রেলৱেজ, কমর্স অমসুং ইন্দস্ত্রি মিনিস্তর পিয়ুস গোয়ল অমসুং ভিয়েৎনামগী ইন্দস্ত্রী অমসুং ত্রেদ মিনিস্তর ঐচ.ই. ত্রান তুৱান অনহ অনিনা ময়াই তাংবল লৌদুনা ২০২০গী ওগস্ত ২৯দা ১৭শুবা অসিয়ান-ইন্দিয়া ইকোনোমিক মিনিস্তরশিংগী খন্ন-নৈনবা পাংথোকখ্রে। মীফম অসি অসিয়ান ১০গী ত্রেদ মিনিস্তরশিংনা শরুক য়াখি মখোয় অদুদি ব্রুনৈ, কম্বোদিয়া, ইন্দোনেসিয়া, লাওস, মালেসিয়া, ম্যানমার, ফিলিপিন্স, শিঙ্গাপুর, থাইলেন্দ অমসুং ভিয়েৎনামনি। মিনিস্তরশিংনা অমুক হন্না পুন্না লায়চৎ মনুং অসিদা থবক শুমিন্নবগী অচেৎপা থাজবা থম্লি অমসুং অপিকপা শেন্মিৎলোন অমসুং শেল-থুমগী ফিভম লেংদনা থম্নবা অমসুং মরুওইনা চংদ্রবা য়াদবা পোৎলম অমদি হিদক লাংথকশিং অসি অপনবা লৈতনা মফম মফমদা দবল্যু.তি.ও.গী চৎন কাংলোন মতুং ইন্না য়ৌহনবা অসিনি।

মিনিস্তরশিংনা অসিয়ান ইন্দিয়া ত্রেদ ইন গুদস এগ্রিমেন্ত (এ.আই.তি.আই.এ.)গী অমুক হন্না শেম্দোকপদা মরুওইনা খন্নখি। মিনিস্তরনা পার্তি অনিগী মরক্তা লৈরিবা ত্রেদ তাইজ চাওখৎলকপা অমসুং শেন্মিৎলোন মরম্দা চংশিল্লিবা অসিদা থাগৎপা ফোংদোক্লি। এ.আই.বি.সি.হী রিপোর্তনা এ.আই.তি.আই.এ.বু মুচ্যেল বেনেফিত রিভিয়ু তৌবগী অয়াবা পীরি। ইন্দিয়া অমসুং এসিয়াগী লৈবাকশিংগী মিনিস্তরশিংনা মকোক থোংবা ওফিসিএলশংদা য়াম্না অথুবা মতম্দা ৱা খন্ননবা হায়খ্রে অমদি ইন্তর –অলিয়া, ত্রেদ এগ্রিমেন্ত লেম্না, ইচম চম্বা, করবাগীদমক পীবা। রিভিয়ু অসিনা এগ্রিমেন্ত অসিবু পুন্না ত্রেদ থবকশিংদা মতেং পাংলি অমসুং স্ত্রিমলাইন কস্তম অমসুং রিগুলেতরি প্রোসেদ্যুরশিং।

ৱা খন্নবা অসি হৌদোক্লদুনা শ্রী গোয়ালনা উৎখি ফ্রি ত্রেদ এগ্রিমেন্ত অসি নাকল খুদিংদা অমগা অমগী কান্নবা ওই। শ্রী গোয়ালনা ফোংদোকখি মদুদি নন-তারিফ খোঙয়েৎশিং লৌথোক্নবা চৎন কাংলোন অমা শেম্বা মথৌ তাই অমসু অফবা মার্কেত অমা শেম্বা মথৌ তাই। মিনিস্তর গোয়ালনা অমুক হন্না পল্লদুনা হায়খি মদুদি ইন্দিয়ানা লেংদবা মফম অমা এ.আই.তি.আই.এ.গী রিভিয়ুদা থেংথবা অসিদা হায়জরি মদুদি ২০২০গী নবেম্বর এ.এস.ই.এ.এন. – ইন্দিয়াগী মকোকশিংগী সমিত্তা ওন্থোক্নবা হায়জরি অমসুং রিভিয়ু অসিবু চহি অসি লোইদ্রিঙৈদা হৌগদবনি। মিনিস্তর গোয়ালনা অমুক হায় মদুদি ইন্দিয়া অমসুং এ.এস.ই.এ.এন. অসি অমগা অমগা য়ামনা নক্নবা মরী লৈনৈ, পুৱারিদগী অচেৎপা মরী লৈ, চৎনবী অমসুং য়েল্হৌগী মরী মসিনা তুং কোইনা লৈহৌরগনি।

ইন্দিয়ানা অমুকসু এ.আই.বি.সি. কনখৎনবগী ৱাফম খর থমখি অমসুং ফোরুম অসিনা পার্তি অনিদা শেন্মিৎলোন ফগৎনবা হোৎনবদা হেন্না মতেং ওইগনি।

*****