কেন্দ্রগী পেত্রোলিয়ম অমসুং নেচরেল গেস অমদি স্তীল মন্ত্রী শ্রী ধর্মেন্দ্র প্রধাননা ঙসি সি.এন.জি. স্তেসন ৫৬ লৈবাক মীয়ামদা খুৎশিন্নখ্রে‍। হায়রিবা সি.এন.জি. স্তেসনশিং অসি স্তেত ১৩ অমদি য়ু.তি. অমা – চান্দিগর, বিহার, গুজরাত, হরিয়ানা, ঝার্খন্দ, কেরলা, মধ্য প্রদেশ, মহারাস্ত্র, পঞ্জাব, রাজস্থান, উত্তর প্রদেশ, উত্তরখান্দ, ৱেস্ত বেঙ্গল অমসুং অন্ধ্র প্রদেশতা লৈবনি‍।

থৌরমদুদা ৱা ঙাঙলদুনা, মন্ত্রীনা ফোঙদোকখিবদা হৌখিবা চহী ৬সিদা সি.এন.জি. স্তেসন মশীং ৯৪৭তগী ২৩০০দা হেনগৎলে‍। হৌজি হৌজিক লৈবাকসিগী দিস্ত্রিক ৪০০ সিতী গেস দিস্ত্রিব্যুসন নেতৱর্কনা কোনশিল্লি‍। পেত্রোলিয়ম এন্দ নেচরেল কেস রিগুলেতরী বোর্দ (পি.এন.জি.আর.বি.)না সি.জি.দি. বিদ্দিং রাউন্দগী ১১শুবা রাউন্দ পুথোক্নবা শেম শারি, মসিগী মতুংদা অহেনবা দিস্ত্রিক ৫০-১০০দা তরু তরুবা ফাউ ফংলগনি‍।

শ্রী প্রধাননা হায়খিবদা ভারত অসি গেসতা য়ুম্ফম ওইবা শেন্মিৎলোনগী মায়কৈদা চঙশিল্লি‍। মসি ফংহন্নবা লৈঙাক অসিনা মচাক মথুমশিং পীননবা লেপ্লি, অমদি মসিগীদমক্তা কি:মি: ১৭,০০০ শাংবা পাইপলাইন তিংলি‍। গেস ফংদ্রিবা অৱাং নোংপোক স্তেতশিং অমসুং নোংপোকথংবা ভারতকুম্বা মফমশিংসু কোনশিল্লি‍। নেসনেল গেস গ্রীদ অকক্নবা মতমগী মনুংদা লোইশিন্নবা থবক পায়খৎলি‍ হায়না মহাক্না ফোঙদোকখি‍।

মহাক্না হায়খিবদা লৈঙাক অসিনা সবকা সাথ, সবকা বিকাস হায়বা ৱাখল্লোনগা লোয়ননা লৈবাকসিদা ব্লু ফ্লেম রিভোলুসন অমা পুরক্নবা হোৎনরি‍। য়ুমথোঙ করোর ২৮ হেনবদা এল.পি.জি. কনেক্সন পীখ্রে অমদি য়ুমথোঙ করোর ৫দা পি.এন.জি. কনেক্সন পীননবা ইচঙ থৌবা থৌরাং অমসু পায়খৎলি‍।

মন্ত্রীনা শেনথুম মন্ত্রালয় অমসুং রিজর্ব বেঙ্ক ওফ ইন্দিয়াবু লৈবাকসিদা সি.বি.জি. ইকোসিস্তেম চাওখৎহনবদা মতেং পাংবগীদমক্তা তৌবিমল খঙবা উৎখি‍। মহাক্না হায়খিবদা মহাক্না ফোঙদোকখিবদা আর.বি.আই.না কম্প্রেস বাইও-গেস (সি.বি.জি.) প্রাইওরিতি সেক্তরদা চলহনখিবনা ওন্ত্রপ্রিন্যুরশিংদা অহোঙবা মমলদা লায়না শেন্থং ফংহনবদা মতেং ওইরগনি‍।

ফত্ত-হৌদিদগী ইনর্জীগী ৱাখল্লোনগী মতাংদা ৱা ঙাঙলদুনা মন্ত্রীনা হায়খিবদা পর কেপিতা পোলুসনদা য়াম্না নেমজরবসু ভারতনা ইনর্জীগী রিন্যুএবল সোর্স শীজিন্নবদা অচৌবা খোঙথাঙ লৌখৎলি‍। মহাক্না মরুওইনা হরিয়ানা অমসুং উত্তর প্রদেশনা তরু তরুবা থাউ শীজিন্নদুনা নিংথমথাগী মতমদা নেসনেল কেপিতেল রিজনদা (এন.সি.আর.) নুংশিৎ মোৎশিনবা হন্থহন্নবা লৌখৎলিবা খোঙথাঙশিংবু অখন্ননা পনখি‍। আই.ও.সি.এল., এন.তি.পি.সি. অমসুং এস.দি.এম.সি.কী ঘাজিপুরগী ম্যুনিসিপালগী ফত্ত-হৌদিশিংবু গেস ওন্থোক্নবা কুইদ্রিঙৈদা পায়খৎখিবা থৌরাংশিংসু পনখি‍।

মন্ত্রীনা ওন্ত্রপ্রিন্যুরশিংদা ইনর্জী সেক্তরদা অওনবা খুজিন থৌরাংগী খুদোংচাবা লৌননবা ৱাফম থমখি‍। রিতেল আউতলেত লিংখৎনবা চঙগদবা শেনফম লুপা করোর ২০০০দগী লুপা করোর ২৫০দা হন্থহনখ্রে  অমদি স্তার্ত-অপশিংনা মসিদা শরুক য়াবা য়ারগনি হায়না মহাক্না হায়খি‍। রিতেল আউতলেতশিংনা হান্না লৈরিবা ফোসিল ফ্যুলশিং য়োনবা য়াবতা নত্তনা গেস থাদোক থাজিন তৌবা অমদি ইলেক্ত্রিক গারী চার্জিং স্তেসনশিং থম্বসু য়াহল্লে হায়না মহাক্না হায়খি‍। মহাক্না ওন্ত্রপ্রিন্যুরশিংদা খুজিং থৌরাংদা পুরক্লিবা অহোংবা অসিগী খুদোংচাবা লৌননবা, অথোই অহেন তান্নদুনা কঞ্জুমরশিংদা কান্নবা পীগদবা মওংদা থাউগী কৈথেলদা অনৌবা ৱাখল্লোনশিং পুথোরক্নবা আপিল তৌখি‍। মন্ত্রীনা মফম অতৈদসু মতৌ তমবা য়াবা মওংদা চান্দিগরদা হন্দক্তা নৌনা হাংদোকখিবা বেত্তরী শিন্দোক্নবগী স্তেসনশিংগী মতাংদসু ৱা ঙাঙখি‍। মহাক্না সি.জি.দি. প্লেয়রশিংদা সি.বি.জি. স্তেসনশিং লিংখৎনবা হায়রদুনা মদুগীদমক্তা হেন্না হোঙবা অমদি লায়না ফংবা য়াবা মচাক মথুমশিং মরাঙ কায়না ফংলি অমদি ও.এম.সি.শিংনা রিম্যুনরেতিব মমলদা অপতেক গরেন্তী পীরি হায়না ফোঙদোকখি‍।

মন্ত্রীনা ফোঙদোকখিবদা ভারত অসি মালেমগী ওইনা ইনর্জী খ্বাইদগী ৱাংনা শীজিন্নবা লম্নি অমদি লৈবাকসিনা চাওখৎপগী মায়কৈদা খোঙজেল য়াঙনা চঙশিল্লিমখৈ ফীভমসি হেনগৎলকখিগনি‍। ইকায় খুম্নরবা প্রধান মন্ত্রীগী ইনর্জী ৱায়েল অমসুং মরোমদোম লেপচবা ভারতকী খোল্লাউবু হন্না নীংশিংলদুনা, শ্রী প্রধাননা হায়খিবদা মীয়ামদা ফংহনগদৌরিবা ইনর্জী অসি তুং কোইনা চৎনগদবা, লায়না ফংগদবা, পুবা থাংবা ঙমবা মমল ওইহনগদবনি অমদি মসিনা ইনর্জী সিক্যুরিতী ফংবা ঙমহনগনি‍।

পেত্রোলিয়ম অমসুং নেচরেল গেস মন্ত্রালয়গী সেক্রেতরী শ্রী তরুন কাপুরনা থৌরমদুদা ৱা ঙাঙলদুনা, লৈঙাক অসিনা লৈবাকসিদা গেসকী শেন্মিৎলোন পুরক্নবা খোঙফম চেৎনা লেপ্লি হায়না হায়খি‍। মহাক্না গারী পুথোকপশিংদা ফেক্তরী-ফিত্তেদ সি.এন.জি গারীশিং য়োকখৎনবা, অমদি ত্রান্সপোর্ত সেক্তরনা সি.এন.জি. হেন্না শীজিন্নবা য়াননবা এক্সতর্নেল কিতশিং ফিত তৌবা হন্থহন্নবা ৱাফমসু থমখি‍।

আই.ও.সি.এল. চেয়রমেন শ্রী এস.এম. ভৈদ্যসু থৌরমদুদা ৱা ঙাঙখি‍। পেত্রোলিয়ম অমসুং নেচরেল গেস মন্ত্রালয়, ওইল মার্কেতিং কম্পেনীশিং অমসুং হায়রিবা সি.এন.জি. স্তেসনশিং অসি হাংদোক্লিবা কম্পেনীশিংগী মকোক থোংবা ওফিসিএলশিংসু থৌরমদুদা শরুক য়াখি‍।

*****