প্রধানমন্ত্রীগী লোইশঙ
হান্নগী রাস্ত্রপতি ভারত রত্ন শ্রী প্রনব মুখর্জিনা লৈখিদবদা প্রধান মন্ত্রীনা অৱাবা ফোঙদোকখ্রে
Posted On:
31 AUG 2020 6:45PM by PIB Imphal
হান্নগী রাস্ত্রপতি ভারত রত্ন শ্রী প্রনব মুখর্জিনা লৈখিদবদা প্রধান মন্ত্রী শ্রী নরেন্দ্র মোদীনা অৱাবা ফোঙদোকখ্রে।
প্রধান মন্ত্রীনা হায়খি, “ভারত রত্ন শ্রী প্রনব মুখর্জি লৈখিদবদা ভারতনা তেংথারি। ঐখোয়গী লৈবাক্কী চাউখৎপগী থবকশিংদা মহাক্না মুৎপা নাইদ্রবা মফম অমা কন্দুনা থমলম্লে। শক্নাইরবা স্কোলার অমা ওইনা, শক্নাইরবা রাজনিতিৱালা অমা ওইনা রাজনিতিগী লমদা অমসুং খুন্নাইগী কাংলুপ খুদিংমক্না মহাক নুংশিখি।
চহি কয়াগী মহাক্কী রাজনিতিগী শীনফম মনুংদা, শ্রী প্রনব মুখর্জিনা শেন-থুম অমসুং মরুওইবা মিনিস্ত্রিশিংদা তুংকোইনা লৈহৌগদবা থবক কয়া পাংথোক্লমখি। মহাক মতম পুম্নমক্তা নিংথিনা তৌরাং তৌখিবা, ৱা ঙাংবা অমসুং ফাগি ফজনা হৈবা তোমথিন ঙানবা সংসদকী মেম্বর অমনি।
ভারতকী রাস্ত্রপতি অমা ওইনা, শ্রী প্রনব মুখর্জিনা রাস্ত্রপতি ভাবন অসি মীচম মীয়াম্না ইরাই লাইনা চঙবা য়াহনখি। মহাক্না রাস্ত্রপতিগী লৈফম অসি লাইরিক তম্ফম, অনৌবা পুথোকপা, কলচর, সাইন্স অমসুং কলচরগী মফম অমা ওইনা শেমগৎখি। মরুওইবা থৌশিলগী ৱাফমশিংদা মহাক্কী হৈশিংবা ঐনা কৈদৌঙৈদা কাউবা ঙম্লোই।
২০১৪দা ঐ দিল্লীদা অনৌবা মীওই অমা ওইখি। অহানবা নুমিৎতগী হৌনা, ঐনা শ্রী প্রনাব মুখর্জিদগী পাউতাক, মতেং অমসুং থৌজালশিং ফংখি। ঐনা মহাক্কা উনবা খুদিং ঐ হরাওখি। মহাক্কী ইমুং-মনুং, মরুপশিং অমসুং ভারত শীনবা থুংনা লৈরিবা মহাক নুংশিজবশিংগী মফমদা অৱাবা শরুক য়াজরি। ঔম শান্তি”।
*****
(Release ID: 1650184)
Visitor Counter : 168
Read this release in:
Punjabi
,
English
,
Urdu
,
Hindi
,
Marathi
,
Bengali
,
Assamese
,
Gujarati
,
Odia
,
Tamil
,
Telugu
,
Kannada
,
Malayalam