২০২০গী সেপ্তেম্বর ১১গী নুংথিল পুং ৩দা, নিউ দিল্লিদা লৈবা নেসনেল মেদিয়া সেন্তরদা ভর্চুএল ওইনা পাংথোকপা থৌরম অমদা কম্মুনিকেসেন্স, ইলেকত্রোনিক্স অমসুং ইনফোরমেসন তেক্নোলোজি অমসুং লো অমসুং জজতিস্তগী য়ুনিয়ন মিনিস্তর শ্রী রবি সনকার প্রসাদনা স্তার্দঅপকী থবকশিং শৌগৎপা রাজ্যশিংগী অনিসুবা ইদিসনগী রেঙ্কিংগী ফল লাউথোক্লগনি। থৌরম অদুদা রেলৱেজ অমসুং কমর্স মিনিস্তর পিয়ুস গোয়াল, কমর্স অমসুং ইন্দস্ত্রিগী রাজ্য মন্ত্রী অমসুং সিবিল এভিএসন, হাওসিং অমসুং অর্বান এফেয়ার্সকী রাজ্য মন্ত্রী(ইন-চার্জ) হারদিপ সিংহ পুরি অমসুং কমর্স অমসুং ইন্দস্ত্রিগী রাজ্য মন্ত্রী সোম প্রাকাস শরুক য়াগনি। ভিদিও কনফরেন্সকী খুৎথাংদা রেঙ্কিংগী ফলশিং লাউথোকপগী থবক অদুদা রাজ্যশিং অমসুং য়ু.তিশিংগী মিনিস্তরশিং অমসুং সেনিয়রয় ওফিসিএলশিংসু শরুক য়াগনি।

স্তার্দঅপকী থবকশিং ফগৎহন্নবা পান্দমদা রাজ্যশিং অমসুং য়ুনিয়ন তেরিতোরিশিংনা চাংদম্না হেনগৎনবা মরুওইবা পান্দমদা প্রোমোসন ওফ ইন্দস্ত্রি এন্দ ইন্তরনেল ত্রেৎ দিপার্তমেন্তনা শীন্দুনা রাজ্যশিংগী স্তার্দঅপ রেঙ্কিংগী থবক পায়খৎপনি। মসিনা রাজ্যশিংগী মরক্তা অমনা অমদগী তম্ননবা পুক্নিং থৌগৎনবা অমসুং থৌশিল শেম্বা অমসুং থবক ওইনা পায়খৎপদা মতেং পীন্নবা পান্দম থম্লি।

রাজ্যশিংগী স্তার্দঅপ রেঙ্কিং ফ্রেমৱার্ক ২০১৯দা এক্সন পোইন্ত ৩০ য়াওবা রিফোর্ম এরিয়া ৭ লৈরি, মখোয়গী মনুংদা ইন্সতিতুৎশিংনা শৌগৎপা, অরুবা থবকশিং লাইহনবা, সরকারনা পোৎ লৈনবগী নিয়মশিং কোমথোকপা, মখোঙদগী শৌগৎপা, সিদ ফন্দিং পীবা, ভেঞ্জর ফন্দিং পীবা, ৱাখল তাহনবা অমসুং পাউ ফাওনবা য়াওরি। রেঙ্কিংগী থবকশিং মওং-মরিল তানবা অমসুং মগুন লৈনবা রাজ্যশিং অমসুং য়ু.তিশিং কাংলুপ অনি থোক্না খাইদোক্লে। য়ু.তিশিংগী মরক্তা দিল্লি নত্তনা অমসুং অসাম নত্তনা, অৱাং-নোংপোক ভারতকী রাজ্য পুম্নমক কাংলুপ অমদা থম্লে অমসুং অতোপ্পা রাজ্যশিংনা কাংলুপ অমদা থম্লে।

চাংদম্না অসিদা রাজ্য ২২ অমসুং য়ু.তি ৩ শরুক য়ারি। তোঙান-তোঙানবা ফিবমশিংদা, মনিংতম্বা অখঙ-অহৈশিং য়াওবা ইভালুএসন কমিতি অমনা য়েংশিনবগী থবক পাংথোক্লি। তোঙান তোঙানবা লোল ১১দা কোল ৬০,০০০ হেন্না তৌদুনা বেনিফিসরিশিংদগী মখোয়গী ওইবা ৱারোলশিং লৌখি।

******