ਰਹੇ ਹਨ । ਕੇਂਦਰਿਤ, ਮਿਲਜੁਲੇ, ਪ੍ਰਭਾਵਸ਼ਾਲੀ ਉਪਾਵਾਂ ਨਾਲ ਤੀਬਰ ਟੈਸਟਿੰਗ, ਫੌਰੀ ਨਿਗਰਾਨੀ ਅਤੇ ਟਰੈਕਿੰਗ ਦੇ ਨਾਲ ਸ਼ੁਰੂਆਤੀ ਪਛਾਣ ਅਤੇ ਉੱਚ ਗੁਣਵਤਾ ਵਾਲੇ ਕਲੀਨਿਕਲ ਇਲਾਜ ਰਾਹੀਂ ਇਹ ਸੰਭਵ ਹੋ ਸਕਿਆ ਹੈ ।
ਦੇਸ਼ ਵਿੱਚ ਪਿਛਲੇ 24 ਘੰਟਿਆਂ ਦੌਰਾਨ 78,399 ਵਿਅਕਤੀ ਸਿਹਤਯਾਬ ਹੋਏ ਹਨ , ਇਸ ਨਾਲ ਕੁੱਲ ਸਿਹਤਯਾਬ ਵਿਅਕਤੀਆਂ ਦੀ ਗਿਣਤੀ 37,02,595 ਹੋ ਗਈ ਹੈ , ਜਿਸ ਨਾਲ ਸਿਹਤਯਾਬ ਦਰ ਵੀ 77.88% ਹੋ ਗਈ ਹੈ । 
58% ਸਿਹਤਯਾਬ ਮਾਮਲੇ 5 ਸੂਬਿਆਂ ਵਿੱਚੋਂ ਆ ਰਹੇ ਹਨ , ਇਹ ਸੂਬੇ ਹਨ , ਮਹਾਰਾਸ਼ਟਰ , ਤਾਮਿਲਨਾਡੂ , ਆਂਧਰ ਪ੍ਰਦੇਸ਼ , ਕਰਨਾਟਕ ਅਤੇ ਉੱਤਰ ਪ੍ਰਦੇਸ਼ । ਮਹਾਰਾਸ਼ਟਰ ਵਿੱਚ 13,000 ਤੋਂ ਜਿ਼ਆਦਾ ਸਿਹਤਯਾਬ ਮਾਮਲੇ ਹੋਣ ਕਰਕੇ ਉਹ ਬਾਕੀ ਸੂਬਿਆਂ ਤੋਂ ਅੱਗੇ ਹੈ , ਜਦਕਿ ਆਂਧਰਾ ਪ੍ਰਦੇਸ਼ ਨੇ ਇੱਕ ਦਿਨ ਵਿੱਚ 10,000 ਸਿਹਤਯਾਬ ਵਿਅਕਤੀਆਂ ਦਾ ਯੋਗਦਾਨ ਪਾਇਆ ਹੈ । ਬੀਤੇ 24 ਘੰਟਿਆਂ ਵਿੱਚ 94,372 ਨਵੇਂ ਮਾਮਲਿਆਂ ਦੀ ਪੁਸ਼ਟੀ ਹੋਈ ਹੈ , ਜਿਸ ਵਿੱਚ ਇਕੱਲੇ ਮਹਾਰਾਸ਼ਟਰ ਵਿੱਚ 22,000 ਤੋਂ ਜਿ਼ਆਦਾ ਮਾਮਲੇ ਸਾਹਮਣੇ ਆਏ ਹਨ । ਆਂਧਰ ਪ੍ਰਦੇਸ਼ ਤੇ ਕਰਨਾਟਕ ਵਿੱਚ 9,000 ਤੋਂ ਜਿ਼ਆਦਾ ਹਰੇਕ ਸੂਬੇ ਵਿੱਚੋਂ ਕੋਰੋਨਾ ਮਾਮਲੇ ਦਰਜ ਕੀਤੇ ਗਏ ਹਨ ।
ਕਰੀਬ 57% ਨਵੇਂ ਮਾਮਲੇ 5 ਸੂਬਿਆਂ ਵਿੱਚੋਂ ਆਏ ਹਨ । ਇਹਨਾਂ ਸੂਬਿਆਂ ਵਿੱਚ 58% ਨਵੇਂ ਸਿਹਤਯਾਬ ਮਾਮਲੇ ਦਰਜ ਕੀਤੇ ਗਏ ਹਨ ।
ਅੱਜ ਦੀ ਤਰੀਖ਼ ਵਿੱਚ ਦੇਸ਼ ਭਰ ਵਿੱਚ ਐਕਟਿਵ ਮਾਮਲਿਆਂ ਦੀ ਗਿਣਤੀ 9,73,175 ਹੋ ਗਈ ਹੈ । ਮਹਾਰਾਸ਼ਟਰ ਵਿੱਚ ਇਹ ਮਾਮਲੇ 2,80,000 ਤੋਂ ਜਿ਼ਆਦਾ ਅਤੇ ਇਸ ਦੇ ਬਾਅਦ ਕਰਨਾਟਕ ਵਿੱਚ 97,000 ਮਾਮਲੇ ਹਨ ।
ਦੇਸ਼ ਦੇ ਕੁੱਲ ਐਕਟਿਵ ਮਾਮਲਿਆਂ ਵਿੱਚ 60% ਯੋਗਦਾਨ 5 ਸੂਬਿਆਂ ਦਾ ਹੈ । ਮਹਾਰਾਸ਼ਟਰ (28.79%) , ਕਰਨਾਟਕ (10.05%) , ਆਂਧਰਾ ਪ੍ਰਦੇਸ਼ (9.84%) , ਉੱਤਰ ਪ੍ਰਦੇਸ਼ (6.98%) ਤੇ ਤਾਮਿਲਨਾਡੂ ਵਿੱਚ (4.84%) ਮਾਮਲੇ ਹਨ ।
ਬੀਤੇ 24 ਘੰਟਿਆਂ ਵਿੱਚ 1,114 ਮੌਤਾਂ ਦਰਜ ਕੀਤੀਆਂ ਹਨ । ਮਹਾਰਾਸ਼ਟਰ ਵਿੱਚ ਸਭ ਤੋਂ ਵੱਧ 391 , ਕਰਨਾਟਕ ਵਿੱਚ 94 ਜਦਕਿ ਤਾਮਿਲਨਾਡੂ ਵਿੱਚ 76 ਮੌਤਾਂ ਦਰਜ ਕੀਤੀਆਂ ਗਈਆਂ ਹਨ ।

****
ਐੱਮ ਵੀ / ਐੱਸ ਜੇ
HFW / COVID ਸਟੇਟਸ ਡੇਟਾ / 13 ਸਤੰਬਰ2020 / 1