গরিব কল্যান রোজগার অভিয়ান (জি.কে.আর.এ.) অসিনা কোবিদ-১৯ লায়চৎ থোরকপা অসিদা মশাগী খুঙ্গংশিংদা হল্লক্লিবা মাইগ্রেন্ত শিন্মীশিং অমসুং খুঙ্গংগী মফমশিংদা লৈরিবা শোকহল্লবা প্রজাশিংদা থবক ফংহন্নবা অমসুং পুন্সি মহিং ফগৎহন্নবা খুদোংচাবশিং ফংহন্নবা হৌদোকখি। অভিয়ান অসিনা মিসন মোদতা খোঙথাং লৌখৎতুনা বিহার, ঝর্খন্দ, মধ্য প্রদেশ, ওরিশা, রাজাস্থন অমসুং উত্তর প্রদেশ রাজ্য ৬ অসিদা মশাগী খুঙ্গংদা হল্লক্লিবা মাইগ্রেন্ত শিন্মীশিংদা থবক ফংহন্নবা হোৎনরি। অভিয়ান অসিনা রাজ্যশিং অসিগী জিলা ১১৬তা খুঞ্জাশিংদা পুন্সি মহিং ফগৎনবা খুদোংচাবশিং ফংহন্নদুনা থৌনা হাপ্লি।

মাইগ্রেন্ত শিন্মীশিং অমসুং খুঙ্গংগী মীয়ামদা চাউনা কান্নবশিং ফংহল্লিবা অভিয়ান অসি হৌজিক ফাওবদা মাই পাকপা ঙম্লিবা অসি মন্ত্রালয়/বিভাগ ১২ অমসুং রাজ্য সরকারশিংনা পুন্না হোৎনবননি।গরিব কল্যান রোজগার অভিয়ানগী মখাদা ময়ুমশিং শাবীখ্রবা বেনিফিসরী অনিগী মাই পাকপগী ৱারীশিং মখাদা পীরি।

১. রাজ্য :ওরিশা

বেনিফিসরীগী অকুপ্পা মরোল

মমিং:সশি বারিক

খুঙ্গং:তেভাদুঙ্গুরি; গ্রাম পঞ্চায়ৎ:হিরাপুর; ব্লোক:লোইশিংহা; জিলা: বলঙ্গির

কোবিদ-১৯ মনুংদা লৈবাক অসিনা লোকদাউন তৌদুনা লৈরিঙৈদা, সশি বারিক্না মহাক্কী ময়ুম শানবা ৱারেপ লৌখি মসিগী শেন্থং পি.এম.এ.ৱাই-জিগী মখাদা কায়থখি। ওথোরিতীশিংনা লোকদাউন লৈরবসু য়ুম শাবদা চংগদবা পোৎচাকশিং অমসুং মীশিং ফংহন্নবা হোৎনখি। মরম অসিনা সশিনা অহানবা ইন্সতোলমেন্ত ফংখিবগী থা অমগী মনুংদা মহাক্কী ময়ুম অদু শাবা লোয়শিনবা ঙমখি।

“হৌজিক্তি ঐখোয় চেক্কী য়ুম অমদা নুংঙাইনা লৈরে। ঐখোয়গুম্বা লায়রবা ইমুংশিংদা পক্কাগী য়ুম অমা শান্নবা তেংবাং ফংহনবগীদমক সরকারবু থাগৎচরি,” হায়না বলঙ্গির জিলাগী লোইশিংহা ব্লোক্কী মখাদা লৈবা হিরাপুর গ্রাম পঞ্চায়ৎকী তেভাদুঙ্গুরি খুঙ্গংগী ফীভম শোক্লবা য়ুম অমদা লৈরিবা চহি ৮০শুরবা লুখ্রাবী সশি বারিক্না ফোঙদোকখি।

মহাক্কী মচানুপা অসি নোংমগী শুরগা চাবা মীশক্নি। মহাক্না তানজবা অপীকপা শেনফম অদুনা মীওই মঙা লৈবা ইমুং অদুগী নোংমগী চাক্লেন অনিখক ফঙবা ঙম্মি। মখোয়গীদমক পক্কাগী য়ুম অমা হায়বসি মংগুম্বনি। অদুবু সরকারনা পক্কাগী য়ুম অমা শানবা রুরেল হাউজিং স্কিমগী মখাদা শেলগী তেঙবাং ওইনা লুপা ১৩০,০০০/- মতেং পাংখি। য়ুম অদু ঙন্না শাবা লোয়শিনবগী সরকারদগী ইন্সেন্তিব ওইনা সশিনা লুপা ২০,০০০/- ফংখি।  

২. রাজ্য : ঝারখন্দ

বেনিফিসরীগী অকুপ্পা মরোল

মমিং: দুলারি মাসোমৎ

খুঙ্গং: হুরুদাগ; গ্রাম পঞ্চায়ৎ: বাসে; ব্লোক: কতকমদাগ; জিলা: হজারিবাঘ

শ্রীমতী দুলারি মাসোমৎকী মপুরোইবা অসি ইংকুমজা ২০০৮তা লৈখিদ্রে। মহাক্কী মচানুপী অহুম লৈ। মহাক্কী মপুরোইবা লৈখিদ্রবা মতুংদা মহাক্কী মচানুপী অহুম য়োকপগী থৌদাং অসি মহাক্কী মখুত্তা তারম্মি। মহাক অসি মহাক্কী ইমুং পুনবা হোৎনবদা নোংমগী শুরগা চারীবা শিন্মী অমা ওইরম্মি। মহাক্কী য়ুম অসি য়াম্না ফীভম চাদনা লৈরম্মি। ইংকুমজা ২০১৯-২০দা মহাক্না পি,এম.এ.ৱাই-জিগী মখাদা মহাক্কী বুম শানবা শেন্থং ফংখি। গি.কে.আর.এ.গী মখাদা মহাক্কী মশাগী শিন্মীশিংগা লোয়ননা মহাক্কী য়ুম শাখি অমসুং মহাক য়াম্না হরাউবা পোকখি। সরকারবু থাগৎপা ফোঙদোক্লদুনা মহাক্না হায়া সরকারগী মতেংগা লোয়ননা মহাক্না অমাংশঙ অমসু শারে অমসুং চাকথোং গ্যাস ফংখ্রে। হৌজিক মহাক্কী ইমুংদা অফবা পুন্সি মহিং অমা পীবা ঙমখ্রে।

*****