কেন্দ্রগী কমর্স অমসুং ইন্দস্ত্রীগী মন্ত্রী, শ্রী পিয়ুশ গোয়লনা ঙসি লৈবাক অসিগী গ্লোবল ত্রেদ, গ্রাউন্দ লেভেল সিচুৱেশন, অমসুং এক্সপোর্তরশিংনা মায়োক্নরিবা অৱাবশিং অদুগা মরী লৈনবা ইসুশিংঅদুগী মতাংদা তাথোক-তাশিন তৌনবা এক্সপোর্ত প্রোমোশন কাউন্সিলশিং (ই.পি.সি.শিং)গী ওফিস-ব্যররশিং উনখি। শ্রী গোয়লনা ই.পি.সি.শিংগা খন্ন-নৈনবা কয়া অমা চৎথখি, মরু ওইনা লোকদাউন তৌখিবদগী। কমর্স সেক্রেতরী দা. অনুপ ৱাধাৱন, দি.জি.এফ.তি. শ্রী অমিত য়াদভ অমসুং মন্ত্রালয় অসিগী অতোপ্পা সেনিয়র ওফিসরশিংসু মীফম অদুদা শরুক য়াখি।

মহাক্কী ৱাহৌদোক্তা, মন্ত্রীনা হায়খি মদুদি লৈবাক অসিগী এক্সপোর্তশিং অদুগা লোইন-লোইননা ইমপোর্তশিংনা পোজিতিব ত্রেন্দশিং উৎলি। এক্পোর্তশিং অদু লাইচৎ অসিনা মরম ওইরগা হনদক্কী চহিগী এপ্রিলদা খংহাই-হাইথরুরবা মতুংদগী মমাং চহিগী থাক অদু য়ৌরক্কদৌরে,। ইমপোর্তশিংগী মতাংদা অফবা অমদি লৈ মদুদি কেপিতল গুদস ইমপোর্তশিং অদু হন্থখিদে, অমসুং ইমপোর্ত্তা মরু ওইনা চ্রুদ, গোলদ অমসুং ফর্তিলাইজরশিংদা হন্থখিবা থেংনখি। মহাক্না মখা তাখি মদুদি ত্রেদ দিফিসিত অসি য়াম্না শাথিনা হন্থেরক্লি অমসুং ঐখোয়গী সপ্পাই চেন্না অখাং কনবা অমসুং ঐখোয়গী এক্সপোর্তরশিংগী নীংহন্নদবা অমসুং হোৎনবা কনবদগী, গ্লোবল ত্রেদতা ঐখোয়গী শেয়র অসি ফগৎলক্লি। মন্ত্রীনসু হায়খি মদুদি ঐখোয়না হেন্না রিলায়েবল ওইবা অমসুং হেন্না ফবা ত্রেদ দেতা  পুথোক্নবা হোৎনরি, মসিগী মতুং ইন্না লৈবাক অসিনা হেন্না ফবা প্লান্নিং অমসুং পোলিসীশিং ফ্রেম তৌবা ঙমগনি।

মন্ত্রীনা হায়খি মদুদি ফোকস মেন্যুফেকচরিং সেক্তর ২৪ মশক খঙদোক্লে, মখোয়শিং অসিদা এক্সপান্দ তৌবগী পোতন্সিয়েল লৈ, ওপরেশনশিংগী চাং হেনগৎহনগনি, ক্বালিতী ফগৎহনগনি অমসুংগ্লোবল ত্রেদ অমসুং ভেল্যু চেন্দা ভারতকী শেয়র হেনগৎহন্নগনি। মসিগী সেক্তরশিং অসিদা ইমপোর্ত সবস্তুত্যুশন অমসুং পুশ এক্সপোর্তশিং তৌনবা কেপাসিতী লৈ। মহাক্‌না হায়খি মদুদি ভারত অসি গ্লোবল ভেল্যু চেন্দা  থাজবা অমসুং অখাং-কনবা পার্তনর অমা ওইনা মালেম অসিদা উনরি। 

মর্চেন্দাইজ এক্সপোর্ত ফ্রোম ইন্দিবা স্কীম (এম.ই.আই.এস.)দা হন্দক লৈখিবা অহোংবশিং অদুগী ইসুগী মতাংদা, মন্ত্রীনা হায়খি মদুদি লুপা কোতি ২গী কেপ্পিং অসিনা স্কীম অসিগী মখাদা কান্নবা লৌরিবা এক্সপোর্তরশিং অদুগী ৯৮%দি মসিনা শোকহল্লোই। সরকার অসিনা এম.ই.আই.এস.গী মহুৎ শিন্নবা এক্সপোর্তরশিংগীদমক্তা এক্সপোর্ত প্রোদক্তস (আর.ও.দি.তি.ই.এফ.) স্কীম অদুদা দ্যুতীসিং নত্রগা তেক্সশিং হন্থনবা  হান্নদগী লাউথোকখ্রে, অমসুং আর.ও.দি.তি.ই.এফ. স্কীম অসিগী মখাদা সীলিং রেতশিং লেপথোক্নবা কমিতী অমা শেমখ্রে। অনৌবা স্কীম অসিনা এক্সপোর্তরশিংদগী লৌখিবা এম্বেদেদ তেক্সশিং অমসুং দ্যুতীশিং অদু রিইম্বর্স তৌগনি।

মন্ত্রী অদুনা ই.পি.সি. ওফিস ব্যররশিং অদুদগী মায়োক্নরিবা চেলেঞ্জশিং, এক্সপরিয়েন্সশিং অমসুং সজেশনশিং অদু তারবা মতুংদা হায়খি মদুদি করিগুম্বা মতমদা মেক্রো-নম্বরশিং অসিনা কনগুম্বা অমবু এক্সপোর্তরশিংনা মায়োক্নরিবা অৱাবশিং অদু খঙহন্দে, মসি হায়রদুনা মহাক্না মখোয়গী মমল য়াম্লবা ফীদবেককীদমক্তা থাগৎপা ফোংদোকখি। মহাক্না খঙবিখি মদুদি দিস্ক্রেশনরী স্পেন্দিংদা মরু ওইনা মপাল তাংলিবা অখন্নবা সেক্তরশিং অদুনা য়াম্না শাথিবা অৱাবা অমা মায়োক্নরি। শ্রী গোয়লনা অঙম্বা থাক্তা এক্সপোর্তরশিংদা মতেং পাংগনি, অমসুং কমর্স অমসুং ইন্দসত্রীগী মন্ত্রালয়গী মখাদা লৈতবা ইসুশিং অদুসু মরী লৈনবা দিপার্তমেন্তশিংগা য়েংশিল্লগনি হায়না থাজবা পীরকখি। মহাক্না হায়খি মদুদি এস.ই.জেদ. (সেজ) ইসুশিং অদুসু ফাইনান্স মন্ত্রালয়দা পুখৎখ্রে। মহাক্না এক্সপোর্তরশিংদা ইন্দিয়ন মেন্যুফেকচরিং প্রোমোত তৌনবা স্তীয়রিং কমিতী সেত অপ অদুগা লোইননা থবক পাইখৎমিন্ননবা হায়খ্রে। 

*****