ঙসি সেপ্তেম্বর ৯, ২০২০দা অনন্তপুর(অন্ধ্র প্রদেশ)তগী আদর্শ নগর(নই দিল্লী)ফাওবা য়ৌগদবা খা ভারতকী অহানবা রেল “কিসান রেল” লমথাখ্রে।

থৌরম অসিদা ৱা ঙাংলদুানা শ্রী নরেন্দ্র সিংহ তোমারনা মসি লৌমীশিংদা কান্নহন্নবা খা ভারত্তগী লৈবাক অসিগী কোনুং য়ৌহনগদবা অহানবা কিসান রেলনি হায়না ফোংদোকখি। মসি প্রধান মন্ত্রী শ্রী নরেন্দ্র মোদীজীনা লমজিং লমতাক্না অমদি ইথীল পীবিবগী মহৈনা ঙসি ইন্দিয়ন রেলৱেজনা খুঙ্গংশিং অমসুং লৌমীসিংবু পুক্নিং থৌগৎনবগী পান্দম্না ইন্দিয়ন রেলৱেজ সর্ভিস অসি হৌদোকপা ঙমহল্লিবনি হায়না ফোংদোকখি। “মসি লৌমীশিংগী ওইনদি অথোইবা নুমিৎ অমনি। কিসান রেল অসি বজেত্তা লাউথোকখি। লৌউ-শিংউগী পোত্থোকস্তা খ্বাইদগী নিংথিনা চাইথোকপা অমদি অমুক হল্লকহনবগী মথৌ তাই। ভারতকী লৌমীশিংনা মখোয় অসি কৈদৌনুংদা মহৌশানা অমাং-অতা থোকহনবা নত্রগী শিংনবনা  থবক তৌদনা তোকহনবা ঙম্লোই হায়বা উৎখ্রে। কিসান রেল অসিনা লৌউ-শিংউগী পোত্থোকশিং অসি লৈবাক অসিগী কাচিন অমদগী কাচিন অমদা য়ৌহনবা ঙম্লগনি”।

শ্রী সুরেস সি. অঙ্গাদীনানা ইকাই খুম্নরবা প্রধান মন্ত্রীগী ভিজন অমসুং বজেত্তা লাউথোকখিবগী মতুং ইন্না লৌমীশিংগী শেন্মিৎলোন অসি শরুক অনি হেনগৎহন্নবগী পান্দমগা লোয়ননা কিসান রেল অসি হৌদোকখিবনি হায়না ফোংদোকখি। 

“মতম চুপ্পগী ওইনা ইন্দিয়ন রেলৱেজনা লৌমীগী পোত্থোক অসি মার্কেত্তিং তৌনবগী খুদোংচাবা ফংহনগনি হায়না অচেৎপা ৱাফম থমখ্রে”। রেলৱেগী পরিংশিং অসি ইলেক্ত্রিফিকেসন তৌবগী থবক অসি অন্ধ্র প্রদেশকী রাজ্য অসিদা অচৌবা মওং অমদা পোংথোকখ্রে অমদি মসিগী কান্নবশিং অসি অন্ধ্র প্রদেশকী মীশিংনা ফংগনি হায়না মহাক্না হায়খি।

ভারত সরকারগী লৌউ-শিংউ অমসুং লৌমীশিংগী য়াইফ-থৌরাং, রুরেল দিভেলপমেন্ত অমসুং পঞ্চায়তী রাজগী মন্ত্রী শ্রী নরেন্দ্র সিংহ তোমারঅমসুং অন্ধ্র প্রদেশকী মুখ্য মন্ত্রী শ্রী ৱাই.এস. জগন মোহন রেদ্দীনা ঙসি সেপ্তেম্বর ৯, ২০২০দা ভিদিও কনফরেন্সকী থোংদা অনন্তপুরদগী ন্যু দিল্লী ফাওবা য়ৌগদবা ত্রেন চেনবা হৌদোকপগী লমথাখি।

থৌরম অদু ভারত সরকারগী রেলৱেজগী রাজ্য মন্ত্রী শ্রী সুরেশ সি.অঙ্গাদীনা ময়াই তাইবল লৌখি।

খা ভারতকী অহানবা কিসান রেল:

• ইনৌ-নৌনা অহানবা ওইনা হৌদোকপা রেল অসি অন্ধ্র প্রদেশকী অনন্তপুর রেলৱে স্তেসন্দগী চৎপা হৌই অমসুং ন্যু দিল্লীগী আদর্স নগর স্তেসন্দা য়ৌই।  

• রেক অসি পার্সেল ভেন ১৪দা হাপকৎখি-ভেন ৪ অসিনা নাগপুরগীনি অদুগা অতোপ্পা ১০ অসিনা আদর্শ নগরগীনি-পুন্না তোন ৩৩২।  

• অনৌবা হৌদোকখিবা কিসান রেল অসিদা খামেন অশিনবা, লফোই, হৈথুম, অৱা থবী, খরবুজ অমদি হৈনৌশিং হাপখি।

• ত্রেন অসি অনন্তপুরদগী ন্যু দিল্লীফাওবা কিলোমিতর ২১৫০ অসি থুনা য়াংনা পুং ৪০দা য়ৌগনি।

• অনন্তপুর অসি অন্ধ্র প্রদেশকী হৈ ময়ামগী মফম থুনা য়াংনা ওইরক্লি। হৈ অমদি এঞ্জাং-নাপী মেত্রিক তোন লাক্ষ ৫৮কী চাদা ৮০ হেন্না রাজ্য অসিগী মপান্দা জিলাশিংদা মরুওইনা অৱাংথংবা দিল্লী, য়ু.পি., পঞ্জাব অমসুং হরিয়ানাদা মার্কেত্তিং তৌই। হান্নদি মসি লম্বিদা পুদুনা থাদুনা শুপ্নতগী মতম চংবদা নত্তনা লম্বিদা পুবদা পত্থ-পুথবনা মরম ওইদুনা লৌমীনা মমল তানসু ফংখি। রেলৱেদা পুথোক-পুশিন তৌবা অসিনা শোই-ঙামদবা, থাজনিংঙাই ওইবা অমসুং থুনা-য়াংনা পুথোক-পুশিন তৌদুনা লৌমীশিংদা সেল হেন্না ফংহনবদা মতেং পাংগনি অমদি লৌমীশিং অমসুং লল্লোন-ইতিক তৌবশিংনা শেন্মিৎলোন হেনগৎহনবদা মতেং পাংলি।

• জিলা লৈঙাক পায়রিবা অমসুং রাজ্য সরকারগী ওফিসিএলশিংগী মতেংনা গুন্তাকলগী রেলৱে তীম(মরুওইনা বিজিনেস দিভেলপমেন্ত য়ুনিৎ)না রেলৱেজ লোদিং তৌবদা খুদোংচাবা পংহনবগী মতাংদা লৌমীশিং/লল্লোন-ইতিক তৌবশিং মিৎকুপ নাহুম শিংহনবদা অথোইবা থৌদাং লৌই।

*****