কেন্দ্রগী পর্সোনেল, পি.জি. অমসুং পেন্সন্সকী রাজ্য মন্ত্রী দাঃ জিতেন্দ্র সিংহনা হয়েং সেপ্তেম্বর ৪, ২০২০দা ৱেবিনারগী খুত্থাংদা পাঙথোক্কদবা এস্পিরেস্নেল জিলাশিংগী ওইবা লায়চৎ মনুংদা অফবা লৈঙাক্কী থৌওংগী মতাংদা এন.সি.জি.জি. অমসুং নিতিগী নোঙমগী ৱর্কশোপকী লোইশিনবদা ৱা ঙাংগনি। নোঙমগী কনফরেন্স অসিদা ভারত সরকারগী মন্ত্রালয়/বিভাগশিং, রাজ্য সরকারগী চেয়রমেন অমসুং ৱাঙাংলোইশিং অমসুং জিলাগী কল্লেক্তরশিংনা শরুক য়াগনি। ৱর্কশোপ অসিগী শরুক ওইগদবা অতোপ্পা মীওইশিংগী মনুংদা দি.এ.আর.পি.জি., নিতি, কেন্দ্রগী মন্ত্রালয়শিং, এস্পিরেস্নেল জিলাশিংগী প্রোগ্রামগী মখাদা কেন্দ্রগী প্রাভারি ওফিসার ওইনা থৌ-পুরিবা ভারত সরকারগী সিবিল সর্বেন্তশিং, রাজ্য সরকারগী সেনিয়র ওফিসিএলশিং, এস্পিরেস্নেল দিস্ত্রিক্ত প্রোগ্রাম শেন্নরিবা জিলাগী কল্লেক্তরশিং অমসুং জিলাগী থাক্তা লৈবা ওফিসারশিংনি। থৌরম অসিগী কায়নবগী শরুক্তা ভারত সরকারগী নিতি আয়োগকী সি.ই.ও. শ্রী অমিতাব কান্ত, দি.এ.আর.পি.জি. অমসুং দি.পি.পি.দবল্যু.গী সেক্রেতরী দাঃ কে. শিবাজিনা থৌরম অদুদা শরুক য়ারিবা মীওইশিংদা ৱা ঙাংগনি। মসিগী ৱর্কশোপ অসিগী ৱাখল্লোন অসি এদমিনিস্ত্রেতিব রিফোর্মস অমসুং পব্লিক গ্রাইবেন্স বিভাগকী নেস্নেল সেন্তর ফোর গুদ গোবর্নেন্স (এন.সি.জি.জি.) অমসুং নেস্নেল ইন্সতিত্যুৎ ফোর ত্রান্সফোর্মিং ইন্দিয়া (এন.আই.তি.আই.)না কোবিদ-১৯গী লায়চৎ থেংননবা জিলাগী থাক্তা অফবা লৈঙাক্কী থৌওংগী লৌশিং ফংহন্নবা হায়দুনা পুন্না হৌদোকখিবনি।

থৌরম অসিগী তেক্নিকেল সেসন্দা হেলথ সেক্তর গোবর্নেন্সকী অফবা থৌওংশিং, ই.-গোবর্নেন্স, লৌউ-শিংউবা অমসুং ঈশিংগী রিসোর্স নীংথিনা শেন্নবা, অৱাং-নোঙপোক রাজ্যশিংগী অমসুং এজুকেস্নেল গোবর্নেন্সকী থৌওংশিং য়াওরি। সেসন অসিবু লুচিংগদবশিংগী মনুংদা দোনেরগী স্পিসিএল সেক্রেতরী শ্রী ইন্দেবর পান্দে, এজুকেসন অমসুং লিতরেসীগী হান্নগী সেক্রেতরী শ্রী অনিল স্বরুপ, করনাতকা সরকারগী এদিস্নেল চীফ সেক্রেতরী শ্রীমতি শালিনি রজনীশ, জল শক্তি মন্ত্রালয়গী থক্নবা ঈশিং অমসুং সেনিতেসন বিভাগকী এদিস্নেল সেক্রেতরী (ঈশিং) শ্রী ভারত লাল, তমিল নাদু ই.-গোবর্নেন্স ওথোরিতী অমসুং ই.-গোবর্নেন্সকী কম্মিস্নর অমসুং সি.ই.ও. দাঃ সন্তোশ মিশ্রা য়াওরি। থৌরম অসিগী তেক্নিকেল সেসন্দা এস্পিরেস্নেল জিলাশিংগী জিলাগী কল্লেক্তর ২০না প্রজেন্তেসন পীগনি।

দি.এ.আর.পি.জি.গী এদিস্নেল সেক্রেতরী অমসুং নেস্নেল সেন্তর ফোর গুদ গোবর্নেন্সকী দাইরেক্তর জেনেরেল শ্রী ভি. স্রিনিবাসনা হায়খিবদা মসিনা এন.সি.জি.জি.না হীরম অসিগী মতাংদা য়ুম্বু ওইদুনা পাঙথোকপা অহুমশুবা বর্চুএলগী ৱর্কশোপ ওইগনি অমসুং ওফিসিএল ৫০০না শরুক য়াবা পরিং অসিগী দোমেস্তিক ফোকস পীবা অহানবা ৱর্কশোপ ওইগনি হায়খি। লায়চৎ মনুংদা অফবা লৈঙাক্কী থৌওংগী অহানবা আই.তি.ই.সি.-এন.সি.জি.জি.গী ৱর্কশোপ্তা এসিয়াগী লৈবাক ১৯গী সিবিল সর্বেন্ত ১৬২না শরুক য়াখি অমসুং মান্নবা হীরম অসিগী অনিশুবা ৱর্কশোপ্তা অফ্রিকা অমসুং ভারতকী সিবিল সর্বেন্ত ২৬৬না শরুক য়াখি।

*****