ପ୍ରଧାନମନ୍ତ୍ରୀଙ୍କ କାର୍ଯ୍ୟାଳୟ
ପୂର୍ବତନ ରାଷ୍ଟ୍ରପତି ଭାରତ ରତ୍ନ ପ୍ରଣବ ମୁଖାର୍ଜୀଙ୍କ ବିୟୋଗରେ ପ୍ରଧାନମନ୍ତ୍ରୀଙ୍କ ଶୋକ
Posted On:
31 AUG 2020 6:45PM by PIB Bhubaneshwar
ପୂର୍ବତନ ରାଷ୍ଟ୍ରପତି ଭାରତ ରତ୍ନ ଶ୍ରୀ ପ୍ରଣବ ମୁଖାର୍ଜୀଙ୍କ ବିୟୋଗରେ ପ୍ରଧାନମନ୍ତ୍ରୀ ନରେନ୍ଦ୍ର ମୋଦୀ ଶୋକ ବ୍ୟକ୍ତ କରିଛନ୍ତି ।
ପ୍ରଧାନମନ୍ତ୍ରୀ କହିଛନ୍ତି, “ଭାରତ ରତ୍ନ ଶ୍ରୀ ପ୍ରଣବ ମୁଖାର୍ଜୀଙ୍କ ବିୟୋଗରେ ଭାରତ ମର୍ମାହତ । ଆମ ଦେଶର ବିକାଶରେ ତାଙ୍କର ବହୁମୂଲ୍ୟ ଅବଦାନ ଅବିସ୍ମରଣୀୟ । ଜଣେ ବିଜ୍ଞ ଓ ପ୍ରତିଷ୍ଠିତ ବ୍ୟକ୍ତିତ୍ୱ ଭାବେ ରାଜନୈତିକ କ୍ଷେତ୍ର ତଥା ସମାଜର ସମସ୍ତ ବର୍ଗର ଲୋକଙ୍କ ଦ୍ୱାରା ସେ ପ୍ରଶଂସିତ ହୋଇଥିଲେ ।
ଦଶନ୍ଧି ଦଶନ୍ଧି ଧରି ଚାଲିଥିବା ତାଙ୍କ ଦୀର୍ଘ ରାଜନୈତିକ ଜୀବନକାଳରେ ଶ୍ରୀ ପ୍ରଣବ ମୁଖାର୍ଜୀଙ୍କର ଅର୍ଥ ଏବଂ ପ୍ରତିରକ୍ଷା ଭଳି ଗୁରୁତ୍ୱପୂର୍ଣ୍ଣ ମନ୍ତ୍ରଣାଳୟରେ ବିଶେଷ ଅବଦାନ ରହିଥିଲା । ସେ ଜଣେ ଉଚ୍ଚକୋଟୀର ସାଂସଦ ଥିଲେ । ସଂସଦରେ ସେ ସର୍ବଦା ପ୍ରସ୍ତୁତ ରହୁଥିଲେ ତଥା ଅତ୍ୟନ୍ତ ସ୍ପଷ୍ଟଭାଷୀ ଏବଂ ଚତୁର ବ୍ୟକ୍ତିତ୍ଵର ଅଧିକାରୀ ଥିଲେ ।
ଭାରତର ରାଷ୍ଟ୍ରପତି ଭାବରେ ଶ୍ରୀ ପ୍ରଣବ ମୁଖାର୍ଜୀ ରାଷ୍ଟ୍ରପତି ଭବନକୁ ସାଧାରଣ ନାଗରିକଙ୍କ ପାଇଁ ଅଧିକ ସୁଗମ କରିଥିଲେ । ସେ ରାଷ୍ଟ୍ରପତି ଭବନକୁ ଶିକ୍ଷା, ନବସୃଜନ, ସଂସ୍କୃତି, ବିଜ୍ଞାନ ଏବଂ ସାହିତ୍ୟର କେନ୍ଦ୍ରରେ ପରିଣତ କରିଥିଲେ । ଗୁରୁତ୍ୱପୂର୍ଣ୍ଣ ନୀତି ସମ୍ବନ୍ଧୀୟ ତାଙ୍କର ପରାମର୍ଶ ମୁଁ କେବେବି ଭୁଲି ପାରିବି ନାହିଁ ।
ମୁଁ 2014ରେ ଦିଲ୍ଲୀ ପାଇଁ ନୂଆ ଥିଲି । ପ୍ରଥମ ଦିନରୁ ହିଁ ଶ୍ରୀ ପ୍ରଣବ ମୁଖାର୍ଜୀଙ୍କ ମାର୍ଗଦର୍ଶନ, ସମର୍ଥନ ଏବଂ ଆଶୀର୍ବାଦ ପାଇଥିଲି । ତାଙ୍କ ସହିତ ମୋର ସମ୍ପର୍କକୁ ମୁଁ ସର୍ବଦା ଭଲପାଏ । ତାଙ୍କ ପରିବାର, ବନ୍ଧୁ, ପ୍ରଶଂସକ ଏବଂ ସମର୍ଥକଙ୍କ ପ୍ରତି ମୋର ସମବେଦନା । ଓମ୍ ଶାନ୍ତି ।
**********
(Release ID: 1650125)
Visitor Counter : 191
Read this release in:
Punjabi
,
English
,
Urdu
,
Hindi
,
Marathi
,
Bengali
,
Assamese
,
Manipuri
,
Gujarati
,
Tamil
,
Telugu
,
Kannada
,
Malayalam