কেমিকেল অমসুং ফর্তিলাইজর মন্ত্রালয়গী মখাদা লৈবা সেন্ত্রেল ইন্সতিত্যুৎ ওফ পেত্রোকেমিকেল ইঞ্জিন্যারিং অমসুং তেক্নোলোজী (এস.আই.পি.ই.তি.)না ভগলপুর (বিহার) অমসুং বরানাসি (য়ু.পি.)দা স্কিলিং অমসুং তেক্নিকেল সপ্পোর্ত- সি.এস.তি.এস.কী অনৌবা সেন্তর অনি অথুবা মতমদা হাংদোক্লগনি।

কেমিকেল অমসুং পেত্রোকেমিকেলকী সেক্রেতরী শ্রী আর.কে. চতুরবেদিনা সেন্তর অমমমদা চহি খুদিংগী ওইনা দিপ্লোমা অমসুং স্কিল দিবেলপমেন্ত প্রোগ্রামগী খুত্থাংদা নহা ১০০০দা ত্রেনিং পীদুনা পেত্রোকেমিকেলস অমসুং মরী লৈনবা ইন্দস্ত্রীশিংদা থবক ফংহনবদা তেংবাংগনি হায়খ্রে।

সেন্তরশিং অসিনা পীগদবা তেক্নিকেল সপ্পোর্ত সর্বিসশিং অসিনা মফম অসিদা হান্ননা লৈরিবা ইন্দস্ত্রীশিং চাউখৎহনবা অমসুং অনৌবা ইন্দস্ত্রীশিং শেমগৎপদা তেংবাংবতা নত্তনা খোঙজেলসু য়াঙহনগনি।

হৌজিক্কী ওইনা এস.আই.পি.ই.তি.গী লৈবাক শিনবা থুংবগী পোলীমর অমসুং মরী লৈনবা ইন্দস্ত্রীশিংদা তঙাই ফদবশিং পীনবা থবক তৌরিবা সেন্তর ৪৩ লৈরি অমসুং সেন্তর ৯ অমা শেম-শাবগী থবক চত্থরি। ইন্সতিত্যুসন অসিনা লৈবাক অসিগী সেবা তৌরকপগী মশক থোকপা চহি ৫০ শুখ্রে। হৌজিক হৌজিক্কী ওইনা ইন্সতিত্যুসন অসিগী স্কিলিং অমসুং তেক্নোলোজী সপ্পোর্ত সেন্তর (সি.এস.তি.এস.) ৩১ লৈরি অমসুং মখোয়না পোলীমর সাইন্স, ইঞ্জিন্যারিং অমসুং তেক্নোলোজীগী হীরমদা দিপ্লোমা, পি.জি. দিপ্লোমা অমসুং স্কিল দিবেলপমেন্ত প্রোগ্রাম কয়া শিন-লাঙলি।

এস.আই.পি.ই.তি.না স্কিল ইন্দিয়া, মেক ইন ইন্দিয়া, স্বচ্ছ ভারত অভিয়ান, স্তেন্দ অপ ইন্দিয়া, স্তার্ত-অপ ইন্দিয়া অমসুং দিজিতেল ইন্দিয়ানচিংবা ভারত সরকারগী তোঙান তোঙানবা খোঙথাং কয়াদা থৱাই য়াওনা তেংবাংলি।

এস.আই.পি.ই.তি.গী এলুম্নিদা মহৈরোয় লাখ ১ হেন্না লৈ অমসুং মসিদগী মাই পাকখিবাশিংনা এলম্নি অসিদা চহি খুদিংগী চাং নাইনা য়াওরি। এস.আই.পি.ই.তি.না মালেমদা মফম কনবা, মরু ওইবা ফম পায়বা অমসুং ওন্তোপ্রিনর ওইবা কয়া পুথোকপা ঙম্বা অসি মসিগী মগুন অমনি।

***