ইকায়খুম্নরবা প্রধান মন্ত্রী শ্রী নরেন্দ্র মোদীনা মে ১২, ২০২০দা ভারত্তা কোবিদ-১৯ লাইচৎ থেংননবা – ভারতকী জি.দি.পি.গী চাদা ১০গা মান্নবা – লুপা করোর লাখ ২০গী অখন্নবা শেন্মিৎলোনগী পুম্নমক শুপচিল্লবা পেকেজ অমা লাউথোকখি‍। মহাক্না আত্ম নিরভর ভারত নৎত্রগা মরোমদোম লেপচবা ভারতকী ইহৌ অমগী ৱাফম থমখি‍। মহাক্না আত্ম নিরভর ভারতকী য়ুম্বী মঙা – শেন্মিৎলোন, মচাক মথুম, কাংলোন, মচু থোক্লবা দিমোগ্রাফী অমসুং দিমান্দ, শন্দোক্না থমখ‍ি‍।

ইকায়খুম্নরবা প্রধান মন্ত্রীগী ৱাফমদুগী মতুং ইন্দুনা, শেনথুম অমসুং কোর্পোরেত এফ্যার্স মন্ত্রী শ্রীমতি নিরমলা সিথরমননা মে ১৩, ২০২০দগী মে ১৭, ২০২০ ফাওবদা পাউগী মীফম মরী মরী পাঙথোক্তুনা আত্ম নিরভর ভারত পেকেজকী অকুপ্পা ৱারোল থমখ‍ি‍।

শেনথুম অমসুং কোর্পোরেত এফ্যার্স মন্ত্রালয়না খুদমক্তা আত্ম নিরভর ভারত অভিয়ানগী মখাদা শেন্মিৎলোনগী পেকেজকা মরী লৈননা লাউথোকখিবা ৱাফমশিং পায়খৎনবা থবক লৌখৎপা হৌখি‍। ৱাফমসিগী মতাঙদা লৈঙাক্না লূম্না লৌরিবা অসি শন্মিৎলোনগী পেকেজ অসি পায়খৎপগী ফীভম অয়ামবনা নুংতিগী ওইবা মওংদা য়েংশিনবা অমদি শেন্নরিবা অসিদগী খঙবা ঙম্মী‍।

আত্ম নিরভর ভারত স্কিমগীদমক শেনথুম অমসুং কোর্পোরেত এফ্যার্স মন্ত্রালয়না পায়খৎলিবশিং অসিগী হৌজিকফাওবদা লৈরিবা খোঙজেল মখাদা পীরি:

১.     লৌমীশিংগীদমক্তা নবার্দকী খুত্থাঙদা পীবা লুপা করোর ৩০,০০০গী অহেনবা ইমর্জেন্সী ৱর্কিং কেপিতেল ফন্দিং – ২৮.০৮.২০২০ ফাওবদা লুপা করোর ২৫,০০০ থাদোকখ্রে‍। স্পিসিএল লিকুইদিতী ফেসিলিতী (এস.এল.এফ)কী মখাদা লেমহৌরিবা লুপা করোর ৫০০০গী শেনফম অপীকপা এন.বি.এফ.সি.শিং অমসুং এন.বি.এফ.সি.-এম.এফ.আই.শিংগীদমক্তা আর.বি.আই.না নবার্দতা পীখ্রে‍। নবার্দনা মসিবু অথুবা মতমদা চৎনবা হৌনবগীদমক চৎন-পথাপশিং লোইশিল্লি‍।

মসিগী মথক্তা, রেতিং তৌদ্রিবা এন.বি.এফ.সি.শিং/এম.এফ.আই.শিংদা শেন পুথোকপশিংদগী শেন্থঙ পীথনবগীদমক নবার্দনা এজেন্সী অমসুং বেঙ্ক অনিগা খুৎশম্নদুনা স্ত্রকচর্দ ফাইনান্স অমসুং পার্সিএল গরেন্তী স্কিম হৌদোকখ্রে‍।

অসিগুমবা এজেন্সী অমসুং বেঙ্ক অনিগা পুন্না শেম্লিবা থৌওং অসিনা রেতিং লৈতবা অপীকপা এম.এফ.আই.শিংগী ক্রেদিত ফংবা য়াবগী ফীভম শরুক ৫-৬ হেনগৎহল্লগনি‍। কাইথোক্তুনা লৈরবা লুপা করোর ৫০০গী শেনফমসি থাদোকখিবগা হায়রিবা অপীকপা এন.বি.এফ.সি./এম.এফ.আই.শিংঅসিনা ফংবা য়াবা শেন্থঙ লুপা করোর ২৫০০দগী লুপা করোর ৩০০০ ফাওবগী ওইরবা য়াই হায়না পারি‍। মসিনা মীয়ামদা মরুওইনা মনুং হঞ্জিনবা অমদি য়ৌশিনবা ঙমদবা মফমশিংদা লৈবা নুপীশিংদা য়ৌশিনবদা চাউনা অহোংবা ফীভম পুরক্লগনি‍।

২.       এম.এম.এস.ই.শিং অমসুং লনাই মীওইশিংদা নৌনা শেন পুথোক্নবা এন.বি.এফ.সি.শিং, ঐচ.এফ.সি.শিং অমসুং এম.এফ.আই.শিংগীদমক লুপা করোর ৪৫,০০০গী পার্সিএল ক্রেদিত ভরেন্তী স্কিম ২.০ – ২৮.০৮.২০২০ ফাওবদা বেঙ্কশিংনা লুপা করোর ২৫,০৫৫.৫গী পোর্তফোলিও লৈশিনবদা অয়াবা পীখ্রে অমদি হৌজিক অহেনবা লুপা করোর ৪.৩৬৭গী শেনফম অয়াবা পীনবা/য়াশিন্ননবা চঙশিল্লি‍।

৩.      এন.বি.এফ.সি./ঐচ.এফ.সি./এম.এফ.আই.শিংগী লুপা করোর ৩০,০০০গী স্পিসিএল লিকুইদিতী স্কিমসু খোঙজেল য়াঙনা চঙশিল্লি‍‍। এস.বি.আই.সি.এ.পি.দা স্কিম অসি পায়খৎননবগীদমক এস.পি.ভি. অমা লিংখৎনবা শিন্নখ‍ি‍। স্কিম অসি জুলাই ১, ২০২০দা থোকখিবা প্রেস রিলিজ অমগী খুত্থাঙদা হৌদোকখি‍। নুমিত্তুমক্তদা স্কিম অসিগী মতাঙদা এন.বি.এফ.সি.শিং অমসুং ঐচ.এফ.সি.শিংদা আর.বি.আই.না সর্কুলর অমা থোকখি‍।

সেপ্তেম্বর ১১, ২০২০ ফাওবদা, লুপা করোর ১০৫৯০গী ওইবা প্রোপোজেল কুন্থ্রাতরেৎ (৩৭) অয়াবা পীখ্রে‍। লুপা করোর ৭৮৩.৫কী শেন্ফম নিরকপা এপ্লিকেসন তরুক (০৬) হৌজিক প্রোসেস তৌরি‍।

৪.       এম.এস.এম.ই.শিং য়াওনা লল্লোন ইতিকশিংগী লুপা করোর লাখ ৩গী কোলেতরেল-ফ্রী ওতোমেতিক লোন – লল্লোন ইতিকশিংদা তেংবাঙ পীনবগীদমক, অতাবা শেন্দোয়গী মমলদা তর্ম লোনগী মওংদা ফেব্রুৱারী ২৯, ২০২০ ফাওবদা শিংগদবা ৱাৎলিবা শেন্থঙগী চাদা ২০গী শেনফম অহেনবা ৱর্কিং কেপিতেল ফাইনান্স ওইনা পীগনি‍। কান্নবা অসি লুপা করোর ২৫ ফাওবগী মনুংদা শিংবা ৱাৎলিবা শেন্থঙ লৈবা অমদি লুপা করোর ১০০ ফাওবগী শেন্ফম লাকপা মখোয়গী একাউন্ত স্তেন্দর্দ ওইবা য়ুনিতশিংনা ফংগনি‍। হায়রিবা য়ুনিতশিংসিনা গরেন্তী নৎত্রগা কোলেতরেল অমত্তা পীবগী মথৌ তারোই‍। শেনফম অসি ভারত লৈঙাক্না চাদা ১০০ গরেন্তী তৌগনি অমদি এম.এস.এম.ই. লাখ ৪৫ হেনবদা লুপা করোর লাখ ৩গী অপুনবা লিকুইদিতী পীগনি‍।

২০.০৫.২০২০দা কেবিনেতকী অয়াবা লৌরবা মতুংদা, দিপার্তমেন্ত ওফ ফাইনান্সিএল সর্ভিসেসনা স্কিম অসিগীদমক্তা ২৩.০৫.২০২০দা ওপরেসনেল গাইদলাইন থোকখ্রে অমদি ২৬.০৫.২০২০দা ইমর্জেন্সী ক্রেদিত লাইন গরেন্তী স্কিম (ই.সি.এল.জি.এস.) ফন্দ রেজিস্তর তৌখ্রে‍। ৪.৮.২০২০দা শেমদোকখিবা চৎন-পথাপশিংদা লল্লোন ইতিকশিংগী লনাইগী শেন্থঙ, লুপা করোর ৫০গী আউতস্তেন্দিং সিলিং অমসুং লুপা করোর ২৫০গী তর্নওভর সিলিংগী লোন হেনগৎহনবা য়াওরি‍।

পব্লিক সেক্তর বেঙ্ক অমসুং মকোক থোংবা প্রাইভেত সেক্তর বেঙ্কশিংনা রিপোর্ত তৌরকপগী মতুং ইন্না, ১০.০৯.২০২০ ফাওবদা, শেন পুবা মীওই ৪২,০১,৫৭৬তা লুপা করোর ১,৬৩,২২৬.৪৯গী অহেনবা ক্রেদিত থাদোকখ্রে‍। শেন পুবা ২৫,০১,৯৯৯দা লুপা করোর ১,১৮,১৩৮.৬৪গী শেনফম ১০.০৯.২০২০ ফাওবদা থাদোকখ্রে‍।

৫.       ইনকম তেক্স রিফন্দ – লুপা করোর ১,০১,৩০৮ হেনবগী রিফন্দ তেক্সপেয়র লাখ ২৭.৫৫ হেনবদা এপ্রিল ১, ২০২০ দগী সেপ্তেম্বর ৮, ২০২০ ফাওবদা পীখ্রে‍। কেস ২৫,৮৩,৫০৭দা লুপা করোর ৩০,৭৬৮কী ইনকম তেক্স রিফন্দ থাদোকখ্রে অমদি কেস ১,৭১,১৫৫দা লুপা করোর ৭০,৫৪০গী কোর্পোরেত তেক্স রিফন্দ থাদোকখ্রে‍। তশেংবদি, পীথোক্কদবা ৱাৎলিবা কেস খুদিংমক্তা লুপা করোর ৫০গী কোর্পোরেত তেক্স রিফন্দ পুম্নমক পীথোকখ্রে‍। অতৈ রিফন্দশিংগী থবক চত্থরি‍।

*****