PIB Headquarters
কোবিদ-১৯গী মতাংদা নুমিৎ খুদিংগী ফোংবা পি.আই.বি.গী বুলেতিন
Posted On:
09 SEP 2020 6:32PM by PIB Imphal
![Coat of arms of India PNG images free download](https://static.pib.gov.in/WriteReadData/userfiles/image/image002WGEO.png)
![](https://static.pib.gov.in/WriteReadData/userfiles/image/image001ODEN.jpg)
(মসিদা হৌখিবা পুং ২৪ দা থোকখিবা কোবিদ -১৯গা মরী লৈনবা চেফোংশিং, ফিল্দ ওফিসশিংদগী ফংবা পাউশিং, অমসুং পি.আই.বি.না লৌখৎপা ফেক্ত চেকশিং য়াওরি )
- ভারতনা নাবা ফবগী মশিংদা হান্না ওইখিদবগুম য়াম্না হেনগৎলক্লি, হৌখিবা পুং ২৪দা চাউরাক্না মীওই ৭৫,০০০ নাবা ফখি
- নাবা ফরবা অপুনবা মশিং চাউরাক্না লাখ ৩৪ হেল্লে
- লৈবাক অসিদা এক্তিব কেসকী অপুনবা মশিং ৮,৯৭,৩৯৪ ওইরি
- ভারতনা কোবিদ-১৯ তেস্তশিং তৌবদা মখা তানা নৌনা ৱাংখৎলক্লি, হৌখিবা পুং ২৪দা তেস্ত লাখ ১১.৫গী মথক্তা তৌখ্রে
- সরকারগী সেক্তরগী ১০৪০ অমসুং লনাই লেব ৬৩৮ য়াওনা লেব ১৬৭৮না কোবিদ তেস্তশিং চত্থরি
- প্রধান মন্ত্রীনা লম্বীদা দুকান ফম্লিবশিং অসিদা তরু তন্না লৈনবা অমসুং কোবিদ-১৯ শন্দোকপা লাকশিন্নবগীদমক খোংথাং খুদিংমক ইন্ননবা খঙহনখি। মসিনা মখোয়গী লল্লোন ইতীক্কী থবকশিং হেনগৎহনগনি
![](https://static.pib.gov.in/WriteReadData/userfiles/image/image001A18H.jpg)
![](https://static.pib.gov.in/WriteReadData/userfiles/image/image002VZLU.jpg)
ভারতনা কোবিদ-৯ তেস্তশিং তৌবদা মখা তানা নৌনা ৱাংখৎলক্লি, হৌখিবা পুং ২৪দা তেস্ত লাখ ১১.৫গী মথক্তা তৌখ্রে
ভারতনা ৭৫,০০০গী ময়াদা নোংমদা খ্বাইদগী ৱাংনা নাবা ফগৎলকপগী রেজিস্তর তৌবা নুমিৎ অসিদা তেস্ত তৌবগীসু রিকোর্দ থম্বা ঙমখ্রে। হৌ্রখিবা পুং ২৪দা কোবিদ সেম্পল লাখ ১১.৫ হেন্না তেস্ত তৌখ্রে। ভারত অসি নোংমদা তেস্ত মশিং ৱাংনা তৌবগী রিপোর্ত তৌরকখ্রবা লৈবাক খরগী মনুংদা অমনি। নোংমদা তেস্ত তৌবা ঙম্বগী চাং অসি হান্ননা লাখ ১১ লানখ্রে। হৌখিবা পুং ২৪দা তেস্ত ১১,৫৪,৫৪৯ তৌখিবগা লোয়ননা ভারতনা লৈবাক অসিগী দাইগনোস্তিক কেপাসিতী অসিগী মপাঙ্গল মখা তানা কনখৎলক্লি। মাই পাকপা অসিগা লোয়ননা অপুনবা তেস্ত তৌখিবগী মশিং অসি করোর ৫.১৮ (৫,১৮,০৪,৬৭৭) লানখ্রে। লৈবাক শিনবা থুংনা অৱাংবা থাকশিংদা মতম চানা দাইগনোসিস তৌবগী খুত্থাংদা চানবা লায়েং মাংজৌননা পীনবা পোজিতিব কেসশিং আইসোলেৎ তৌনবা নত্রগা হোস্পিতালদা পুখৎনবা কান্নরবা খুদোংচাবশিং ফংহল্লি। মসিনা মরম ওইরগা শীবগী চাং অসি হন্থহল্লি (ঙসি ১.৬৯%) অমসুং থুনা ফগৎপা ঙমহল্লি। তেস্তস পর মিলিয়ন অসি ৩৭,৫৩৯দা খঙহেন হেনগৎখ্রে। মসি মখা তানা হেনগৎলক্লি। জনুৱারী ২০২০দা পুনেদা তেস্তিং লেব অমা লৈরম্বদগী ঙসি লৈবাক অসি লেব মশিং ১৬৭৮ শুখ্রে মসিদা সরকারগী সেক্তরগী ১০৪০ অমসুং লনাই লেব ৬৩৮ য়াওরি।
অকুপ্পা ৱারোলগীদমক: https://www.pib.gov.in/PressReleseDetail.aspx?PRID=1652562
ভারতনা নাবা ফবগী মশিংদা হান্না ওইখিদবগুম য়াম্না হেনগৎলক্লি, হৌখিবা পুং ২৪দা চাউরাক্না মীওই ৭৫,০০০ নাবা ফখি, নাবা ফরবা অপুনবা মশিং চাউরাক্না লাখ ৩৪ হেল্লে
হৌখিবা পুং ২৪দা ভারত্তা নাবা ফবগী মশিং য়াম্না হেনগৎখি। নোঙমদা নাবা ফবগী মশিং অসি রেকোর্দ ওইনা ৭৪,৮৯৪ য়ৌখ্রে। মসিগা লোয়ননা অপুনবা নাবা ফবগী মশিং অসি ৩৩,৯৮,৮৪৪ য়ৌদুনা নাবা ফবগী চাং ৭৭.৭৭% য়ৌখ্রে। চয়োলগী ওইনা নাবা ফবগী মশিং অসি জুলাইগী অহুমসশুবা চয়োলদা ১,৫৩,১১৮ ওইরম্বদগী সেপ্তেম্বর ২০২০গী অহানবা চয়োলদা ৪,৮৪,০৬৮ য়ৌখ্রে। হৌখিবা পুং ২৪দা অনৌবা কেস ৮৯,৭০৬ লাকপগী পাউ লাকখি অমসুং মসিগী মনুংদগী মহারাস্ত্রাদগী ২০,০০০ হেনবা অমসুং আন্ধ্র প্রদেশতগী ১০,০০০ হেন্না লাকখি। অনৌবা কেসশিং অসিগী ৬০%দি রাজ্য ৫দগীনি। লৈবাক অসিগী অপুনবা এক্তিব কেসকী মশিং অসি ঙসি ফাওবগী ওইনা ৮,৯৭,৩৯৪ ওইরি। মহারাস্ত্রানা কেস ২,৪০,০০০ লৈদুনা মকোক্তা লৈরি অমসুং করনাতকা অমসুং আন্ধ্র প্রদেশনা কেস ৯৬,০০০/৯৬,০০০ লৈদুনা তুং ইল্লি। অপুনবা এক্তিব কেসকী ৬১%দি মহারাস্ত্রা, করনাতকা, আন্ধ্র প্রদেশ, উত্তর প্রদেশ অমসুং তমিল নাদুদগীনি। হৌখিবা পুং ২৪দা মীওই ১,১১৫ লৈখিদে। মহারাস্ত্রাদগী ৩৮০ অমসুং মতুংদা করনাতকা অমসুং তমিল নাদুনা মথংশিৎনা ১৪৬ অমসুং ৮৬ লৈখি।
অকুপ্পা ৱারোলগীদমক: https://www.pib.gov.in/PressReleseDetail.aspx?PRID=1652545
দাঃ হর্শ বর্ধন্না দবল্যু.ঐচ.ও. সাউথ ইস্ত এসিয়া রিজনগী ৭৩শুবা সেসন্দা ভিদিও কনফরেন্সিংগী খুত্থাংদা শরুক য়াখ্রে
কেন্দ্রগী হকশেল অমসুং য়াইফ য়ুম্বাল মন্ত্রী দাঃ হর্শ বর্ধন্না ঙসি দবল্যু.ঐচ.ও. সাউথ ইস্ত এসিয়া রিজনগী ৭৩শুবা সেসন্দা ভিদিও কনফরেনশিংগী খুত্থাংদা শরুক য়াখ্রে। নুমিৎ নিনি চত্থবা থৌরম অসি কোবিদকী লায়চৎনা মরম ওইদুনা বর্চুএলগী খুত্থাংদা মপুং ওইনা পাঙথোকপা অসি হন্দক্কী অসিনা অহানবনি। মীফম অদুদা ভারতকী মহুৎ শিল্লদুনা দাঃ হর্শ বর্ধন্না প্রধান মন্ত্রী শ্রী নরেন্দ্র মোদীগী লুচিং মখাদা লৈবাক অসিনা লায়চৎ অসিদগী মীয়ামগী পুন্সি কন্নবা অমসুং পুন্সি মহিং ঙাক শেন্নবা হায়দুনা পায়খৎফম থোকপা থবক অমত্তা চিত্থদনা পাঙথোক্তুনা ভাইরস অসিনা শোকহল্লিবা কয়া অসিবু হন্থহন্নবা অচৌবা খোঙথাং পায়খৎলিবা অসিগী মতাংদসু মীয়ামগী পুক্নিং চিংশিনখি। তসেং তসেংনা কান্নবা ফংহন্নবা ৱারোইশিন, রিসোর্স অমসুং থবক ওইনা পাঙথোকপগী থৌওং কয়াগী তঙাই ফদবা লৈবা হকশেলগী ওইবা লৈঙাক্কী মশক য়াম্বা অমসুং কাংলুপ য়াম্বা থৌওংশিং অসিগী মতাংদা ৱা ঙাংলদুনা মহাক্না হায়খি, “স্বচ্ছ ভারত অভিয়ান, ইং ২০২২ ফাওবগী মনুংদা মীপুম খুদিংগী য়ুম শাবা, স্কিল দিবেলপমেন্ত, স্মার্ত সিতী, ইৎ রাইত, ফিৎ ইন্দিয়া অমসুং মলতি-সেক্তরেল ওইবা খোঙথাং কয়া অমা পাঙথোকখ্রে অমসুং মখোয়শিং অসিনা ঐখোয়গী মীয়ামগী পুন্সি মহিংগী থাক ৱাংখৎহন্দুনা মীওই পুম্বগী হকশেলগী ফিভমদা ফগৎপগী কান্নবা কয়া অমা পীরি”।
অকুপ্পা ৱারোলগীদমক: https://www.pib.gov.in/PressReleseDetail.aspx?PRID=1652610
প্রধান মন্ত্রীনা মধ্য প্রদেশকী লম্বীদা দুকান ফম্লিবশিংগা লোয়ননা 'স্বানিধি সম্বাদ' পাঙথোকখ্রে
প্রধান মন্ত্রী শ্রী নরেন্দ্র মোদীনা মধ্য প্রদেশকী লম্বীদা দুকান ফম্লিবশিংগা 'স্বানিধি সম্বাদ' পাঙথোকখ্রে। ভারত সরকারনা জুন ১, ২০২০দা কোবিদ-১৯না চৈথেং পীবীরবা লাইরবা লম্বীদা দুকান ফম্লিবশিংনা শেন্দান লম্বী অমুক হন্না হঞ্জিনবা য়ানবগীদমক পি.এম. স্বানিধি স্কিম হৌদোকখিবনি। মধ্য প্রদেশতা লম্বীদা দুকান ফম্বা মীওই লাখ ৪.৫না মিং থাজিনলকখি, মসিগী মনুংদগী লম্বীদা দুকান ফম্বা মীওই লাখ ১.৪ রোমদা লুপা করোর ১৪০ রোমগী অয়াবা পীখি। থৌরম অদুদা ৱা ঙাংলদুনা প্রধান মন্ত্রীনা লম্বীদা দুকান ফম্লিবশিংনা মহৌশাগী পুন্সিদা অমুক হঞ্জিন্নবা হোৎনরক্লিবা থৌনা অসিবু থাগৎখি অমসুং মখোয়না মশাদা থাজবা থমজরিবা, খাঙবা কনবা অমসুং হোৎনবা কনবগী মতৌ অসিবু শিংথাখি। প্রধান মন্ত্রীনা লম্বীদা দুকান ফম্লিবশিং অসিদা তরু তন্না লৈনবা অমসুং কোবিদ-১৯ শন্দোকপা লাকশিন্নবগীদমক খোংথাং খুদিংমক ইন্ননবা খঙহনখি। মসিনা মখোয়গী লল্লোন ইতীক্কী থবকশিং হেনগৎহনগনি হায়না মহাক্না ফোংদোকখি।
অকুপ্পা ৱারোলগীদমক: https://www.pib.gov.in/PressReleseDetail.aspx?PRID=1652581
মধ্য প্রদেশকী স্ত্রীৎ ভেন্দরশিংগা প্রধান মন্ত্রীগা ৱারী শান্নখিবগী ৱারোল
অকুপ্পা ৱারোলগীদমক: https://www.pib.gov.in/PressReleseDetail.aspx?PRID=1652598
পি.এম.না সেপ্তেম্বর ১০দা প্রধান মন্ত্রী মৎস্য সম্পদা য়োজনা হৌদোক্কদৌরি
প্রধান মন্ত্রী শ্রী নরেন্দ্র মোদীনা সেপ্তেম্বর ১০দা প্রধান মন্ত্রী মৎস্য সম্পদা য়োজনা (পি.এম.এম.এস.ৱাই.) দিজিতেল ওইনা হৌদোক্কদৌরি। প্রধান মন্ত্রীনা লৌমীশিংনা হকথেংননা শীজিন্ননবা পুনশিল্লবা ব্রীদ ইম্প্রুভমেন্ত কৈথেল অমসুং ঈ-পাউগী পোর্তেল, ই-গোপালা এপসু হৌদোক্কদৌরি। বিহারদা ঙা য়োকপা অমসুং শা-য়েন লোইবগী লমদা অতৈ তোঙান তোঙানবা থৌরাংশিংসু প্রধান মন্ত্রীনা হৌদোক্কদৌরি। প্রধান মন্ত্রী মৎস্য সম্পদা য়োজনা (পি.এম.এম.এস.ৱাই.) অসি আত্মনিরভর ভারত পেকেজকী শরুক অমা ওইনা স্তেত/য়ু.তি. খুদিংমক্তা শেনবা চহী ২০২০-২১দগী শেনবা চহী ২০২৪-২৫ ফাওবা চহী ৫গী মনুংদা পায়খৎনবা চাউরাক্না লুপা করোর ২০,০৫০ থাদদুনা লৈবাকসিদা ঙা য়োকপগী লমদা মীৎয়েঙ চঙদুনা তুং কোইগদবা চাওখৎপা পুরক্নবা মাঙজিল থাবা স্কিম অমনি। পি.এম.এম.এস.ৱাইগী মখাদা লুপা করোর ২০,০৫০ থাগদৌরিবা অসিনা ঙা য়োকপগী লমদা হৌজিকফাওবদা খ্বাইদগী ৱাংনা শেনফম্নি। মসিগী মনুংদা, চাউরাক্না লুপা করোর ১২৩৪০দি সমুদ্র, কংফাল মনুংগী ঙা য়োকপা অমদি এক্বাকল্চরদা থাদনবা অমদি চাউরাক্না লুপা করোর ৭৭১০না ঙা য়োকপগী মচাক মথুম শেমগৎপদা থাদনবা ৱাফম হৌদোক্লি।
অকুপ্পা ৱারোলগীদমক: https://www.pib.gov.in/PressReleseDetail.aspx?PRID=1652573
জিগ্যাসা প্রোগ্রামগী মখাদা কোবিদ-১৯ থেংননবা সি.এস.আই.আর.-সি.এম.ই.আর.আই.গী সাইন্তিফিক অমসুং তেক্নোলোজিকেল ওইবা থৌওংগী মতাংগী ৱেবিনার
দুর্গাপুরদা লৈবা সি.এস.আই.আর.-সি.এম.ই.আর.আই.না জম্মু অমসুং কশ্মীরগী স্কুল এজুকেসন বিভাগক্কী সমাগ্রা শিক্ষাগা খুৎশম্নদুনা য়ুম্বু ওইখিবা জিগ্যাসা প্রোগ্রামগী মখাদা কোবিদ-১৯ থেংননবা সি.এস.আই.আর.-সি.এম.ই.আর.আই.গী সাইন্তিফিক অমসুং তেক্নোলোজিকেল ওইবা প্রোগ্রাম।
অকুপ্পা ৱারোলগীদমক: https://www.pib.gov.in/PressReleseDetail.aspx?PRID=1652515
খাদিগী ই-মার্কেত পোর্তেল ভাইরেল চৎলে; ভারতমচাশিং লৈবাক অসিদা শাবা পোৎ-চৈশিং শীজিন্নবা হৌরে
খাদি এন্দ ভিলেজ ইন্দস্ত্রি কম্মিসন(কে ভি আই সি)গী ওনলাইন্দা পোৎ-চৈ য়োনবগী থবক অথুবদা ভারত শীনবা থুংনা পায়খৎলকপদগী কে.ভি.আই.সিগী ই-পোর্তেল- www.kviconline.gov.in/khadimask/ গী খুৎথাংদা খুৎহৈবশিংনা মখোয়গী পোৎথোকশিং য়োনবা ঙম্লে। চহি অসিগী জুলাই ৭দগী শুপ্নগী খাদি মাক্স ওনলাইন্দা য়োনবা হৌদোকখিবা অদুদগী মপুং ফারক্তুনা ঙসিদি পোৎথোক ১৮০ হেন্না য়োল্লে অমসুং অহেনবা কয়া য়োন্নবা থৌরাং তৌরি। কে.ভি.আই.সিনা ওনলাইন্দা য়োল্লিবা পোৎলমশিং অসিদা নুমিৎ খুদিংগী য়ামদ্রবদা অনৌবা ১০ হাপচিল্লি অমসুং চহি অসিগী ওক্তোবর ২ ফাওবদা য়ামদ্রবদা পোৎথোক ১০০০ হাপচিন্নবা পান্দম থম্লি। তেল্লবা থা ২গী মনুংদা, কে.ভি.আই.সিনা মীওই ৪০০০ রোমদা পোৎ য়োনখ্রে।
অকুপ্পা ৱারোলগীদমক: https://www.pib.gov.in/PressReleseDetail.aspx?PRID=1652546
পি.আই.বি. ফিল্দ ওফিসশিংদগী ফংবা পাউ
• পঞ্জাব: লাইচৎ অসি শন্দোরকপদগী থিংনবা কোরোনা ভাইরস পোজিতিব ওইবা পেসেন্তশিং মতম চানা খঙদোক্নবা য়াম্লবা মীয়ামগী স্ক্রীনিং তৌবা হেনগৎনবা, পঞ্জাব সরকারনা জিলাগী হেল্থ ওথোরিতীশিংগা লোইননা য়েংশিন্নবা কাংলুপ অমা শেম্লবা মতুংদা কোবিদ-১৯গীদমক্তা রেপিদ এন্তিজেন তেস্তিং (আর.এ.তি.) পাংথোক্নবা লনাইগী হোসপিতালশিং/ ক্লিনিকশিং/ লেবশিংদা অয়াবা পীনবা ৱৱারেপ লৌখ্রে।
• মহারাস্ত্র: থা অহুম হেল্লবা মতম অসিদা অহানবা ওইনা, মহারাস্ত্রদা নোভেল কোরোনা ভাইরসকী মশিং অসি লৈবাক অপুনবগী হেনগৎলক্লিবা চাং অসিদগী হেনগৎলকপা হৌরক্লে। মহারাস্ত্রদা লৈরিবা এক্তিব কেসশিংগী মশিং অসি ২,৪৩,৮০৯ শুখ্রে। মুনিসিপাল ওথোরিতীশিংনা পীরকপা দেতাগী মতুং ইন্না, সিতী অসিদা বিল্দিং ৭,০৯৯ সীল তৌখ্রে, অমরোমদনা কন্তেনমেন্ত জোনশিংগী মশিংনা ৫৬৮ শুখ্রে। মরক অসিদা মহারাস্ত্র সরকারনা রাজ্য অসিদা লৈরিবা ওক্সিজেন মেন্যুফেকচরিং য়ুনিৎশিংদা মখোয়গী প্রোদক্সন অদুগী ৮০% মেদিকেলগী ওইবা মরমশিংদা শিজিন্নবগীদমক্তা খায়দোক্নবা খঙহল্লকখ্রে।
• গুজরাত: কোবিদ-১৯গী পোজিতিব ওইবা পেসেন্ত ২৭২ লাইয়েংদুনা লৈরিবা বদোদরা মুনিসিপাল কোরপোরেশন্না চলাইবা এস.এস.জি. হোসপিতালদা লৈবাকপোকপা নুমিৎকী নুমিদাংদা মৈহৌ-লাংপোক থোকখি। মৈহৌ-লাংপোক অদু আই.সি.য়ু.দা বেন্তিলেতরশিং অমগী ৱায়রিংদা সোর্ত সর্ক্যুইৎ থোকপনা মরম ওইরগা কোবিদ-১৯ আইসোলেশন বিল্দিংগী অহানবা ফ্লোরদা লৈবা আই.সি.য়ু. ৱার্দ অমদা থোকখি।
• রাজস্থান: রাজস্থানগী মুখ্য মন্ত্রী, শ্রী অশোক গেহলোতনা দোক্তরশিংগী পাউতাক্তগী থা অমগী ওইনা মীফম খুদিংমক লেপখ্রে। মতম অসিগী মনুংদা মহাক্না গোভর্নেন্সকীদমক্তা ভীদিও কনফরেন্স খক্তমক পাংথোক্কনি। হায়রিবা অসি সি.এম.গী রেসিদেন্স অমসুং ওফিসতা কোবিদকীদমক এমপ্লোয়ী ৪০গী মথক্তা পোজিতিব ওইবা থেংনরকখিবদগী লাউথোরকখিবনি।
• মধ্য প্রদেশ: মধ্য প্রদেশ সরকারনা রাজ্য পুম্বগী ওইনা কোবিদ-১৯গী তেস্ত লেম্না পাংথোক্নবা লাউথোকখ্রে। মমীফম অদুদা ওক্সিজেন বেদশিংগী মশিং অদু অহেনবা বেদ ৩,৭০০ হেনগৎলগনি, মসিগী মতুং ইন্না ওক্সিজেন বেদশিংগী মশিং অদু ১১,৭০০ য়ৌরগনি।
• ছত্তিসগর: ছত্তিসগরদা কোবিদ-১৯গী অপুনবা মশিং অদু ৫০,০০০গী তাঙ্কক লানখ্রে অমসুং অনৌবা কেস ২,৫৪৫ থেংনখিবগা লোইননা ৫০,১১৪ য়ৌখ্রে। রাজ্য অসিদা লাইচৎ অসিনা মরম ওইরগা শিখিবগী অপুনবা মশিং অদু ৪০৭ শুখ্রে, রাজ্য আসিদা এক্তিব কেসশিংগী মশিং অসি ২৬,৯১৫ শুখ্রে। থেংনখিবা কেসশিং অদুগী ৪০%দি খুঙ্গংগী লমশিংদগীনি।
• অরুনাচল প্রদেশ: অরুনাচল প্রদেশতা কোবিদ-১৯গীদমক্তা মীওই ২২১ অমুক পোজিতিব ওইবা থেংনকি অমসুং রাজ্য অসিদা অমা অমুক শিখিবা থেংনখি। এক্তিব কেস ১৬৭০ অমসুং ফগৎলকপগী চাং অসি ৬৯.৪২%নি। হৌজিক ফাওবদা কোবিদ-১৯না মরম ওইরগা মীওই ৯ লৈখিদ্রে।
• অসাম: অসামদা ঙরাং কোবিদ-১৯গীদমক্তা মীওই ২৫৭৯ পোজিতিব ওইবা থেংনখি অমসুং মীওই ২১৬৬ দিসচার্জ তৌখ্রে। অপুনবা কেস ১,৩০,৮২৩, এক্তিব ২৯,২০৩ অমসুং পুন্না ১০১২৩৯ দিসচার্জ তৌখ্রে।
• মনিপুর: মনিপুর কোবিদ-১৯গীদমক্তা মীওই ৯৬ অমুক পোজিতিব ওইবা থেংনখি অমসুং চাদা ৭৬ চাংদা ফগৎলকখিবগা লোইননা ১২৬ ফখ্রে। এক্তিব কেস ১৬৭৯ লৈরি।
• মিজোরাম: মিজোরামদা ঙরাং কোবিদ-১৯গী অনৌবা কেস ৬৯ কনফর্ম তৌখ্রে। অপুনবা কেস ১১৯২, এক্তিব কেস ৪৪৭ অমসুং হৌজিক ফাওবদা পেসেন্ত ৭৪৫ ফখ্রে।
• নাগালেন্দ: নাগালেন্দদা, দিমাপুর দি.সি.না গুদস অমসুং পেসেঞ্জর গারীশিংগীদমক্তা সেফতী গাইদলাইনশিং থোকখ্রে। রাজ্য অসিগী পোজিতিব কেস ৪২৪৫গী তোখাইনা খাইদোকপাদা: আর্মদ ফোর্সশিংদগী কেস ১৮২৩, হল্লকপশিংদগী ১৩১২, ফ্রন্তলাইন ৱার্করশিংদগী ৩০৯ অমসুং ত্রস তৌখিবা কন্তেক্তশিংদগী ৮০১।
• কেরলা: রাজ্যগী হেল্থ দিপার্তমেন্তনা মল্লাপুরম, কাসরগোদ, থিরুৱানন্থপুরম অমসুং এর্নাকুলমগী জিলাশিংদা কোবিদ-১৯গী তেস্ত তৌবা হেনগৎনবা ৱারেপ লৌখ্রে। রাজ্য অসিদা অনৌবা কেস ৩,০২৬ লৈখিবগা লোইননা এক্তিব কেসশিংগী অপুনবা মশিং অদু ২৩,২১৭ য়ৌখ্রে, মসিগা লোইননা কেরলাগী কোবিদ কেসশিংগী মশিং অদু অনিরকশুবা ওইনা ঙরাং ৩০০০ হেনখি। রাজ্য শিনবা থুংনা য়াম্লবা মীওই লাখ ১.৯৮ ওবজার্ভেশন তৌদুনা লৈরি। ওফিসিয়েল ওইনা শিখিবশিংগী মশিং অসি ৩৭২দা হেগৎখ্রে।
• তামিল নাদু: চেন্নাই মেত্রো অসি মীয়ামদগী হায়জরকখিবা অদু য়েংলগা শগোলশেল নুমিত্তগী নুমিদাংগী পুং ৯ ফাওবা শাংদোকখ্রে; মমাংদা জুন ফাওবগী মনুংদা শঙ্গগদবা মেত্রোগী ফেজ-১ এক্সতেন্সন অদু কোবিদ-১৯ লাইচৎ অসিনা মরম ওইরগা থবক লেপলুবদগী দিসেম্বর ফাওবদা লোইশিল্লগনি। আলন্দুংদা লৈবা দিভিজন মরি চেন্নাইগী অনৌবা হোৎস্পোৎশিং ওইরি; চেন্নাইদা অলন্দুংরনা এক্তিব কেসশিংগী মশিং খ্বাইদগী হেন্না য়াম্না লৈ, নিংথৌকাবা ফাওবদা চাদা ১৩ ওইখি। ঙরাং অনৌবা কেস ৫৬৮৪ লৈখি, ৬৫৯৯ দিসচার্জ তৌখি অমসুং ৮৭ শিখিবগী পাউ লৈখি। তি.এন.দা থেংনখিবা অপুনবা কেসশিং: ৪,৭৪,৯৪০; এক্তিব কেসশিং: ৫০,২১৩; শিখিবশিং: ৮০১২; দিসচার্জ তৌখিবশিং: ৪,১৬,৭১৫; চেন্নাইদা লৈরিবা এক্তিব কেসশিং: ১১,০২৯।
• কর্নাতকা: উপ মুখ্য মন্ত্রী, দিপার্তমেন্ত ওফ ইলেক্ত্রোনিক্স অমসুং আই.তি.গী মন্ত্রীসু ওইরিবা, দা. সি.এন. আশ্বথা নরায়ন্না ঙসি কোবিদ-১৯ লাইচৎ অসিবু লাকশিনবদা মতেং পাংগদবা প্রোদক্ত ২২ লোঞ্চ তৌখ্রে। মসিগী মনুংদা প্রোদক্ত ৬তি কর্নাতকা ইন্নভেশন এন্দ তেক্নোলোজী সোসাইতী (কে.আই.তি.এস.)গী লমজিং-লমতাক মখাদা বেঙ্গলুরু বায়ো-ইন্নোভেশন সেন্তর (বি.বি.সি.)না য়েংশিনখি অমসুং প্রোদক্ত ১৬ অমনা অতোপ্পনা য়েংশিনখি। স্পীকর ৱিশ্বেশ্বর হেগদে কাগেরিনা আয়খি মদুদি সেপ্তেম্বর ২১দগি হৌগদবা লেজিস্লেতিব সেশন অসিদা শরুক য়াগদবশিংনা কোবিদ তেস্ত অসি তঙাইফদনা তৌগদবনি।
• অন্ধ্র প্রদেশ: কোবিদ-১৯ লাইয়েংবগী থৌওং অসি থুজিন্নবগীদমক্তা, অন্ধ্র প্রদেশ সরকারনা প্লাস্মা দোনেশন দ্রাইব হৌদোকখ্রে, মসিগী শরুক অমা ওইনা এলিজিবল ওইবা ফখ্রবা পসেন্তশিংগী দেতাবেস অমা নীথিনা থমখি। অতোপ্পশিংসু থৌগৎনবা দোনর খুদিংমক্ত লুপা ৫,০০০ পীরগনি। হৌজিক-হৌজিক রাজ্য অসিদা পোতেন্সিয়েল প্লাস্মা দোনর ৩৭,০০০ লৈরি অমসুং মখোয়গী অয়াবা লৌনবগী প্রোসেসসু মখাতানা চত্থরি। রাজ্য অসিনা নুমিৎ খুদিংগী কোবিদ-১৯ তেস্ত ৬৫,০০০দগীনা ৭০,০০০ ফাওবা পাংথোক্লি অমসুং চানা-থক্নবা , লৈফম , হিদাক-লাংথকশিং অমসুং তেস্তশিং য়াওনা কোবিদকা মরী লৈনবা এরেঞ্জমেন্তশিংগীদমক্তা চাউরাক্না নোংমদা লুপা করোর ১৫ চাদিং তৌরি।
• তেলঙ্গানা: হৌখিবা পুং ২৪দা অনৌবা কেস ২৪৭৯ থেংনখি, ২৪৮৫ ফকি অমসুং ১০ শিখিবগী পাউ লৈখি; কেস ২৪৭৯গী মনুংদা জি.ঐচ.এম.সি.দগী কেস ৩২২ থেংনখি। অপুনবা কেসশিং: ১,৪৭,৬৪২; এক্তিব কেসশিং: ৩১,৬৫৪; শিখিবশিং: ৯১৬; দিসচার্জ তৌখিবশিং: ১,১৫,০৭২। ওস্মানিয়া জেনরেল হোসপিতালগী জুনিয়র দোক্তরশিংনা বেসিক এমেনিতীশিং খুদম ওইনা ভাইতলশিং অমসুং ওক্সিজেন সপ্লাই য়েংনবা পোস্ত ওপরেতিব ৱার্দশিংদা মোনিতরশিং থম্নআ মখোয়গী দিমান্দশিং অদু পীদ্রবফাওবা মতম কক্তনা ও.পি.দি., ইলেক্তিব সর্জরীশিং অমসুং ৱার্দ দ্যুতিশিং বোইকোত তৌখ্রে। সি.এম. কে.সি.আর.না কোর্পোরেত সেক্তরদা কোবিদ লাইয়েংবা অদু য়েংশিন্নবা তাস্ক ফোর্স লাউথোকখ্রে।
*****
(Release ID: 1652782)
Visitor Counter : 228