শ্রী হারদীপ এস. পুরি, এম.ও.এস., (আই./সি.), হাউসিং অমসুং অর্বান এফিয়র্স মন্ত্রালয়না ঙসি মীদিয়াগা ৱারি শানবদা মে্তরো ওপরেশনশিংগীদমক্তা ওইবা এস.ও.পি.গাইদলাইনশিং লাউথোকখ্রে। ঐম.ঐচ.এ.গী ওর্দর নম্বর ৪০-৩/২০২০-দি.এম.-১(এ,) তাং ২৯.৮.২০২০গী মতুং ইন্না মেত্রো সার্বিসশিং তাঙ্কক নাইনা ২০২০গী সেপ্তেম্বর ৭তগী চেনবা হৌরগনি। মরম অসিগীদমক্তা, হাউসিং অমসুং অর্বান এফিয়র্সকী মন্ত্রালয়না এস.ও.পি. গাইদলাইনশিং শেমখি, মসিবু হোম এফিয়র্সকী মন্ত্রালয়না অয়াবা পীখি।

মসিগী চাওরাকপা ফীচরশিং অদু মখাদা পীরি:-

ক. তাঙ্কক নাইনা মেত্রো চেনবা হৌরগনি। লাইন অমদগী হেন্না লৈবা মেত্রোশিংনা ২০২০গী সেপ্তেম্বর ১২ফাওবদা কোরিদোর পুম্নমক মথৌ তৌনবা তাঙ্কক নাইনা ২০২০গী সেপ্তেম্বর ৭তগীদি অতোপ্পা লাইনশিং হাংদোক্কদবনি। হৌরকপদদি ওপরেশনশিং অদুগী নোংমগী পুংশিং অদু খরা তেনবা য়াই, মসি রেভেন্যু সার্বিস মপুং ফানা তৌবা হৌবগা লোইননা ২০২০গী সেপ্তেম্বর ফাওবদা তপ্না-তপ্না হেনগৎলকপা মথৌ তাগনি। স্তেশনশিং অমসুং ত্রেনশিংদা পেসেঞ্জর চিনবা থোক্তনবা ত্রেনশিং চেনবগী চাং অদু রেগুলেত তৌবা।

খ. কন্তেনমেন্ত জোনশিংদা লৈবা স্তেশনশিং/চংবা-থোকপগী গেতশিং অদু লোনবা।

গ. সোসিয়েল দিস্তেন্সিং কাইদনা চৎনবা, স্তেশনশিং অমসুং ত্রেনশিংগী মনুংদা চুনবা মার্কিংশিং তৌবা।

ঘ. পেসেঞ্জর অমসুং স্তাফ পুম্নমক্কীদমক্তা ফেস মাস্ক উপ্পা মেন্দেতরী ওইহনবা। মেতরো রেল কোর্পোরেশনশিংনা মাস্ক য়াওদনা লাকপা মীওইশিংদা শেল লৌদুনা মাস্কশিং সপ্লাই তৌবগী এরেঞ্জমেন্তশিং তৌবা।

ঙ. অসীম্তমেতিক ওইবা মীওইশিং খক্তমক স্তেশশিং চংলকপদা থর্মেল সক্রীনিং তৌরবা মতুংদা ত্রাভেল তৌবা য়াহনবা। সীম্তমেতিক ওইবা মীওইশিংদা তেস্তিং/মেদিকেল এতেন্সনগীদমক্তা অনকপা কোবিদ কেয়র সেন্তর/হোসপিতালদা চৎনবা পাউতাক পীবা। আরোগ্য সেতু এপ শিজিন্নবা থৌগৎপা।

চ. পেসেঞ্জরশিংনা শিজিন্ননবগীদমক্তা স্তেশনশিং চংলকপদা সেনিতাইজরশিং ফংহন্নবগী প্রোভিজন। হ্যুমন ইন্তরফেস লৈবা মফম খুদিংমক্কী খুদম ওইনা ইক্যুইপমেন্ত, ত্রেন, ৱার্কিং এরিয়া, লিফ, এসকলেতরশিং, হেন্দরেল, এ.এফ.সি. গেত, তোইলেতনচিংবশিংদা তোইনা সেনিতাইজেশন তৌবা মথৌ তাবা।

ছ. স্মার্তকার্দ অমসুং কেসলেস/ওনলাইন ত্রাম্জেক্সনশিং শিজিন্নবা থৌগৎপা। নীংথিনা সেনিতাইজেশন তৌরগা তোকনশিং অমসুং পেপর স্লিপশিং/তিকেত শিজিন্নবা।

জ. সোসিয়েল দিস্তেন্সিং স্তেশনশিং ঙাক্না চত্তুনা কোম্না বোর্দিং/দিবোর্দিং তৌবা য়ানবা মতিক চাবা দ্বেল তাইম পীবা। মেত্রো রেল কোর্পোরেশনশিংনা সোসিয়েল দিস্তেন্সিং নীংথিনা ঙক্তুনা চৎনবা স্তেশনশিং কান্থোকপসু য়াগনি।

ঝ. লাইনা অমসু থুনা স্কেন্নিং তৌনবগীদমক্তা পেসেঞ্জরশিংদা লগেজ য়ামদনা অমসুং মেতালগী ওইবা পোৎলমশিং পুদনবা খঙহনবা।

ঞ. সেন্ত্রেল পব্লিক ৱার্কস দিপার্তমেন্ত (সি.পি.দবল্যু.দি.) অমসুং ইন্দিয়ন সোসাইতী ওফ হীতিং, রেফ্রিজরেতিং এন্দ এয়র কন্দিশনিং ইঞ্জিনীয়রস (আই.এ.ঐচ.আর.এ.ই.) গাইদলাইনশিং অদুগী মতুং ইন্না  হীতিং, ভেন্তিলেশন অমসুং এয়র-কন্দিশনিং (ঐচ.ভি.এ.সি.) সীস্তেমগী ওপরেশন তৌবা। এয়র কন্দিশনিং সীস্তেমদা অফবা নুংশিৎকী ইনতেক অদু য়ারিমখৈ হেগৎপা।

ট. ইলেক্ত্রোনিক/প্রিন্ত/সোসিয়েল মীদিয়া, পোস্তর, বেনর, হোরদিং, ৱাএবসাইতনচিংবশিংগী খুত্থাংদা পেসেঞ্জর অমসুং স্তাফকীদমক্তা ইনফোর্মেশন, এজুকেশন অমসুং কম্যুনিকেশন (আই.ই.সি.) কেমপেন হৌদোকপা।

ঠ. মেত্রো রেল কোর্পোরেশন্না স্তেশন মপানদা লৈবা মীয়াম অদুবু শেন্ননবা অমসুং কন্তিনজেন্সীশিংগা থেংননবগীদমক্তা রাজ্যগী পুলিস অমসুং লোকল এদমিনিস্ত্রেশনগা নক্ননা খুৎশম্নদুনা লৈবা।

মথক্কী গাইদলাইনশিং অসিদা য়ুমফম ওইরগা দীল্লি, নোইদা, চেন্নাই, কোচি, বেঙ্গলোর, মুম্বাইলাইন-১, জয়পুর, হাইদ্রবাদ, মহা মেত্রো (নাগপুর), কোকাতা, গুজরাত অমসুং য়ু.পি. মেত্রো (লখনৌ)না মখোয়গী গাইদলাইনশিং শেমখ্রে। মহারাস্ত্র সরকারনা ২০২০গী সেপ্তেম্বরগী মনুংদা মেত্রো চেনবা হৌদনবা ৱারেপ লৌখ্রে। মরম অদুনা মুম্বাই লাইন-১ অমসুং মহা মেত্রো ওপরেশনশিং অদু ২০২০গী ওক্তোবরদগী নত্রগা রাজ্য সরকারনা মখাতানা লেপখিবা ৱারেপ অদুগী মতুং ইন্না তৌগনি।

পি.পি.তি. য়েংনবা অসিদা ক্লিক তৌবীয়ু

*****