ঙাকশেল মন্ত্রালয়

হৌজিক্কী ফিভমঃ নোংপোক লদাখতা হৌজিক ওইরিবা ফিভম

Posted On: 08 SEP 2020 10:49AM by PIB Imphal

ভারতনা নাকল অমদা এল.এ.সি.দা হৌজিক ওইরিবা ফিভম অসি তপথহন্নবা হোৎনরিঙৈদা চাইনানা থৌদোক চাউখৎহনলক্নবা থবক পায়খৎপা লেপ্ত্রি।

ইন্দিয়ন আর্মীনা মতাং অমত্তদা নোঙমৈ কাপ্পা য়াওনা এল.এ.সি.দা লম খোপচিনবা অমসুং খৎনবা হৌবগী থবক অমা পাঙথোক্লক্ত্রি।

মিলিতরী, দিপ্লোমেতিক অমসুং রাজনিতীগী থাক্তা ৱারী শাবগী থবক কন্না চত্থরিঙৈ তাঞ্জা অসিদা য়ানবা কয়াবু ইন্দনা থৌওং উৎশিত্তবগী মওংদা খৎনবা হৌবগী থবক তৌরিবসি পি.এল.এ.নি। সেপ্তেম্বর ৭, ২০২০দা হন্দক্তা থোকখিবা থৌদোক অদুদসু এল.এ.সি.দা লৈরিবা ঐখোয়গী পোস্ত অমদা পি.এল.এ.না চঙশিল্লকপা থীংবদা মখোয়না ঐখোয়গী লান্মীশিংদা খৎনবা হৌবা ওইনা নোঙথক্তা নোঙমৈ রাউন্দ কয়া কাপখি। অদুবু অসিগুম্বা মওংদা কায়হৌরক্লবসু ঐখোয়গী লান্মীশিংনা অখাং কনবা অমসুং ৱাখল লৈবা মওংদা খাঙদুনা লৈখি।

ইন্দিয়ন আর্মীদি শান্তি অমসুং তংদু লৈতাবগী মওং ঙাক্নবা খোঙফম চেৎনা লৈরি অদুবু লৈবাক অসিগী অপুনবা ঙাক্নবগী ওইনদি মতম পুম্বদা শেম শাদুনা লৈরি। ৱেস্তর্ন থীএতর কম্মান্দনা ফোঙদোকখিবা ৱাফম অসি মখোয়গী অমসুং মালেমগী মীয়াম্বু লান্না লমজিংনবা থৌওং অমনি।

*****



(Release ID: 1652217) Visitor Counter : 106