কেন্দ্রগী হকশেল অমসুং য়াইফ-য়ুম্বাল মত্রীনা কর্নাতাকাগী মুখ্য মন্ত্রী শ্রী বি.এস. য়েদিয়ুরপ্পাগা লোইননা সুপর স্পিসিএলিতী ত্রোমা কেয়র সেন্তর (এস.এস.তি.সি.) অমা বিজয়ানাগর বিজয়ানাগর ইন্সতিত্যুৎ ওব মেদিকেল সাইন্স, বল্লারিদা দিজিতেলগী খুথাংদা খুদোল তমখ্রে। মসিগী মতুংদা শ্রী অস্বিনি কুমার চৌবে, হকশেল অমসুং য়াইফ-য়ুম্বালগী রাজ্যগী মন্ত্রীনা এক্সপ্রেস ফীদর লাইন, আই.সি.য়ু. ৱার্দশিং অমসুং কে.এল. ১৩গী লিক্বিদ মেদিকেল ওক্সিজেন তেঙ্ক অমা ফেসিলিতী অসিগীদমক শঙ্গাখি অমসুং দা. কে. সুধাকর, মেদিকেল এজুকেসন মন্ত্রী, কর্নাতাকা সরকারনা অনৌবা ক্রোস সেক্সন স্লাইস ১২৮ লৌবা ঙম্বা সি.তি. স্কেন অমা শঙ্গাখি।

এস.এস.তি.সি. অসি প্রধান মন্ত্রী স্বাস্থ্যা সুরক্সা য়োজনা (পি.এম.এস.এস.ৱাই.)গী মখাদা লুপা কোতি ১৫০ থাদদুনা শাখিবনি। মসিদা ইমর্জেন্সী অমসুং ত্রোমা, ন্যুরোসর্জরী অমসুং ওর্থোপেদিক্কী দিপার্ত্মেন্ত য়াওরি। হায়রিবা অনৌবা ব্লোক অসিদা মোদ্যুলার ওইবা ৬ য়াওনা ওপরেসন থিএতর ৮, সুপর স্পিসিএলিতী বেদ ২০০, আই.সি.য়ূ. বেদ ৭২, ভেন্তিলেতর ২০ অমসুং মমাংদসু পনখ্রবা অনৌবা মখলগী সি.তি.স্কেন অমসুং দিজিতেল এক্সরে মেচিন য়াওরি। ফেসিলিতী অসিদা পি.জি. মহৈরোই ২৭কী ত্রেনিং তৌফমসু য়াওরি।

লৈখিদ্রবা প্রধান মন্ত্রী শ্রী অতল বিহারি ভাজপায়ীনা ২০০৩দা পীখিবা নিং তম্বা নুমিৎকী ৱারোল নিংশিংলদুনা দা. হর্শ বর্ধন্না হায়খি, "ভাজপেয়ীগী মংলান্দা চহী ৫৬শুবা নিংতম্বগী মতুংদা ভারত্তা হান্না অমা লৈরম্বদগী এ.আই.এম.এম.এস. ৬ হাপচিনখি। হৌজিক লৈরিবা ইন্সতিত্যুতসন ৭৫সু এ.আই.আই.এম.এস.কী থাক্তা হাপকৎলগনি।" মহাক্না হান্নগী হকশেল মন্ত্রী শ্রীমতি সুশ্মা স্বারাজনা পি.এম.এস.এস.ৱাই. স্কিমদা হোৎনজরম্বা কয়াগী মতাংদা পনখি অমসুং মহাক্কা বল্লারিগা লৈনখিবা মরী নিংশিংখি। "ঙসিগী থৌরম অসি মখোয় লৈজরম্লবদি অদুক্কী মতীক হরাউজরমগনি। খ্বাইদগী হেন্না হরাউজরমগদবা মীওইশিংদি ঐখোয়গী ইরকসিদা তিল্লদ্রে।"

দা. হর্শ বর্ধন্না মখা তানা মহাক মশামক্না থেংনজখিবা প্রধান মন্ত্রী শ্রী নরেন্দ্র মোদীনা স্কিম অসিবু মাংদা পুখৎনবা হোৎনবদা মশাগী ৱাখল অমসুং পাঙ্গল পুথোকখিবশিং নিংশিংখি। "পি.এম.এস.এস.ৱাই.গী ৩শুবা তাংকক অসি ২০১৯দা লাউথোকখি অমসুং বল্লারিনা থংনবা চহীদা মখোয়গী ত্রোমা সেন্তর অমা ফংখি। মতীক চাবা জিল্লাশিংদা লিংখৎকদবা মেদিকেল কোলেজ ৭৪গী থবকশিংসু কন্না লৌখৎলি। "তিনখিবা মীয়ামদা অনৌবা এ.আই.আই.এম.এস. অমা কর্নাতাকাগীদমক লিংখৎনবগী কন্না খন্নরি অমসুং হৌজিক শাগৎলিবা মেদিকেল কোলেজ মরিগী মনুংদা চিক্কামাগুলুরু, হাবেরি, য়াদগিরি অমসুং চিকালাপুর জিল্লাদা অমমম লৈগনি হায়না পাউদমখি। মহাক্না মখা তানা হায়খি মদুদি হৌজিক ফাওবদা কেন্দ্রনা শেন্থং থাদদুনা অমসুং রাজ্যগী এদমিনিস্ত্রেসন্না য়েংশিন্দুনা মেদিকেল কোলেজ ১৫৭ হাংদোকখ্রে।

মহাক্না মখা তানা সরকারনা অয়ুশ্মান ভারত – হেলথ অমসুং ৱেলনেস সেন্তর লাখ ১.৫ দিসেম্বর ৩১, ২০২০ ফাওবগী মনুংদা মথৌ তৌহনগনি হায়খিবদু অমুক্কা হন্না থাজবা পীখি। সরকারনা "২০২৫ ফাওবা মতম থাখিবদুগী মমাংদা তি.বি., স্মোপোক্স, অমসুং পোলিও মুথৎকনি" হায়না লেপখিববুসু মহাক্না পনখি। মহাক্না মখা তানা, "মিজল অমসুং রুবেল্লাসু লাক্কদবা মতম খরসিদা মুত্থৎকনি হায়না ফোংদোকখি। ভারত সরকারনা হৌদোকখিবা 'অচুম্বা চীঞ্জাক চাবা ভারত' অমসুং 'ফিৎ ইন্দিয়া' মতাংদা ৱা ঙাংখি। "মসিনা লৈবাক অসিবু মশা মউ ফবা লৈবাক অমা ওইহন্নবা হোৎনবদা অচৌবা থৌদাং অমা লৌগনি", হায়না মহাক্না ফোংদোকখি। মহাক্না রাজ্যগী মরী লৈনবশিংদা অমসুং মীখলদা মায় পাক্লবশিংদা হায়রিবা স্কিমশিং অসিবু হকচিন্না য়েংশিন্দুনা কর্নাতাকাবু থৌরাংশিং অসি থবক ওইনা পায়খৎপদা মকোক থংনবা পুক্নিং চিংশিনখি।

কর্নাতাকানা শন্দোকপা থিংদুনা কোবিদ লাকশিনখিবদা থাগৎপা ফোংদোক্লদুনা শ্রী অশ্বিনি কুমার চৌবেনা মহাক্কী পুক্নিংগী ৱারোল ফোংদোক্লদুনা "প্রধান মন্ত্রী শ্রী নরেন্দ্র মোদীনা লৈখিদ্রবা শ্রী অতল বিহারি ভাজপায়ীগী মংলানশিং মাংজিল থানা পুখৎলদুনা বল্লারিগুম্বা শোত্থরবা লমদম অসিবু চাউখৎপগী মহৈ উবা ফংহনবীরে।"

শ্রী বি.এস. য়েদিয়ুরপ্পানা কেন্দ্র সরকারবু কর্নাতাকাদা হকশেলগী ইনফ্রাস্ত্রকচর ফগৎনবা হোৎনবদা অচৌবা থৌদাং লৌবীবগীদমক থাগৎচখি। মহাক্না হকশেল অমসুং য়াইফ-য়ুম্বাল মন্ত্রীদা গুল্বারগাদা লৈরিবা ই.এস.আই. হোস্পিতাল অসিবু এ.আই.আই.এম.এস.কী থাক্তা পুখৎপীদুনা লমদম অসিদা লৈরিবা মীয়ামদা খুদোংচাহন্নবগীদমক হায়জখি।

শ্রী অনন্দ সিংহ, কর্নাতাকাগী ফোরেস্ত, ইনভাইরোন্মেন্ত অমসুং ইকোলোজীগী কেবিনেৎ মন্ত্রী অমসুং বল্লারিগী দিস্ত্রিক্ত ইন চার্জ মন্ত্রী ওইরিবা শ্রী বি. স্রীরামুলু, হকশেল অমসুং য়াইফ-য়ুম্বাল অমসুং শোত্থরবা কাংলুপকী য়াইফ থৌরাং মন্ত্রালয় কর্নাতাকা সরকারগী দা. বি. দেবানন্দ, দিরেক্তর ভিমস, বল্লারিসু থৌরম অদুদা শরুক য়াখি। থৌরম অদুগী হৌবদগী লোইবফাওবদু শ্রী বি. নাগেন্দ্র, মেম্বর ওব লেজিস্লেতিব এসেমব্লী, কর্নাতাকাগী বল্লারি রুরেল কন্সতিত্যুএন্সীনা মপু ওইখি।

*****