কেমিকেলস অমসুং ফর্তিলাইজর্সকী য়ুনিয়ন মিনিস্তর, শ্রী দি.ভি.সদানন্দা গৌদা অমসুং শ্রী মান্সুখ মান্দভিয়া , এম.ও.এস., কেমিকেলস & ফর্তিলাইজরসনা ঙরাং ভীদিও কনফরেন্সিংগী খুত্থাংদা নেস্নেল ইন্সতিত্যুত ওফ ফার্মসিতিকেল এজুকেশন এন্দ রিসর্চ (এন.আই.পি.ই.আর.) মোহালি অমসুং রাই বরেলিগী ফঙ্কশনিংগী মতাংদা রিভ্যু মীতিং অমা পাংথোকখ্রে।

মীফম অদুদা সেক্রেতরী (ফার্মসিতিকেলস), দা. পি.দি. ভাঘেলা অমসুং দিপার্তমেন্ত ওফ ফার্মসিতিকেলসকী অতোপ্পা সেনিয়র ওফিসরশিংনা শরুক য়াখি।

মীফম অদুদা ৱা ঙাংলদুনা, শ্রী গৌদানা হায়খি মদুদি এন.আই.পি.ই.আর.শিংনা লাক্কদৌরিবা বল্ক দ্রগ অমসুং মেদিকেল দিভাইস পার্কশিংগী দিবেলপমেন্তদা য়াম্না চাউরবা তৌদাং লৌগদবা লৈ। তি.বি., মেলরিয়া, কালা অজার, কেন্সর, দাইবিতিস, ওবেসিতী অসিনচিংবা লাইনাশিংগীদমক্তা দ্রগ পুথোকপদা মীৎয়েং থমগদবনি। দ্রগ রেপর্পোজিং অমসুং দ্রগ দিবেলপমেন্তনা অতোপ্পা হিরম অমা ওইবা য়াই হায়না মহাক্না মখা তাখি। এন.আই.পি.ই.আর. খুদম ওইনা মোহালিনা মখোয়গী মশামক্কী সেন্তরস ওফ এক্সলেন্স দিবেলপ তৌগদবনি মরমদি আর. & দি. অসি প্রধান মন্ত্রী, শ্রী নরেন্দ্র মোদিগী মখাদা হোজিক্কী সরকারনা য়াম্‌না কন্না শৌগৎলিবা হীরম অমনি।

তেস্তিং, কন্সলতেন্সী অমসুং ইনক্যুবেশন সেন্তরশিংগুম্বা সার্বিসশিং অসি এক্সতেন্সন তৌদুনা ইন্দস্ত্রীদা মরু ওইনা এম.এস.এম.ই.শিংদা মতেং পাংবা অসি পুংজা অসিগী ওইনা তঙাইফদনা মথৌ তাবনি হায়নসু মহাক্না হায়খি। রেভেন্যু জেনরেশনগী প্রোসপেক্ত খুদিংমক থিজিনগদবনি অমসুং এন.আই.পি.ই.আর.শিংনা সেল্ফ-সস্তেনিং প্রিমিয়র ইন্সতিত্যুশনশিংদা ওইনা ইভোল্ব তৌগদবনি। ইন্দস্ত্রী-একাদেমিয়া লিঙ্কেজশিং কনখৎহনবা মথৌ তাই, মসি  এন.আই.পি.ই.আর.শিংদা লৈরিবা কমর্সিয়েলাইজ তৌরবা পেতেন্তশিং অদুসু শিজিন্নবা য়াগনি।

শ্রী মন্সুখ মান্দভিয়ানা হায়খি মদুদি মীয়ামগী য়াইফবদা য়াম্না চাউনা অহোংবা পুরক্কদবশিং অদুদা মরু ওইবা পীগদবনি অমসুং য়াম্না য়াংনা থবক পাইখৎকদবনি।

দাইরেক্তর, এন.আই.পি.ই.আর. রাই বরেলি, এন.আই.পি.ই.আর. মোহালিগি দাইরেক্তর ইনচার্জসু ওইরিবা, দা. এস.জে.এস. ফ্লোরানা এন.আই.পি.ই.আর. মোহালি অমসুং রাই বরেলিগা মরী লৈনবা ইসু কয়া অমগী মতাংদা  তেনতক্না প্রজেন্তেশন অমা পীখি। ফার্মসী সেক্তরদা এন.আই.আর.এফ.না এন.আই.পি.ই.আর. মোহালি অসি অহুমশুবা রেঙ্কতা অমসুং এন.আই.পি.ই.আর. রাই বরেলিনা ১৮শুবদা থম্মি হায়না মহাক্না হায়খি। চেকশিন-থৌরাংশিংগা লোইননা সেপ্তেম্বর ২৮, ২০২০দা এন.আই.পি.ই.আর. জোইন্ত এন্ত্রান্স একজামিনেশন পাংথোক্লগনি অমসুং ওক্তোবরদগী একাদেমিক সেশন হৌবা য়াই হায়না মহাক্না হায়খি।

নেস্নেল ইন্সতিত্যুত ওফ ফার্মসিতিকেল এজুকেশন এন্দ রিসর্চ (এন.আই.পি.ই.আর.) অসি ফার্মসিতিকেল সাইন্সেসতা   সেন্তর ওফ এক্সলেন্স ফোর এদভান্স স্তদীজ অমসুং রিসর্চ অমা ওইনবগী পান্দমগা লোইননা ফার্মসিতিকেল সাইন্সেস নেস্নেল লেভেলদা লৈবা ইন্সতিত্যুত অমনি।

হৌজিক্কী ওইনদি লৈবাক অসিদা এন.আই.পি.ই.আর. তরেত লৈ, মোহালি, এহমদাবাদ,হাইদ্রবাদ, রাই বরেলি, গুৱাহাতি, হাজিপুর অমসুং কোলকতাদা। ভারত সরারনা এন.আই.পি.ই.আর.বু ইন্সতিত্যুত ওফ নেস্নেল ইমপোর্তেন্স অমা ওইনা লাউথোকখ্রে।

*****