রেলৱেজ অমসুং কম্মর্সকীমন্ত্রী শ্রী পীয়ুশ গোয়লনা দেদিকতেদ ফ্রাইত কোরিদোর কোর্পোরেসন ইন্দিয়া লিমিতেদ(দি.এফ.সি.সি.আই.এল.) অসি পাস তৌনবা রাজ্যশিংগী অসিগী মকোক থোংবা ওফিসিএল অনিগা মীফম পাংথোকখ্রে। মীফম অসিদা সি.আর.বি. অমসুং এম.দি./দি.এফ.সি.সি.আই.এল. য়াওনা দি.এফ.সি.সি.আই.এল.গী রেলৱে বোর্দকী মকোক থোবা ওফিসিএলশিং য়াওখি।
শ্রী পীয়ুশ গোয়লনা দি.এফ.সি.সি.আই.এল. য়েংশিন্দুনা থবক শিল্লিবা তীমদা অমসুং রাজ্যশিংদা নোচুপথংবা দি.এফ.সি.(কি.মি. ১৫০৪ শাংবা লম্বি) অমসুং নোংপোকথংবা দি.এফ.সি.(কি.মি. ১৮৫৬ শাংবা লম্বি)গী সেক্সন খুদিংমক্তা থবক য়াংশিনবা হেনগৎহন্নবা লৌখৎপা য়াবা খোংথাং খুদিং লৌখৎনবা তাকখি। য়েংশিন মীফম অসিদা রাজ্য খুদিংদা থবক খুদিং খুমাং চাউশিনবগী মওং অদু মরিক চুম্না নৈনখি অমসুং অপনবশিং অসি লৈহন্দনা নিংথিনা অপনবা য়াওদনা থবক তৌনবা তাক্তুনা খংহনখ্রে।

য়েংশিন মীফম অদুদা রাজ্যশিং অদুদা লম খোপচিনবা অমসুং থোং মথক্তা লম্বি শেম্বা(আর.ও.বি.)শিংগী মতাংদা খন্নদুনা নৈনখি। রাজ্যশিংনা থবক্তা খুৎ থাবা অদু থুজিলহন্নবা অমসুং থবক অমদা হেক্তা অকায়বা পীবগুম্বা ৱাথোক লৈরকপদা ৱায়েল-পথাপ লৈহন্নবা হায়খ্রে।

প্রোজেক অসি থবক য়াংশিলহন্নবা মথৌ তারবদি নুতিগী ওইনা চাং নাইনা মীফম পাংথোক্নবা লেপ্নখ্রে।  মীফম অসিদা সেক্সন খুদিংমক্তা থবক অসি য়াম্না ক্রক-ক্রক লাকশিন্না য়েংশিন্নবা লেপ্নখি।

দেদিকেতেদ ফ্রাইত কোরিদোরশিং(দি.এফ.সি.) অসি ভারত সরকারনা পায়খৎপা(পুন্না কি.মি. ৩৩৬০ শাংবা) খ্বাইদগী চাউবা রেল ইনফ্রাস্ত্রকচর প্রোজেকশিংগী মনুংদা অমনি। অপুনবা চংগদবা শেনফম অসি লুপা কোতী ৮১,৪৫৯নি হায়না পানখ্রে। দি.এফ.সি.সি.আই.এল.না থৌরাং তৌনবা, চাউখৎহন্নবা, ফাইনান্সিএল রিসোর্সশিং চুংশিন্ননবা, শাননবা, য়েংশিন্নবা অমসুং দেদিকেতেদ ফ্রাইত কোরিদোরশিং অসি থবক পাংথোকহন্নবা অখন্ননা পাংথোকপা ঙম্বা অমা শেমগৎখ্রে।  

*****