লেবর অমসুং ইম্প্লোইমেন্ত মন্ত্রালয়
কোবিদ-১৯ লাইচৎনা ওইহল্লকপা মান্নবা খুদোংচাদবা ৱাফমশিংগী ৱারোইশিন পুরক্নবা ঐখোয়না মখা তানা পুন্না হোৎনমিন্নবা তাই: শ্রী গংৱরনা জি-২০ লেবর অমসুং এম্প্লোইমেন্ত মন্ত্রীশিংগী মীফমদা হায়খ্রে
Posted On:
11 SEP 2020 12:54PM by PIB Imphal
লেবর অমসুং এম্প্লোইমেন্তকী রাজ্য মন্ত্রী (ইন-চার্জ) শ্রী সান্তোস গংৱরনা জি-২০ মেম্বরশিংদা কোবিদ-১৯ লাইচৎনা ওইহল্লকপা মান্নবা খুদোংচাদবা ৱাফমশিংগী ৱারোইশিং পুরক্নবা মখা তানা পুন্না হোৎনমিন্ননবা ৱাফম ফোঙদোকখ্রে। শ্রী গংৱরনা হৌখিবা নুমিদাংৱাইরমদা ভিদিও কন্ফরেন্সিংগী খুত্থাঙদা জি-২০ লেবর অমসুং এম্প্লোইমেন্ত মন্ত্রীশিংগী ভর্চুএল মীফমদা ৱা ঙাঙখিবনি।
কোবিদ-১৯ লাইচৎনা অনৌবা মচৎ অমা পুরক্লে অমদি ঐখোয়না থবক তৌরমবা মওংদা অহোংবা অমা পুরক্লে হায়বা ৱাফম থমখি।
লম লমগী ওইবা কোবিদ-১৯ লাইচৎকী চৈথেং লাকশিন্নবা থৌরাংশিংগী মতাঙদা ৱা ঙাঙলদুনা, শিন্মীশিংনা থেংনরিবা খুদোংচাদবশিং কোকহন্নবগীদমক্তা ভারতনা মখোয়গী থবক পীরিবশিংদা মখোয়গী শিন্মীশিংগী খুৎশুমল পীননবা পুক্নীং থৌগৎলি হায়না মহাক্না ফোঙদোকখি। শ্রী গংৱরনা মখা তাখিবদা মতম খরগী ওইবা লৈফম, চীঞ্জাক অমদি অনা লায়েংগী খুদোংচাবা পীননবা থৌরাং মতিক চানা লৌখৎলি। লংফৈদা লৈবা শিন্মীশিংদা চাননবা চীঞ্জাক য়েন্থোকপা নুংঙাইনবা ভারত লৈঙাক্না ৱন নেসন ৱন রেসন কার্দ স্কিম হৌদোক্লে হায়না শ্রী গংৱরনা পাউদমখি। জি-২০দা কোবিদ-১৯ অমসুং মসিগী চৈথেংগী মতাঙদা খন্নখি অমদি লাউথোক্কদবা ৱারোলদসু শিন্মীগী কৈথেলদা কোবিইদ-১৯গী চৈথেং কোকহন্নবা থৌরাংশিংসু পল্লি।
শ্রী গংৱরনা জি২০ য়ুথ রোদমেপ ২০২৫ শেমবদা সাউদি প্রেসিদেন্সীনা হোৎনরিবশিংসু শিংথাখি। জি২০ ফোরমদা অহানবা ওইনা শকখঙলিবা নহাশিংগা মরী লৈনবা ইন্দিকেতরশিংনা শিন্মীগী কৈথেলদা নহাশিংগী লৈরিবা খোঙজেলগী ফীভম নৈননবা মতেং ওইগনি। অনৌবা ৱাখল্লোন, ওন্ত্রপ্রিন্যুরসিপ অমসুং ইন্দস্ত্রীনা লমজিংবা হৈ শিংবা হেনগৎহনবগী থৌরাংশিং নহাশিংগী ফীভম ফগৎহনবদা মরুওই হায়না ভারতনা থাজৈ হায়নসু শ্রী গংৱরনা ফোঙদোকখি।
ভারত্তা ফোর্মেল সেক্তরদা সোসিএল সিক্যুরিতী কভরেজ মতিং লৈবা অমদি শেনথুমগী মতাংদসু চৎনবা য়াবা থৌদাং য়ামিন্নবগী কাঙলোন অমগী মখাদা পায়খৎলি হায়না মহাক্না হায়খি। ইন্ফোর্মেল সেক্তরদা সোসিএল সিক্যুরিতী পীননবগীদমক ভারতনা অনওর্গানাইজ শিন্মীশিংগী লৈঙাক্না চপ মান্নবা শেন্ফম পুথোক্কদবা তোপ তোপ্পা ভোলুন্তরী পেন্সন স্কিম অমা হৌদোক্লে হায়না মহাক্না পাউদমখি।
মালেমগী ওইনা মরু ওইবা পা-পী থোং মান্নবগী ৱাফমদা চহীসিদা অমুক হন্না জি২০গী মীৎয়েঙ থমবসিদা শিংথারদুনা, ভারত্তা নুপী শিন্মী পুক্নীং থৌগৎনবগীদমক্তা খনি য়াওনা এস্তাব্লিসমেন্ত খুদিংমক্তা মতিক চাবা ঙাকশেল অমসুং মখোয়গী অয়াবা য়াওরগা নুমিদাংগী মতমদসু নুপীশিং থবক শুবা য়াহল্লে। নুপী ওন্ত্রপ্রিন্যুরশিং য়োকখৎনবগীদমক ঐখোয়না নুপীশিংদা মখোয়গী ওইজবা লল্লোন ইতিকশিং হৌদোকচনবগীদমক কোলেতরেল য়াওদবা শেন্থং পীরি, হায়না শ্রী গংৱরনা মখা তাখি।
******
(Release ID: 1653271)
Visitor Counter : 167