কর্ম্মস অমসুং ইন্দস্ত্রীগী মিনিস্তর শ্রী পিয়ুশ গোয়ালনা য়ু.এস.কী ব্যুজিনেশ অমসুমং ইন্দস্ত্রীশিংগা ইন্দিয়াগী মীওইশিংগা মান্নবা ললোন ইতিকপু অৱাংবা থাক্তা পুখৎনবা বার্তোন তৌখ্রে। ভিদিও কনফরেন্সকী খুত্থাংদা য়ু.এস.-ইন্দিয়া স্ত্রাতেজিক পার্তনর্সিপ ফোরুম (য়ু.এস.আই.এস.পি.এফ.)দা ৱা ঙাংলদুনা শ্রী গোয়ালনা হায়খি মদুদি দেমোক্রেসি অনি অসিনা সরকারদা, ব্যুজিনেশ্তা অমসুং  মী অমগা অমগগ থাক্তা য়াম্না অচেৎপা থাজবা লৈনৈ। লৈবাক অনিগী মরক্তা অফবা মরী লৈনৈ অমসুং য়ু.এস. অসি ইন্দিয়াগী খ্বায়দগী চাওবা ললোন ইতিক্কী খোঙবুনি। মহাক্না হায় মদুদি ললোন ইতিক খক্তা নত্তনা ঙসিগী অমগা অমগা শম্নরবা মালেম অসিদা, জাতি অনিনা মালেমগী ভেল্যু চেনদা অচেৎপা থাজনবা মরী  লৈবা ঙমগনি।  

শ্রী গোয়ালনা য়ু.এস.আই.এস.পি.এফ.দা লৈবাক অসিনা ইন্দস্ত্রী হিংগৎহনবা অমসুং শেন্থং পীবদা লৌখৎলিবা খোঙথাংশিং অসি উৎখি।  মহাক্না হায় মদুদি জি.আই.এস. য়াবা লেন্দ বেঙ্কশিং য়াম্না য়াংনা, স্তেত ৬না শাবা বোর্দ অমদা মসিনা শেন্থং থাদরিবশিংদা মতেং পাংলগনি। মিনিস্তরন অমুকসু পল্লি মদুদি থোংনাও অমা পানবা সিস্তেমগী ক্লিয়ারেন্স ওইবা হায়রিবা অসি মখল কয়াগী ওথোরিতি ওইরিবা অসিগা চাওখৎনবা অমদি সেন্তরদা লৈরিবা এজেন্সিশিং অমসুং মুনিসিপালগী লেবেল ফাওবা।

শ্রী গোয়ালনা হায়খি মদুদি চৎকদৌরিবা লম্বী অসি অৱাবা মায়োক্নগদবা ময়াম অমা লৈ অদুবু খুদোংচাবা ময়াম অমসু লৈরি। মহাক্না হায়খি মদুদি শেন্মিৎলোনগী থৌওং অসি লায়চৎকী মরম্না য়াম্না শোকহনখ্রে অদুবু মসিনা হেননদুম ফগৎপা অমা পুরক্লি। ইন্দিয়ন রেলৱেজনা হোনখিবা পোৎশিংগী মতাংদা ৱা ঙাংলদুনা মহাক্না হায়খি মদুদি ২০১৯দা মতম্দা হোনখিবা অদুদগী ২০২০গী ওগস্ততা হোনবা অসিনা ৪% হেল্লি। অসুম্না ২০১৯গী জুলাইদা হোনখিবা অদুগা চাংদম্নরবদা ২০২০গী জুলাইদা ৮৮% হেন্দুনা য়াম্না য়াংনা হেনগৎলি, অদুবু হেন্না ফগৎলকখিগনি।

থাও অমসুং সনা লুপাগী অসি অপুনবা পোৎ পুথোকখিবা অসিদা য়াওদ্রবা, হেন্না পুথোকপা ঙমগনি।

মিনিস্তরনা হায়খি মদুদি ইন্দিয়ানা কোভিদ শন্দোরকপা থিংনবা য়াম্না ঙন্না অমসুং য়াম্না অচেৎপা খোঙথাং কয়া লৌখিবনা লৈবাক অসিনা মমাং থানা চৎপা ঙম্লি, হায়বদি অশিবগী চাং অসি ২% দগী তানা ওইরি অমদি ফগৎলকপগী চাংনা ৭৫%নি। মিনিস্তরনা হায়খি মদুদি ইন্দিয়ানা মীশিং য়ামজরবসু, ইন্দিয়াগী মীয়াম্না মতম চানা লাকশিনবা ঙমখি। মহাক্না হায়খি মদুদি লোকদাউন মনুং অসিদা লৈবাক্না হকশেলগী মরী লৈনবশিং কনখৎহনবা, অমসুং লায়চৎ অসিবু থেংননবা মীয়ামশিংদা রিলিফ পেকেজ ফংহনবা চৎথরি। প্রধান মন্ত্রীগী লুচিংবু থাগৎলদুনা মিনিস্তরনা হায়খি মদুদি শ্রী নরেন্দ্র মোদীনা থৌরম খুদিংমক খোংকাপ অনি হেন্না মাং থানা চৎল্লি। মহাক্না থাজবা অমা থমদুনা ফোংদোংখি মদুদি ইন্দিয়ানা মায় পাকপা কয়া অমা পুরক্কনি, মাংখ্রবা মতম কয়া অমা মেনখৎকনি, অমসুং পরিং অসিদা হল্লক্তুনা চহি মঙা অসিদা $৫তিএন শেন্মিৎলোন ফংহল্লগনি অমসুং ইন্দিয়াদা মীওই বিলিয়ন ১.৩ য়াইফরনি।

*****