نئی دہلی،  4 /ستمبر 2020 ۔ وزیر اعظم جناب نریندر مودی نے 71 آر آر (ریگولر ریکروٹ، 2018 بیچ) کے انڈین پولیس سروس (آئی پی ایس) افسروں کے ساتھ ان کے دکشانت پریڈ کے موقع پر تبادلہ خیال کیا۔ اس دکشانت پریڈ کا انعقاد مثالی سردار ولبھ بھائی پٹیل نیشنل پولیس اکیڈمی (ایس وی پی این پی اے)، حیدرآباد میں آج ویڈیو کانفرنسنگ کے ذریعے کیا گیا۔ مرکزی وزیر داخلہ جناب امت شاہ نے بھی ویڈیو کانفرنسنگ کے ذریعے اس پریڈ میں حصہ لیا۔

اس موقع پر شرکت کے لئے وزیر اعظم کے تئیں اظہار تشکر کرتے ہوئے جناب امت شاہ نے کہا کہ ان کی متاثر کن تقریر سے نوجوان افسروں کی حوصلہ افزائی ہوگی اور انھیں اس بات کی رہنمائی ملے گی کہ کیسے عوام اور پولیس کے تعلقات کو مضبوط کیا جائے۔

دکشانت پریڈ کے موقع پر جوان آئی پی ایس افسروں کو اپنی نیک خواہشات پیش کرتے ہوئے مرکزی وزیر داخلہ جناب امت شاہ نے اپنے ٹوئیٹ میں کہا کہ  میری دعا ہے کہ یہ اپنی سکیورٹی اور انٹیگریٹی کو یقینی بناتے ہوئے پوری تندہی کے ساتھ ملک کی خدمت کریں۔ مجھے بھروسہ ہے کہ اس سروس کے تئیں ان کی عہدبستگی سے ہمارے جوانوں کو انڈین پولیس سروس میں شمولیت اختیار کرنے کی تحریک ملے گی۔

وزیر اعظم اور مرکزی وزیر داخلہ کے علاوہ امور داخلہ کے مرکزی وزیر مملکت جناب جی کشن ریڈی اور مرکزی داخلہ سکریٹری جناب اجے بھلا نے بھی ویڈیو کانفرنسنگ کے ذریعے آج کے دکشانت پریڈ میں الگ سے شرکت کی۔

گزشتہ برس 7 اکتوبر کو مرکزی وزیر داخلہ نے نئی دہلی میں ایک رسمی تبادلہ خیال کے دوران اس بیچ کے زیر تربیت افسروں سے خطاب کیا گیا تھا۔ اس موقع پر جناب امت شاہ نے جوان آئی پی ایس زیر تربیت افسروں کی حوصلہ افزائی کی تھی کہ وہ ایک ایسی سروس کا جزو بننے پر فخر محسوس کریں جو لوگوں کے تحفظ اور ان کی سلامتی کو یقینی بنانے کے لئے مسلسل کام کررہی ہے۔ مرکزی وزیر داخلہ نے اس بات کو اجاگر کیا تھا کہ پولیس کے بارے میں عوام کے تصور میں مثبت تبدیلی لانے کی ضرورت ہے۔

131 زیر تربیت افسروں نے اکیڈمی میں 42 ہفتوں پر مشتمل اپنی بیسک کورس فیز-I ٹریننگ مکمل کی، ان میں 28 خاتون زیر تربیت افسران شامل ہیں۔ انھوں نے لال بہادری شاستری نیشنل اکیڈمی آف ایڈمنسٹریشن (ایل بی ایس، این اے اے)، مسوری اور ڈاکٹر مری چنا ریڈی ایچ آر ڈی انسٹی ٹیوٹ آف تلنگانہ، حیدرآباد میں آئی اے ایس، آئی ایف ایس خدمات سے وابستہ دیگر افراد کے ساتھ اپنا فاؤنڈیشن کورس مکمل کرنے کے بعد 17 دسمبر 2018 کو اکیڈمی جوائن کی تھی۔

سردار ولبھ بھائی پٹیل نیشنل پولیس اکیڈمی (ایس وی پی  این پی اے) میں بیسک کورس ٹریننگ کے دوران زیر تربیت افسروں کو متعدد انڈور اور آؤٹ ڈور موضوعات کی ٹریننگ دی جاتی ہے، جن میں قانون، تفتیش، فارینسک، لیڈرشپ اور مینجمنٹ، علم جرائم، عوامی نظم و نسق اور داخلی سلامتی، اخلاقیات اور انسانی حقوق، پولیسنگ کا جدید بھارتی طریقہ، فیلڈ کرافٹ اور فن تدبیرات، اسلحے کی ٹریننگ اور فائرنگ شامل ہیں۔

******

م ن۔ م م۔ م ر

U-NO. 5084