প্রধানমন্ত্রীগী লোইশঙ
ওনম অসি মালেমগী কুমহৈ ওইরক্লি হায়না প্রধান মন্ত্রীনা মন কী বাৎতা হায়খ্রে
থাগৎখিবা:
30 AUG 2020 3:08PM by PIB Imphal
প্রধান মন্ত্রীগী খ্বাইদগী নৌবা মন কী বাৎকী থৌরমদা মহাক্না ৱা ঙাংখিবদা প্রধান মন্ত্রী শ্রী নরেন্দ্র মোদীনা ওনম কুমহৈগী মতাংদা ৱাফম খরা ফোঙদোকখি। মহাক্না কুমহৈ অসি চিঙ্গম থানা লাকপদা পাঙথোকই হায়খি। মতম অসিগী মনুংদা মীয়ম্না অনৌবা পোৎ-চৈ লৈনৈ, মখোয়গী ময়ুম্বু লৈতেংই, পুকলম শেম্মি অমসুং ওনম-সদিয়াগী হরাওবা ফোঙদোকই হায়না মহাক্না হায়খি।
ওনম কুমহৈগী থৌওংশিং অসি মীরম লৈবাক্কী মফমশিংদসু পাঙথোক্নদুনা কুমহৈ অসি মালেমগী কুমহৈ অমা ওইরক্লি হায়না প্রধান মন্ত্রীনা হায়খি।
ওনম কুমহৈ অসি লৌউ-শিংউবগা মরী লৈনৈ অমসুং মসিনা খুঙ্গংগী শেন্মিৎলোনগী অহৌবগী মশক তাকই হায়না মহাক্না হায়খি। খুন্নাই অসিনা লৌউবশিংগী থৌনাদগী পাঙ্গল লৌই হায়না মহাক্না হায়খি। বেদদা য়াওবা ঐখোয়গী চিঞ্জাক পীরিবা অন্নদাতাগী মতিক মগুনবু নীংশিংলদুনা প্রধান মন্ত্রীনা হায়খিবদা কোরোনাগী লুরবা তাল্লক অসিদসু ঐখোয়গী লৌউবশিংনা লৌরোক থাবা অমসুং লোকপদা হেনগৎলিবা অসিনা মখোয়গী মতিক উৎলি হায়খি অমসুং মখোয়গী অসিগুম্বা থবক কনবগী মতৌ অসিবু থাগৎপা ফোঙদোকখি।
*******
(রিলিজ আই.দি.: 1649787)
ভিজিতর কাউন্তর : 180
রিলিজ অসি মসিদা পাবীয়ু:
हिन्दी
,
Punjabi
,
English
,
Urdu
,
Marathi
,
Bengali
,
Assamese
,
Gujarati
,
Odia
,
Tamil
,
Telugu
,
Kannada
,
Malayalam