প্রধান মন্ত্রী শ্রী নরেন্দ্র মোদীনা বিহারদা ফিসরিজ পুথোকপা, দেরী, এনিমেল হজবেন্দরী অমসুং লৌউশিংউগী হীরমদা নৈনবা অমসুং থিজিনবগা মরী লৈননা পি.এম. মৎস্যা সম্পদা য়োজনা, ই-গোপালা এপ অমসুং তোঙান-তোঙানবা থৌরাং কয়া হৌদোকখ্রে।

থৌরম অদুদা ৱা ঙাংলদুনা, প্রধান মন্ত্রীনা হায়খি মদুদি অসিগুম্বা স্কিম কয়াসি ঐখোয়গী খুঙ্গংশিং মপাঙ্গল পীনবা অমসুং ভারতপু মরোমদোম লেপচবা ঙম্বা (আত্মনির্ভর ভারত) লৈবাক অমা ২১ শুবা চহী চা অসিদা ওইহন্নবগীদমক্নি।

প্রধান মন্ত্রীনা হায়খি মদুদি মৎস্যা সম্পদা য়োজনা অসিসু চপ মান্নবা ৱাখল্লোন্দা হৌদোকখিবনি। মহাক্না হায়খি, হায়রিবসি লৈবাক অসিগী রাজ্য ২১দা লুপা করোর ২০,০০০ থাদদুনা লাক্কদবা চহী ৪-৫ ফাওবদা শীজিন্ননবা হৌদোকখিবনি। অসিগী মনুংদা, লুপা করোর ১৭০০গী প্রোজেক্তশিংসু ঙসি হৌদোকখি।

মহাক্না হায়খিবদা স্কিম অসিগী মখাদা খুদোংচাবা কয়াসু পত্না, পুর্নিয়া, সিতামরি, মাধেপুর, কিশানগঞ্জ অমসুং সমাস্তিপুরদা শঙ্গাখি।

প্রধান মন্ত্রীনা হায়খি মদুদি স্কিম অসিনা অনৌবা ইনফ্রাস্ত্রকচর, অনৌবা খুৎজু খুৎলাই অমসুং ঙা পুথোক্লিবশিংগী অনৌবা কৈথেলগা লোইননা ফার্মিং অমসুং অতোপ্পা পাম্বৈশিংগী খুদোংচাবা হেনগৎনবগী খুদোংচাবা পীগনি।

মহাক্না হায়খি, স্কিম অসিনা নীং তম্লবা মতুংদা, লৈবাক অসিদা ফিসরিজগী সেক্তরদা হৌদোকপা মরুওইবা স্কিমশিংগী মনুংদা অহানবনি।

শ্রী মোদীনা হায়খি মদুদি সেক্তর অসিগী মরুওইবশিং অসিবু খঙলদুনা অমসুং ফিসরিজগা মরী লৈনবা তোঙান-তোঙানবা সমস্যাশিং কোকহন্নবগীদমক তোঙানবা মন্ত্রালয় অমসু ভারত সরকারদা শেম্লে। মসিনা ঙামীশিং অমসুং ঙা য়োকপা অমসুং য়োনবগা মরী লৈনবা মরূপশিংদা কান্নবা পীরগনি।

মসিগী পান্দমদি লাক্কদবা চহী ৩-৪ অসিদা মপান লৈবাক্তা ঙা থাদোকপা শরুক অনী থোক্না হেনগৎলগনি। মসিনা ফিসরিজগী সেক্তরদা থবক পীবগী অনৌবা খুদোংচাবা মিল্লিয়ন কয়া পীরগনি। সেক্তর অসিদা লৈবা মরূপ কয়াগা ঙসি পাউ ফাওনরবা মতুংদা ঐহাক্কী থাজবসু হেনগৎলক্লি।

প্রধান মন্ত্রীনা হায়খি মদুদি, ঙা য়োকপগী থবক অসি অরুবা ঈশিংদা তাংজরি অমসুং মিসন ক্লিন গঙ্গানা মতেং পাংলগনি। মহাক্না মখা তানা হায়খি মদুদি ফিসরিজ সেক্তর অসিনা গঙ্গা তুরেলগী অকোইবদা তুরেলদা চত্থোক চৎশিন তৌবা য়ানবগী হোৎনরিবসিনা কান্নবা পীরগনি। চহী অসিগী ওগস্ত ১৫দা লাওথোকখিবা মিসন দোলফিন্না ফিসরিজ সেক্তরদা কান্নবা পীগনি।

প্রধান মন্ত্রীনা য়ুম্থোং খুদিংদা অফবা ঈশিং পীনবা বিহার সরকারনা হোৎনরিবসিবু শিংথাখি। মহাক্না হায়খি মদুদি চহী ৪-৫ অসিদা বিহারদা লৈবা ইমুং চাদা ২ খক্তমক ৱাতর সপ্লাই ফংলি অদুবু হৌজিক্তি বিহারদা লৈবা ইমুং চাদা ৭০দি অরুবা থক্নবা ঈশিং সপ্লাই ফংহল্লে। প্রধান মন্ত্রীনা হায়খি, বিহার সরকার অসিনা হোৎনরিবসি হৌজিক্তি ভারত সরকারগী জল জীবন মিসন্দগী মতেং কয়া ফংলে।

মহাক্না হায়খি মদুদি কোরোনাগী লাংফম অসিদসু, বিহারগী ইমুং লাখ ৬০ রোমদা তেপতগী ঈশিং ফংহল্লগনি অমসুং হায়রিবসিমক অচৌবা মাই পাকপা অমনি। মহাক্না মসিবু লাংফম অসিগী মনুংদা অতোপ্পা লৈবাকশিংদা থবক থৌরম কয়া লেপখ্রবদা ঐখোয়গী খুঙ্গংশিংদা পায়খৎলিবা থবকশিং লেপ্তে হায়বগী খুদম অমনি হায়না ফোংদোকখি। মহাক্না হায়খি মদুদি মসিনা কোরোনা নাথৈরম্লগা মন্দিশিংদা চেঙ, উহৈ, মনা মশিং অমসুং দেরীশিংদা শঙ্গোম পুরকপা লেপ্তবা ঐখোয়গী খুঙ্গংশিংগী শক্তি উৎলে।

মসিদা নত্তনা, দেরী ইন্দস্ত্রীশিংনা অসিগুম্বা খুদোংচাদবা কয়াসিগী মরক্তা মমাংদা লৈশিনখিদ্রিবা মওংদা লৈশিনখি। মহাক্না পাউদমখি মদুদি পি.এম. কিসান সম্মান নিধিনসু লৈবাক অসিগী লৌমী করোর ১০ অমসুং বিহারগী লৌমী লাখ ৭৫ রোমদা বেঙ্ক একাউন্তশিংদা হকথেংননা শেল হাপখি।

মহাক্না হায়খি মদুদি থবক অসি থাগৎনিংঙাই ওই মরমদি বিহারদা কোরোনাদা নত্তনা ঈচাউনসু চাউনা অৱাবা পীখ্রে। মহাক্না হায়খি মদুদি রাজ্য অমসুং কেন্দ্র সরকারনা অৱাবা তেংবাংবগী থবক কয়া মপুং ফানা লোইশিন্নবা হোৎনরি।

মহাক্না লেম্না রাসন ফংহনবা অমসুং প্রধান মন্ত্রী গরীব কল্যান রোজগার য়োজনা স্কিমগী কান্নবশিংবুসু বিহারগী লৈজদ্রবা মরূপশিংদা অমসুং খুল্লানলুবা ময়ুমদা হল্লক্লবা ইমুংশিংদা ফংহন্নবা পুক্নিং চিংশিনখি। মহাক্না হায়খি মদুদি লেম্না রাসন ফংহন্নবগী স্কিম অসি মখাদা তানা জুনগী মতুংদা দীপাৱলি অমসুং ছথ পুজাফাওবা শাংদোকখ্রে।

প্রধান মন্ত্রীনা হায়খি মদুদি, কোরোনানা মরম ওইদুনা ময়ুমদা হল্লক্লবা শিন্মী কয়াসু শা-ঙা য়োকপরোমদা মাই ওনশিল্লক্লি অমসুং মখোয়না কেন্দ্র অমসুং বিহার সরকারগী স্কিম কয়াদগী কান্নবা ফংজরি। মহাক্না হায়খি মদুদি সরকার অসিনা লৈবাক অসিগী শঙ্গোম পুথোকপগী সেক্তর অসিসু হেন্না পাকথোক চাউথোকহন্দুনা অনৌবা পোত্থোক, অনৌবা ইন্নোবেসন শেমদুনা লৌমী অমসুং শা-ঙা য়োকপশিংনা অহেনবা চাগা ফংনবা হোৎনগদবনি। মসিগা লোইননা, লৈবাক অসিগী লাইবস্তোক্কী মগুন হেনগৎহন্দুনা মখোয়গী তরু-তনানবা অমসুং হকশেল অমসুং মচি ওইবা চীঞ্জাক ফংহনবসু হেনগৎহনগদবনি হায়খি। পান্দম অসিগা লোইননা, প্রধান মন্ত্রীনা হায়খি মদুদি লেম্না তিকা থাবগী কেম্পেন অমসু ঙসি হৌদোক্তুনা ফুৎ অমসুং মাউথ দিজিজ অমসুং ব্রুস্লোসিস্তগী শা-ঙা করোর ৫০ মুক ঙাকথোক্না হৌদোকখ্রে। স্কিম কয়াগী মখাদা শা-ঙাশিংদা অফবা শজিক ফংহন্নবা ৱারেপসু লৌরে।

মহাক্না হায়খি মদুদি মিসন গোকুলসু লৈবাকসিগী হান্নদগী লৈরক্লবা চাউদা ফগৎনবা হৌদোক্নবা হোৎনরি। লৈবাক শীনবা থুংনা ইন্সেমিনেসন প্রোগ্রাম অমসু চহী অমগী মমাংদা হৌদোকখ্রে, ঙসি অহানবা তাংকক মাই পাকখ্রে।

প্রধান মন্ত্রীনা বিহার অসি মগুন লৈবা ইন্দিজেনস ব্রীদ শেমগৎনবগী মরুওইবা ময়োল লম অমা ওইরক্লি হায়না হায়খি। বিহারগী পুর্নিয়া, পত্না, অমসুং বরৌনিদা নেসনেল গোকুল মিসনগী মখাদা শেমগৎলিবা অনৌবা খুদোংচাবা কয়াগী মখাদা শঙ্গোম পুথোকপগী সেক্তরদা মপাঙ্গল কলহনলগনি। পুর্নিয়াদা শেমগৎলিবা সেন্তর অসি ভারত্তা লৈবা খ্বাইদগী চাউবা সেন্তর অমনি। মসিনা বিহারদতা নত্তনা নোংপোক ভারত্তা চাউনা কান্নবা পীরগনি। মহাক্না মখা তারদুনা হায়খি মদুদি সেন্তর অসিনা বিহারগী 'বছৌর' অমসুং রেদ পুর্নিয়া'গুম্বা চাদা কয়া চাউখৎহন্নবা অমসুং য়োকখৎপদা মতেং পাংলগনি।

প্রধান মন্ত্রীনা হায়খি মদুদি মহৌশানা শনবী অমনা চহী অমদা মচা অমখক্তমক পোক্লম্মি। অদুবু আই.ভি.এফ. তেক্নোলোজীগী মতেংনা, চহী অমদা শন্নাউ মচা কয়া পোক্লগনি। ঐখোয়গী পান্দমদি মসিগী তেক্নোলোজী অসি খুঙ্গং খুদিংদা য়ৌহনবনি। মহাক্না হায়খি মদুদি, শাশিংগী মগুন লৈবা মচাশিংগা লোইননা, মখোয়বু করম্না য়োক্কদগে হায়বগী সাইন্তিফিক মেথদ অদুসু খঙহন্নবা হোৎনবনি। ঙসি হৌদোক্লিবা ই.-গোপালা এপ অসি লৌমীশিং অফবা শা-শন খনফম পীগদবা ওনলাইন মেদিয়ম অমনি অমসুং মসিনা দোলালি চাবগী থবক মুত্থৎলগনি। মসিগী এপ অসিনা শা-শন য়োকপা শেন্নবগী মরমদা পোত্থোক পুথোকপদগী হৌরগা মচিঞ্জাক ফাওবগী ই-পাউশিং পীগনি। মহাক্না মখা তানা, মসিগী থবক অসিনা মপুং ফারকপগা, ই.-গোপালাদা শা-শনগী আধার নম্বর হাপচিনবনা শা-শন অদুগী মরমদা ই-পাউ পুম্নমক লৌবা য়ারগনি। মসিনা শা-শন লোইরিবা মীওইদুনা লৈবা অমসুং য়োনবা তৌবদা কোমহল্লগনি।

প্রধান মন্ত্রীনা হায়খি মদুদি লৌউশিংউ, শা-শন য়োকপা অমসুং ফিসরিজগীদমক খুঙ্গংশিংদা অনৌবা ইনফ্রাস্ত্রকচর অমসুং অনৌবা সাইন্তিফিক ওইবা পাম্বৈশিং শীজিন্নবা চঙই। বিহারনা লৌউশিংউগা মরী লৈনবা এজুকেসন অমসুং রিসর্চকী ময়োল্লম ওইরক্লি।

মহাক্না হায়খি মদুদি দিল্লীদা লৈবা পুসা ইন্সতিত্যুৎ অসি বিহারগী সমস্তিপুর ময়াদা লৈবা পুসা তাউনগা মান্নৈ হায়বসি মীওই খরা নত্তনা অতৈনা খঙদে। লোই লম সাশন লৈরিঙৈ মতমদগী হৌনা, লৈবাক্কী থাক্তা লৈবা এগ্রিকলচর রিসর্চ সেন্তর অসি সমস্তিপুরগী পুসা লিংখৎখি। মহাক্না দা. রাজেন্দ্র প্রসাদ অমসুং জননয়াক কার্পুরি থাকুরগুম্বা লুচিংবশিংনা মসিগী চৎনবী অসি নীং তম্লবা মতুংদা ফাওবা চত্থদুনা লৈবগীদমক শিংথাখি।

অসিগুম্বা হোৎনরিবা কয়াসিদগী ইথিল লৌরদুনা, প্রধান মন্ত্রীনা হায়খি মদুদি ২০১৬দা দা. রাজেন্দ্র প্রসাদ য়ুনিবর্সিতী ওব এগ্রিকলচরসু সেন্ত্রেল য়ুনিভর্সিতী ওনখ্রে। মসিগী মতুংদা, য়ুনিভর্সিতী অমসুং মসিদা এফিলিএৎ তৌদুনা লৈরিবা কোলেজশিং অসিদা কোর্স কয়া অমসু হাংখ্রে। মহাক্না হায়খি মদুদি অসিগুম্বা থবকশিং অসিবু মাংজিল থানা পুরদুনা, অনৌবা স্কুল ওব এগ্রি-বিজিনেস অমসুং রুরেল মেনেজমেন্তগী বিল্দিং অমসু হাংদোকখ্রে। অসিগী মথক্তা, অনৌবা হোস্তেল, স্তেদিয়ম অমসুং মীথুংশঙসু হাংদোকখ্রে।

লৌউশিংউগী সেক্তরদা অনৌবা কয়া তঙাইফদবা লাক্লিবসিবু য়েংলদুনা, সেন্ত্রেল এগ্রিকলচরেল য়ুনিভর্সিতী ৩ অমসু লৈবাক অসিদা হান্না চহী ৫-৬সিদা অমখক্তা লৈরম্বদগী হাপকৎখ্রে।

বিহার মহাত্মা গান্ধী রিসর্চ সেন্তরসু লৌউশিংউগী থবকশিংবু ঈচাউদগী কন্নবগীদমক বিহারদা হাংদোকখ্রে। মসিগা মান্ননা, মোতিপুরদা রিজনেল রিসর্চ অমসুং ত্রেনিং সেন্তর ফোর ফিস, এনিমেল হজবেন্দরী অমসুং দেরী দিবেলপমেন্ত সেন্তরসু মোতিহারিদা অমসুং অতোপ্পা ইন্সতিত্যুৎ কয়া লৌউশিংউগা সাইন্স অমসুং তেক্নোলোজীগা শম্ননবা হাংদোকখ্রে।

প্রধান মন্ত্রীনা হায়খি মদুদি ফুদ প্রোসেসিং ইন্দস্ত্রীজগী ক্লস্তর অমসুং রিসর্চ সেন্তরসু খুঙ্গংশিংগী অকোইবদা লিংখৎকদবনি অমসুং মসিগা লোইননা ঐখোয়না জয় কিসান, জয় বিগ্যান অমসুং জয় অনুসন্ধনগী পান্দম ফংবা ঙমগনি।

প্রধান মন্ত্রীনা হায়খি মদুদি কেন্দ্র সরকার অসিনা লুপা করোর লাখ ১গী এগ্রিকলচর দিবেলপমেন্ত ফন্দসু অখন্নবা ইনফ্রাস্ত্রকচর শেম্নবা অমসুং এফ.পি.ও.শিং, কোওপরেতিব গ্রুপশিংনা কোল্দ স্তোরেজ অমসুং অতোপ্পা খুদোংচাবশিং পীনবগীদমক হাংদোকখ্রে।

নুপীশিংগী এস.ঐচ.জি.শিংনা মতেং কয়া ফংলি অমসুং মসিনা হৌখিবা চহী ৬ অসিদা মশীং হেনগৎলক্লি।

শ্রী নরেন্দ্র মোদীনা হায়খি মদুদি লৈবাক অসিদা লৈরিবা খুঙ্গং খুদিংমক চাউখৎলোনগী ইঞ্জিন ওইনবা হোৎনরি অমসুং মখোয়না ভারতপু মরোমদোম লেপচবা ঙম্নবা মতেং পাংলি।

*****