ইকাইখুম্নরবা ভারতকী রাস্ত্রপতিনা মখাদা পল্লিবা রেলৱে-প্রোতেক্সন ফোর্স (আর.পি.এফ.) পার্সোনেল অসি জীৱন রক্ষা এৱার্দকী মনা পীখি:

১. সরৱোত্তম জীৱন রক্ষা পদক (লৈখিদ্রবা মতুং)- লৈখিদ্রবা শ্রী জগবির সিং, কন্সতেবল/নোর্থর্ন রেলৱে।

লৈখিদ্রবা শ্রী জগবির সিংনা দিল্লীগী অদর্শনাগর-অজাদপুর রেলৱে সেক্সনগী মনাক্তা লৈবা রেলৱে প্রেমাইসতা অঙাং মরিগী মমল য়াম্লবা পুন্সি কন্বদা থৱাইনা পোন্থা ওইখি। চাংদম্নবা ঙম্মরোইদবা থৌনা-লিংজেল উত্তুনা, মহাক্কী মথৌগী ৱাংমা লান্দুনা অমসুং মহাক্কী থৱাইগীদমক্তা করিমত্তআ খন্দবমখৈ মহাক্না অঙাংশিং অদুগী পুন্সি কনখি।

২. উত্তম জীৱন রক্ষা পদক- শ্রী শিবচরন সিং, কন্সতেবল/ৱেসতর্ন রেলৱে।

১০.০৮.২০১৯দা, শ্রী শিবচরন সিংনা ত্রেন নম্বর ১২৯৫৯দা ত্রেন এসকোর্তিং দ্যুতী পাংথোক্লিঙৈ মতমদা, শ্যমখয়ালি রেলৱে স্তেশন মনাক্ত ত্রেকশিংদা ঈশিং তুংশিনবনা মরম ওইরগা ত্রেন লেপ্পা মতমদা, য়াম্না কনবা ঈশিং-ঈচাউদা পন্দুনা লৈবা মী খরনা মতেগীদমক্তা লাউদুনা লৈবা থেংনখি। শ্রী শিবচরন সিংনা মহাক্কী থৱাইগীদমক্তা করিমত্তা খন্দনা মখোয়বু কন্নবগীদমক্তা য়াম্না থুনা চংশিনখি অমসুং মীওই মাপল অদুগী মমল য়াম্লবা পুন্সি অদু কনখি। 

৩. উত্তম জীৱন রক্ষা পদক- শ্রী মুকেশ কুমার মীনা, হেদ কনসতেবল/নোর্থ ৱেস্তর্ন রেলৱে।

শ্রী মুকেশ কুমার মীনা, হেদ কন্সতেবল/আর.পি.এফ./জোধপুর দিভিজন্না ত্রেন নম্বর ২২৪৭৮তা ১৬.০৯.২০১৮তা ত্রেন এসকোর্ত দ্যুতী পাংথোক্লিঙৈ মতমদা, অঙাং অনিগা লোইননা নুপী পেসেঞ্জর অমগী থৱাই কনবদা ময়ামদগী হেন্দোক-থোইদোকপা থৌনা উৎখি। শ্রী মুকেশ মীনানা অচেনবা ত্রেনদগী চোংথখি অমসুং প্লেতফোর্ম অমসুং ত্রেনগী মরক্তা লৈবা অহাংবা অদুগী করক্তগী নুপী পেসেঞ্জর অদুগা লোইননা মহাক্কী মচা অনী অদুবু চিংথোরকখি।

*****