লৈবাক অসিদা নোংমদা কোবিদ-১৯ নাবা মীওইশিং নাবা ফগৎলকপা মখা তানা হেনগৎলক্লি। থংনা-থংননা নুমিৎ নিনিশুবা ওইনা, ভারতনা নোংমা খক্তদা মীওই ৭০,০০০ হেন্না ফগৎখিবগী রিকোর্দ থম্বা ঙমখ্রে।

হৌখিবা পুং ২৪দা অনবাবা মীওই ৭৩,৬৪২ ফগৎখ্রে অমদি হোম/ফেসিলিতী আইসোলেসন তৌবদগী নত্রগা হোস্পিতালশিংদগী দিসচার্জ তৌখ্রে।

ঙসি ফগৎখিবশিংগী অপুনবা মশিং অসি লাখ ৩২ (৩১,৮০,৮৬৫)কী ময়া য়ৌখ্রে।

নোংমদা নাবা ফগৎলক্লিবা মীওইশিংগীগী মশিং হেনগৎলকপগা লোয়ননা, ভারতকী নাবা ফগৎলকপগী চাং অসি মথক কাখৎলক্তুনা ৭৭.৩২% য়ৌখ্রে।

কেন্দ্র অমদি রাজ্য/য়ু.তি. সরকারশিংগী খুদোংথিবা থেংননবা লৌখৎলিবা খোঙথাংশিং অসিনা তেস্ত চাং য়াম্না ৱাংনা তৌবগী খুত্থাংদা লায়না অসি নাবা হৌরকপা মতমদা মীশিং য়াম্না খঙদোকপা ঙমখ্রে। মসিনা হোম/ফেসিলিতী আইসোলেসন তৌবা অমসুং হোস্পিতালদা লায়েংলিবশিং অনিমক্তা স্তেন্দর্দ ত্রীৎমেন্ত প্রোতোকল ঙাক্তুনা মতম চানা লায়েংবা ঙমহল্লি। কেন্দ্রনা এম্স, নই দিল্লীগা চুংশিন্নদুনা লৈবাক অসিগী দেদিকেতেদ কোবিদ হোস্পিতালশিংদা লৈবা আই.সি.বু. দোক্তরশিংগী ক্লিনিকেল মেনেজমেন্ত স্কিলশিং লেপ্তনা হেনগৎহন্নবা প্রোসেস লৌখৎলি। খোঙথাংশিং অসিনা পুন্সি কয়া কনবা ঙমখ্রে। ভারতকী কেস ফেতেলিতী রেৎ অসি মালেমগী ওইনা খ্বাইদগী নেম্বা ওইরি অমদি মখা তানা হন্থরক্লি। ঙসি মসি ১.৭২% ওইখি।

মসিনা এক্তিব কেসলোদ (৮,৬২,৩২০) ওইদুনা হৌজিক ফাওবগী অপুনবা পোজিতিব কেসকী ২০.৯৬% খক্তমক ওইরি।

তেক্নিকেল ইসু, চৎন-কাংলোন অমদি পাউতাক্কী ৱারোলশিংগা মরী লৈনবা কোবিদ-১৯গী মতাংদা অচুম্বা অমদি অনৌবা ৱাফমশিংগীদমক চাং নায়না চঙবিয়ু: https://www.mohfw.gov.in/ and @MoHFW_INDIA

কোবিদ-১৯গা মরী লৈনবা তেক্নিকেল ওইবা ৱাহংশিং technicalquery.covid19[at]gov[dot]in দা অমদি অতোপ্পা ৱাহংশিংনা ncov2019[at]gov[dot]in অমদি @CovidIndiaSeva দা থারকপা য়াগনি‍।

কোবিদ-১৯গী মতাংদা হংবিনিংবা লৈরগনি, হকশেল অমদি য়াইফ-য়ুম্বাল মন্ত্রালয়গী তেংবাং নম্বরদা কোল তৌবিয়ু: +91-11-23978046 নৎত্রগা 1075 (তোল ফ্রী). কোবিদ-১৯গী মতাংদা স্তেত/য়ু.তি.শিংগী তেংবাং নম্বরশিংগী লিস্ত ফংফম https://www.mohfw.gov.in/pdf/coronvavirushelplinenumber.pdf

*****