হয়েং সেপ্তেম্বর ৮গী নুমিৎয়ুংবা মতুং পুং ৪.৩০ (ভারতকী মতম)দা ইন্তর্নেস্নেল সোলর এল্লাইন্সনা শীনবা অহানবা ৱর্ল্দ সোলর তেক্নোলোজী সম্মিৎ (দবল্যু.এস.তি.এস.) হৌদোক্নবা থৌরাং তৌবা লোইরে। ভর্চুএল সম্মিৎ অসিদা লৈবাক ১৪৯দগী মীওই ২৬০০০ শরুক য়াগনি অমসুং মমল হোংবা অমসুং তুংকোইনা চৎনগদবা মৈখু চেন্দবা ইনর্জী ফংহন্নবা অমসুং সোলর পাৱরগী লমদা খ্বাইদগী নৌবা তেক্নোলোজীশিংগী মতাংদা খন্ন-নৈগনি।

হৌদোকপগী থৌরমদা আই.এস.এ. এসেম্বলীগী প্রসিদেন্ত অমসুং ভারতকী ন্যু অমসুং রিন্যুএবল ইনর্জী মিনিস্তর আর.কে সিংহ, আই.এস.এ. এসেম্বলীগী কো-প্রসিদেন্ত অমসুং ফ্রান্সকী ইকোলোজিকেল ত্রান্সিসন মিনিস্তর বারবারা পোম্পিলী, অফ্রিকা,এসিয়া, পেসিফিক অমসুং লেতিন অমেরিকা অমসুং কারাবিয়ান রিজনগী ভাইস প্রসিদেন্তশিং ৱা ঙাংগনি। ভারত সরকারগী প্রিন্সিপাল সাইন্তিফিক এদভাইজর প্রোফেসার কে. বিজয় রাগবন হৌদোকপা থৌরমদা শরুক য়াগনি।

ইন্তর্নেস্নেল সোলর এল্লাইন্সকী মেম্বর লৈবাকশিংগী মিনিস্তরশিং, অৱাংবা থাক্কী মীহুৎশিং, সরকারগী সেনিয়র ওফিসিএলশিং, দিপ্লোমেতিক মিসনশিংগী মীহুৎশিং, আই.এস.এ.গী মরূপশিং, ইন্দস্ত্রীগী লুচিংবশিং, সোলর প্রোজেকশিং পায়খৎলিবশিং, সোলরগী খুৎলায় শাবশিং, রিসর্স অমসুং দিবেলপমেন্তকী ইন্সতিত্যুৎশিং, থিং তেঙ্কশিং, সিবিল সোসাইতী, মালেমগী লুপশিং, দোনরশিং, এন.জি.ও.গী মীহুৎশিং, অখঙ-অহৈশিং, রিসর্স অমসুং ত্রেনিংগী ইন্সতিত্যুৎশিং, মালেমগী মীদিয়া অমসুং লৈবাক কয়াগী এজেন্সীশিং শরুক য়াগনি।

হৌদোকপগী থৌরমদা লিথিয়ম আইওন বেত্তরীশিং পুথোকপগীদমক ২০১৯দা কেমিস্ত্রীদা নোবেল প্রাইজ ফংলবা নোবেল লোরেত, দোক্তর এম. স্তেনলী ৱিতিংহাম (জোন বি. গুদেনফ অমসুং একিরা য়োসিনোগা পুন্না ফংমিন্নখিবা)না মরুওইবা ৱারোল পীগনি। সোলর ইমপ্লস ফাউন্দেসন, স্বিজরলেন্দগী ফাউন্দর অমসুং চেয়রমেন বর্নাদ পিকার্দনা মীয়ামদা ৱা ঙাংগনি।

হৌদোকপা থৌরমদা ভারতকী পেত্রোলিয়ম অমসুং নেচরেল গ্যাস মিনিস্তর ধর্মেন্দ্র প্রধান ৱা ঙাংগনি।

আই.এস.এ. এসেম্বলীগী প্রসিদেন্ত আর.কে সিংহ অমসুং আই.এস.এ. এসেম্বলীগী কো-প্রসিদেন্ত বারবারা পোম্পিলীনা প্রসিদেন্ত অমসুং কো-প্রসিদেন্তগী ৱারোল পীগনি অমসুং সি.ই.ওশিংগা লোয়ন্না মরুওইবা ৱাফমশিং খন্ন-নৈনবা হৌদোক্কনি অমসুং তুংদা তেক্নিকেল সেসন মরি পাংথোক্কনি। য়ুরোপিয়ন কমিসনগী প্রসিদেন্তগী মহুৎশীল্লিবা য়ুরোপিয়ন কমিসনগী ইনর্জী কমিস্নর, কাদ্রী সিম্পসন্না সম্মিৎ অসিদা মরুওইবা পাউজেল অমা পীগনি।

হৌদোকপা থৌরমদা মরুওইবা ৱাফমশিং খন্নগনি অমসুং ইন্তর্নেস্নেল ইন্সতিত্যুৎ ওফ রিফ্রিজেরেস, অনিসুবদা গ্লোবেল গ্রিন গ্রোথ ইন্সতিত্যুৎ অমসুং অহুমসুবদা নেস্নেল থর্মেল পাৱর কোর্পোরেসনগা আই.এস.এ.গা মরক্তা লৈনবা য়ানচেশিং লাওথোক্কনি। ভারতকী ন্যু অমসুং রিন্যুএবল ইনর্জী, ৱর্ল্দ বেঙ্ক অমসুং ইন্তর্নেস্নেল সোলর এল্লাইন্সকী মরক্তা নাকল অহুমগী য়ানচে অমসু খুৎয়েক পীনগনি। সাউথ ফ্লোরিদা য়ুনিভর্সিতীগী প্রোফেসর অমসুং ক্লিন ইনর্জী রিসর্স সেন্তরগী দিরেক্তর দোক্তর ধরেন্দ্র য়োগী গোশ্বামীনা সম্মিৎ মনুংদা আই.এস.এ.গী তেক্নোলোজী জর্নেল সোলর কম্পাস ৩৬০সু ফোঙগনি।

গ্লোবেল সি.ই.ও সেসন মতুংদা সোলর ইনর্জীগা অতোপ্পা রিন্যুএবল ইনর্জীশিংগা পুনশিন্নবা অমসুং ইনর্জী তুংশিন্নবা তুংকোইনা চৎনগদবা পাম্বৈশিং পুথোক্নবা থবকশিং পায়খৎলিবা মালেমগী খ্বাইদগী চাউবা কোর্পোরেসনশিংগী সি.ই.ও.শিংগী মরক্তা খন্ন-নৈনবা পাংথোক্কনি। তুংদা ওইরক্কদবা সোলর পি.ভি. তেক্নোলোজী অমসুং ২০৩০ অমসুং মসিগী তুংগী সোলর ইনর্জীগী পান্দমশিংগী মতাংদা পাংথোক্কদবা তেক্নিকেল সেসন মরিদা শক্নাইরবা অখঙ-অহৈশিং, সাইন্সতিস্তশিং, রিসর্স তৌরিবশিং অমসুং ইন্দস্ত্রীগী লুচিংবশিংনা শরুক য়াগনি।

ৱর্ল্দ সোলর তেক্নোলোজী সম্মিৎ লোইশিনবা থৌরমদা ইন্তর্নেস্নেল রিন্যুএবল ইনর্জী এজেন্সী (আই.আর.ই.এন.এ.) অমসুং ইন্তর্নেস্নেল ইনর্জী এজেন্সী (আই.ই.এ.)গী অৱাংবা থাক্কী মীহুৎ কাংবু শরুক য়াগনি। এসিয়া পেসিফিক লমদমগী মহুৎশীল্লিবা আই.এস.এ.গী ভাইস প্রসিদেন্ত, তোঙ্গাগী মিনিস্তর পাউসী মাতালী তৈ অমসুং সুদানগী মিনিস্তর ইং খাইরী অবদেলরামন অহমদনা মরুওইবা ৱারোল পীগনি। ভারতকী রেলৱেজ অমসুং কমর্স মিনিস্তর পিয়ুস গোয়লনা চীফ গেস্তকী ৱারোল পীগনি অমসুং পেত্রোলিয়ম অমসুং নেচরেল গ্যাস মিনিস্তর ধর্মেন্দ্র প্রধান্না লোইশিনবগী ৱারোল পীগনি। সেসন অদুদা এক্সতর্নেল এফেয়র্স মিনিস্ত্রীগী সেক্রেতরী, রাহুল ছাব্রা; পাৱর সেক্রেতরী এন.এন. সাহাই; ন্যু অমসুং রিন্যুএবল ইনর্জী সেক্রেতরী ইন্দু সেখর চাতুরবেদী শরুক য়াগনি। জি-৭ অমসুং জি-২০দা প্রধান মন্ত্রীগী সের্পা, সুরেস প্রভুনা সম্মিৎ অদুদা পাউজেল অমা পীগনি।

ফেদেরেসন ওফ ইন্দিয়ন চেম্বর্স ওফ কমর্স এন্দ ইন্দস্ত্রী (এফ.আই.সি.সি.আই.)না আই.এস.এ. গ্লোবেল লিদরসিপ তাক্স ফোর্স ওন ইন্নোবেসনগী কনভেনর ওইনা আই.এস.এ.গা লোয়ন্না সম্মিৎ অসি শীনবনি।

মীফম অসিগী থৌরম পুম্নমক লোন মরি হায়বদি: ইংলিস, স্পেনিস, ফ্রেঞ্চ অমসুং অরাবিক্তা তাবা ফংগনি। থৌরম অসি আই.এস.এ.গী য়ু ত্যুব চেনেলদা লাইবস্ত্রিম তৌগনি। মসি এফ.আই.সি.সি.আই. য়ু তুব চেনেলদসু ফংগনি।

*****