য়ুমলৈ-কৈরৈ মন্ত্রালয়
কেন্দ্রগী য়ুম্লৈ-কৈরৈ মন্ত্রী শ্রী অমিৎ শাহনা ৭১ আর.আর. (রিগুলার রিক্রুইৎ, ২০১৮ বেৎচ)কী ইন্দিয়ন পুলিস সর্বিস (আই.পি.এস.) ওফিসরশিংবু মখোয়গী দিকশন্ত পেরেদতা য়াইফ মঙ্গোল পীখ্রে
প্রধান মন্ত্রী শ্রী নরেন্দ্র মোদীনা থৌরম অসিদা ভিদিও কনফরেন্সিংগী খুথাংদা আই.পি.এস. ওফিসরশিং অসিগা ৱারী শানখি
প্রধান মন্ত্রী শ্রী নরেন্দ্র মোদীবু থাগৎপা ফোংদোকচরদুনা শ্রী অমিৎ শাহনা হায়খিঃ "প্রধান মন্ত্রী মোদীগী ইত্থিল পীনিংঙাই ওইরবা ৱাহৈশিং অসিনা নহা ওইরিবা ওফিসরশিংগী থৌনা হাপ্লগনি অমসুং মখোয়বু পুলিস অমসুং মীয়ামগী মরী অসি ফগৎহনগদগে হায়দুনা লমজিংবীরগনি।"
"আই.পি.এস. ওফিসরশিং অসিনা লৈবাক অসিগী সেক্যুরিতী অমসুং ইন্তিগ্রিতী ঙাক্না কত্থোকপগা লোইননা মথৌ তৌবা ঙম্বা ওইরসনু": কেন্দ্রগী য়ুম্লৈ-কৈরৈ মন্ত্রী
"ঐহাক্না থাজৈ মদুদি মখোয়গী থবক্তা পুক্নিং লুপ্পনা ঐখোয়গী নহাশিংবু ইন্দিয়ন পুলিস সর্বিস্তা চঙহন্নিংবগী ইথিল পীরগনি": কেন্দ্রগী য়ুম্লৈ-কৈরৈ মন্ত্রী
কেন্দ্রগী য়ুমৈ-কৈরৈ মন্ত্রী শ্রী অমিৎ শাহ, এম.ও.এস. শ্রী জি. কিশেন রেদ্দী অমসুং কেন্দ্রগী য়ুম্লৈ-কৈরৈ সেক্রেতরী, শ্রী অজয় ভাল্লাসু পেরেদ অদুদা ভিদিও কনফরেন্সিংগী খুথাংদা শরুক য়াখি
Posted On:
04 SEP 2020 3:10PM by PIB Imphal
প্রধান মন্ত্রী শ্রী নরেন্দ্র মোদীনা ভিদিও কনফরেন্সিংগী খুথাংদা মমিং লৈরবা সর্দার ভল্লভভাই পতেল নেসনেল পুলিস একাদেমী (এস.ভি.অই.এন.পি.এ.), হাইদেরবাদতা আই.পি.এস. ওফিসরশিং ৭১ আর.আর. (রিগুলার রিক্রুইৎ, ২০১৮ বেৎচ)কী ইন্দিয়ন পুলিস সর্বিস (আই.পি.এস.) ওফিসরশিংবু মখোয়গী দিকশন্ত পেরেদতা ৱারী শানখি। কেন্দ্রগী য়ুম্লৈ-কৈরৈ মন্ত্রী শ্রী অমিৎ শাহসু পেরেদ অদুদা ভিদিও কনফরেন্সিংগী খুথাংদা শরুক য়াখি।
প্রধান মন্ত্রী শ্রী নরেন্দ্র মোদীবু থৌরম অদুগী অথোইবা মিথুংলেন ওইবীবগীদমক থাগৎপা ফোংদোকচরদুনা শ্রী অমিৎ শাহনা হায়খিঃ "প্রধান মন্ত্রী মোদীগী ইত্থিল পীনিংঙাই ওইরবা ৱাহৈশিং অসিনা নহা ওইরিবা ওফিসরশিংগী থৌনা হাপ্লগনি অমসুং মখোয়বু পুলিস অমসুং মীয়ামগী মরী অসি ফগৎহনগদগে হায়দুনা লমজিংবীরগনি।"
আই.পি.এস. ওফিসরশিংবু মখোয়গী দিকশন্ত পেরেদতা য়াইফ মঙ্গোল পীরদুনা কেন্দ্রগী য়ুম্লৈ-কৈরৈ মন্ত্রী শ্রী অমিৎ শাহনা মহাক্কী ত্বীৎ অমদা হায়খি, "লৈবাক অসিগী সেক্যুরিতী অমসুং ইন্তিগ্রিতী ঙাক্না কত্থোকপগা লোইননা মখোয়না মথৌ তৌবা ঙম্বা ওইরসনু। ঐহাক্না থাজৈ মদুদি মখোয়গী থবক্তা পুক্নিং লুপ্পনা ঐখোয়গী নহাশিংবু ইন্দিয়ন পুলিস সর্বিস্তা চঙহন্নিংবগী ইথিল পীরগনি।"
প্রধান মন্ত্রী অমসুং কেন্দ্রগী য়ুমৈ-কৈরৈ মন্ত্রীদা নত্তনা য়ুম্লৈ-কৈরৈগী রাজ্যগী মন্ত্রী ওইরিবা শ্রী জি. কিশেন রেদ্দী অমসুং কেন্দ্রগী য়ুম্লৈ-কৈরৈ সেক্রেতরী, শ্রী অজয় ভাল্লাসু পেরেদ অদুদা ভিদিও কনফরেন্সিংগী খুথাংদা তোঙান্না শরুক য়াখি।
হৌখিবা চহীগী ওক্তোবর ৭তা কেন্দ্রগী য়ুম্লৈ-কৈরৈ মন্ত্রীনা নই দিল্লীদা ফোর্মেল ইন্তরেক্সন অমদা বেৎচ অসিগী প্রোবেসনরশিংদা ৱা ঙাংখি। থৌরম অদুদা শ্রী অমিৎ শাহনা নহা ওইরিবা আই.পি.এস. প্রোবেসনরশিংবু মীয়াম্বু শোই ঙামদনবা অমসুং চেকশিন্না থম্বীনবা লেপ্পা লৈতনা হোৎনরিবা সর্বিস অসিগী শরুক অমা ওইবা ঙমজবা অসিদা চাউথোকচগদবনি হায়না পুক্নিং থৌগৎখি। পুলিস হায়বসিদা মীয়াম্না খল্লিবা ৱাখল্লোন অসি অফবা মাইকৈদা পুরক্নবা হোৎনবগী তঙাইফদবা অমা লৈরিবসিবুসু য়ুম্লৈো-কৈরৈ মন্ত্রী অসিনা পুথোকখি।
আই.পি.এস. প্রোবেসনর ১৩১গী মনুংদা নুপী প্রোবেসনর ২৮ য়াওনা একাদেমী অসিদা বেসিক কোর্স ফেজ-১ ত্রেনিংগী চয়োল ৪২ মপুং ফাখিবনি। মখোয়না একাদেমী অসিদা দিসেম্বর ১৭, ২০১৮দা লাল বহাদুর শাস্ত্রী নেসনেল একাদেমী ওব এদমিনিস্ত্রেসন (এল.বি.এস. এন.এ.এ.), মুসুরী অমসুং দা. মেরি চন্না রেদ্দী ঐচ.আর.দি. ইন্সতিত্যুৎ ওব তেলঙ্গানা, হাইদেরবাদতগী আই.এ.এস., আই.এফ.এস.নচিংবা অতোপ্পা সর্বিসশিংগা লোইননা ফাউন্দেসন কোর্স লোইশিল্লবা মতুংদা একাদেমী অসিদা চঙলকখিবনি।
এস.ভি.পি. এন.পি.এ.দা বেসিক কোর্সকী মনুংদা প্রোবেসনরশিং অসিদা লো, ইনভেস্তিগেসন, ফোরন্সিক, লিদর্শিপ অমসুং মেনেজমেন্ত, ক্রিমিনোলোজী, পব্লিক ওর্দর অমসুং ইন্তর্নেল সেক্যুরিতী, ইথিক, হ্যুমেন রাইৎ, মোদর্ন ইন্দিয়ন পোলিসিং, ফীল্দ ক্রাফ অমসুং তেক্তিক, ৱিপন ত্রেনিং অমসুং ফাইয়রিংগুম্বা ইন্দোর অমসুং আউৎদোর সবজেক্তশিংদা ত্রেনিং পীখি।
*****
(Release ID: 1651316)
Visitor Counter : 133