ਰੇਲਵੇ ਤੇ ਵਣਜ ਅਤੇ ਉਦਯੋਗ ਮੰਤਰੀ, ਸ਼੍ਰੀ ਪੀਯੂਸ਼ ਗੋਇਲ ਨੇ ਅੱਜ ਉਨ੍ਹਾਂ ਸਾਰੇ ਰਾਜਾਂ ਦੇ ਅਧਿਕਾਰੀਆਂ ਨਾਲ ਬੈਠਕ ਕੀਤੀ, ਜਿਨ੍ਹਾਂ ਵਿੱਚੋਂ ਦੀ ‘ਡੈਡੀਕੇਟਿਡ ਫ਼੍ਰੇਟ ਕੌਰੀਡੋਰ’ ਲੰਘੇਗਾ। ਇਸ ਬੈਠਕ ਵਿੱਚ ਸੀਆਰਬੀ (CRB) ਅਤੇ MD/DFCCIL ਸਮੇਤ ਰੇਲਵੇਜ਼ ਬੋਰਡ, DFCCIL ਦੇ ਉੱਚ ਅਧਿਕਾਰੀ ਮੌਜੂਦ ਸਨ।

ਸ਼੍ਰੀ ਗੋਇਲ ਨੇ DEFCIL ਦੀ ਪ੍ਰਬੰਧਕੀ ਟੀਮ ਤੇ ਰਾਜਾਂ ਨੂੰ ਪੱਛਮੀ ‘ਡੈਡੀਕੇਟਿਡ ਫ਼੍ਰੇਟ ਕੌਰੀਡੋਰ’ (1,504 ਰੂਟ ਕਿਲੋਮੀਟਰ) ਅਤੇ ਪੂਰਬੀ ‘ਡੈਡੀਕੇਟਿਡ ਫ਼੍ਰੇਟ ਕੌਰੀਡੋਰ’ (1,856 ਰੂਟ ਕਿਲੋਮੀਟਰ) ਦੇ ਸਾਰੇ ਸੈਕਸ਼ਨਾਂ ਉੱਤੇ ਕੰਮਾਂ ਦੀ ਰਫ਼ਤਾਰ ਤੇਜ਼ ਕਰਨ ਲਈ ਹਰ ਸੰਭਵ ਕਦਮ ਚੁੱਕਣ ਦੀ ਹਿਦਾਇਤ ਕੀਤੀ। ਇਸ ਸਮੀਖਿਆ ਬੈਠਕ ਵਿੱਚ, ਹਰੇਕ ਵਿਅਕਤੀਗਤ ਰਾਜ ਦੀ ਪ੍ਰਗਤੀ ਬਾਰੇ ਵਿਸਤਾਰਪੂਰਬਕ ਵਿਚਾਰ–ਵਟਾਂਦਰਾ ਹੋਇਆ ਅਤੇ ਸਾਰੀਆਂ ਰੁਕਾਵਟਾਂ ਦੂਰ ਕਰ ਕੇ ਉਸ ਦੀ ਸੁਚਾਰੂ ਪ੍ਰਗਤੀ ਯਕੀਨੀ ਬਣਾਉਣ ਲਈ ਨਿਰਦੇਸ਼ ਵੀ ਜਾਰੀ ਕੀਤੇ ਗਏ।

ਇਸ ਸਮੀਖਿਆ ਬੈਠਕ ਦੌਰਾਨ, ਰਾਜਾਂ ਵਿੱਚ ਜ਼ਮੀਨ ਦੇ ਅਧਿਗ੍ਰਹਿਣ ਅਤੇ ਰੋਡ ਓਵਰ ਬ੍ਰਿਜ (ROBs) ਦੀ ਉਸਾਰੀ ਵਿੱਚ ਹੋਈ ਪ੍ਰਗਤੀ ਬਾਰੇ ਵਿਚਾਰ–ਵਟਾਂਦਰਾ ਕੀਤਾ ਗਿਆ ਅਤੇ ਉਨ੍ਹਾਂ ਨੂੰ ਹੱਲ ਕੀਤਾ ਗਿਆ। ਰਾਜਾਂ ਦੇ ਅਧਿਕਾਰੀਆਂ ਨੂੰ ਸਾਲਸੀ ਦੀ ਪ੍ਰਕਿਰਿਆ ਤੇਜ਼ ਕਰਨ ਲਈ ਕਿਹਾ ਗਿਆ ਤੇ ਜੇ ਕੰਮ ਦੇ ਕਿਸੇ ਹਿੱਸੇ ਵਿੱਚ ਕੋਈ ਰੁਕਾਵਟ ਜਿਹੇ ਕੋਈ ਮਸਲੇ ਖੜ੍ਹੇ ਹੁੰਦੇ ਹਨ, ਤਾਂ ਉੱਥੇ ਕਾਨੂੰਨ ਦੀ ਵਰਤੋਂ ਕਰਨ ਲਈ ਆਖਿਆ ਗਿਆ।

ਇਸ ਪ੍ਰੋਜੈਕਟ ਨੂੰ ਨੇਪਰੇ ਚਾੜ੍ਹਨ ਵਿੱਚ ਤੇਜ਼ੀ ਲਿਆਉਣ ਲਈ, ਲੋੜ ਪੈਣ ’ਤੇ ਸਾਰੇ ਰਾਜ ਅਧਿਕਾਰੀਆਂ ਨਾਲ ਰੋਜ਼ਾਨਾ ਨਿਯਮਿਤ ਬੈਠਕਾਂ ਕਰਨ ਦਾ ਫ਼ੈਸਲਾ ਲਿਆ ਗਿਆ।

ਇਸ ਬੈਠਕ ਦੌਰਾਨ ਕੰਮ ਦੇ ਸਾਰੇ ਪੱਖਾਂ ਉੱਤੇ ਚੌਕਸ ਨਿਗਰਾਨੀ ਰੱਖਣ ਦਾ ਫ਼ੈਸਲਾ ਲਿਆ ਗਿਆ।

ਡੈਡੀਕੇਟਿਡ ਫ਼੍ਰੇਟ ਕੌਰੀਡੋਰਸ (DFC – ਸਮਰਪਿਤ ਮਾਲ ਲਾਂਘੇ) ਭਾਰਤ ਸਰਕਾਰ ਦੇ ਰੇਲਵੇ ਦੇ ਬੁਨਿਆਦੀ ਢਾਂਚੇ ਦੇ ਸਭ ਤੋਂ ਵੱਡੇ ਪ੍ਰੋਜੈਕਟਾਂ ਵਿੱਚੋਂ ਇੱਕ ਹੈ (ਕੁੱਲ ਲੰਬਾਈ 3,360 ਰੂਟ ਕਿਲੋਮੀਟਰ)। ਇਸ ਉੱਤੇ ਕੁੱਲ 81,459 ਕਰੋੜ ਰੁਪਏ ਦਾ ਖ਼ਰਚਾ ਆਉਣਾ ਹੈ। DFCCIL ਦੀ ਸਥਾਪਨਾ ਇੱਕ ਖ਼ਾਸ ਮੰਤਵ ਵਾਹਨ ਵਜੋਂ – ਯੋਜਨਾਬੰਦੀ, ਵਿਕਾਸ, ਵਿੱਤੀ ਵਸੀਲਿਆਂ ਦੀ ਗਤੀਸ਼ੀਲਤਾ, ਨਿਰਮਾਣ, ‘ਡੈਡੀਕੇਟਿਡ ਫ਼੍ਰੇਟ ਕੌਰੀਡੋਰਸ’ ਦੇ ਨਿਰਮਾਣ, ਰੱਖ–ਰਖਾਅ ਤੇ ਅਪਰੇਸ਼ਨ ਲਈ ਕੀਤੀ ਗਈ ਹੈ

*****

ਡੀਜੇਐੱਨ/ਐੱਮਕੇਵੀ