সেন্ত্রেল য়ুনিবর্সিতী ওরিসাগী ১২সুবা মপোক নুমিৎ ঙসি ভর্চুএল ওইনা পাংথোকখ্রে। থৌরম অদুদা য়ুনিয়ন এজুকেসন মিনিস্তর রামেস পোখ্রিয়াল ‘নিসান’ অমসুং পেত্রোলিয়ম অমসুং নেচরেল গ্যাস অমসুং স্তিলগী য়ুনিয়ন মিনিস্তর ধরমেন্দ্র প্রধান্না লেংদবা বিল্দিং অহুম শানবা উরেপ-উয়ুং তমখ্রে।

থৌরম অদুদা য়ুনিয়ন এজুকেসন মিনিস্তরনা হায়খি চহি খরগী মনুংদা য়ুনিবর্সিতী অসি ভারতকী মমিং লৈরবা য়ুনিবর্সিতীশিংগী মনুংদা অমা ওইরে। কোবিদ-১৯ মনুংদা ‘বারোসা’ থৌরম হৌদোক্তুনা কাউন্সেল্লিং পাংথোক্তুনা লাইচৎগী অৱাবশিং লাকশিন্নবা মহৈরোইশিংদা মতেং পাংবগীদমক য়ুনিবর্সিতী অসি থাগৎলি। য়ুনিবর্সিতী অসিনা য়ুমদা লৈরগা ওপন বুক এজামিনেসন পাংথোকপা অসিসু থাগৎনিংঙাইনি। মমাংঙৈদা অতোপ্পা লৈবাকশিংদগী মীওই কয়া ভারত্তা লাইরিক তম্বা লাকখি। অনৌবা এজুকেসন পোলিসিগী মখাদা অদুগুম্বা মখলগী লাইরিক তাকপী-তম্বীবগী থবক পায়খৎনবা হোৎনবা মতম ওইরে। য়ুনিবর্সিতী অসিনা রিছর্স অমসুং দিবলপমেন্তগী থবকশিংদা হেন্না থৱায় য়াওগদবনি।

I, along with the Union Minister of @PetroleumMin @dpradhanbjp ji, laid the foundation stone, of the Academic Block, Library and Staff Quarters of the Central University of Odisha today on its XII Foundation Day. pic.twitter.com/UaoDCejxY7

— Dr. Ramesh Pokhriyal Nishank (@DrRPNishank) August 29, 2020

মিনিস্তর ধরমেন্দ্র প্রধান্না হায়খি, খা থংবা ওরিসাদা মরুওইবা ইন্সতিতুৎ অমা ওইরিবা সেন্ত্রেল য়ুনিবর্সিতীগী ওরিসা অসিনা মফম অসিগী লাইরিক-লাইসু তাকপী-তম্বীবগী থবক মপুংফানা পাংথোক্লি। হেন্না ফগৎহন্নবা য়ুনিবর্সিতী অসিনা পুন্না থবক তৌমিন্নবা দরকার ওইরি। পুন্না থবক তৌমিন্নবগী মনুংদা নেসনেল রিছর্স ফাউন্দেসনগী মেন্তরসিপ প্রোগ্রাম, একাদেমিয়া-ইন্দস্ত্রি লিঙ্কেজ, ত্রাইবেল অমসুং এন্ত্রোপোলোজিকেলগী লমদা থিজিনবা অমসুং মফম অদুদা লৈরিবা ইন্দস্ত্রিশিং হায়বদি হিন্দুস্থান এরোনোতিক্স লিমিতেদ অমসুং নালকোগী কন্সলতেন্সিগী থবকশিং য়াওরি। মহাক্না হায়খি রাজ্য অসিগী অমতা ঙাইরবা সেন্ত্রেল য়ুনিবর্সিতী ওইবনা য়ুনিবর্সিতী অসিদা পীবা য়াবা মতেং পীগনি। মহৈরোইশিংনা অত্মানির্ভর ভারতকী লমজিং মৈরা ওইগদবনি।

মমাংদা, সেন্ত্রেল য়ুনিবর্সিতী ওরিসাগী ভি.সি প্রোফেসার আই, রামব্রাহ্মামনা য়ুনিবর্সিতীগী ফিরাল চিংখৎখি। য়ুনিবর্সিতী অসিগী মাইপাকপশিং অমসুং তুংগী থৌরাংশিং মহাক্না পাউদমখি। মহৈরোইশিংগী মরক্তা সাইন্স পাম্নবা হেনগৎহন্নবা অনৌবা সাইন্সকী কোর্সশিং হৌদোক্নবা মরুওইবা ৱাফমশিং মহাক্না ফোংদোকখি।  

ভারত সরকারগী ইকোনোমিক এদভাইজর দোক্তর সঞ্জিব সনয়ালনা ফাউন্দেসন দেগী ৱারোল পীখি। মহাক্না ভারত্তা লৈরিবা শেন-থুমগী খুদোংচাবশিংগী মতাংদা পনখি অমসুং মহাক্না হায়খি লাইরিক মনুংগী তাইবং অদুদগী থোরক্লগা অশেংবা তাইবংপাল খঙনবা মহৈরোইশিংনা লাইরিক তম্বদা থবক ওইনা পাংথোকপা পুন্সি অমা দরকার ওই। নৌনা হোংলক্লিবা মালেম অসিদা থেংনরিবা অৱাবশিং মায়োক্ননবা মহৈরোইশিংনা মখোয় মশামক লৌশিং তানশিনগদবনি। লাইরিক তম্বা মতমদা অনৌবা পাম্বৈশিং অমসুং অনৌবশিং পোৎলমশিং তমগদবনি অমসুং মসিনা লাইরিক তম্বা অদু মপুংফাগনি। মসিগী মতাংদা নিউ এজুকেসন পোলিসি অসি য়াম্না কান্নগনি।

য়ুনিবর্সিতীগী মহুৎশীন্দুনা প্রোফেসার সারত কুমার পালিতানা শক্নাইরবশিং তরাম্না ওকখি অমসুং য়ুনিবর্সিতীগী রেজিস্তার দোক্তর অসিত কুমার দাসানা থাগৎৱাহৈ পীখি। পাংথোকখিবা থৌরম অদুদা য়ুনিবর্সিতীগী মহৈরোইশিং ভর্চুএল ওইনা শরুক য়াখি অমসুং য়ুনিবর্সিতীগী ফেকলতি মেম্বরশিং অমসুং স্তাফশিং কেম্পস মনুংদা থাপ্না লৈদুনা শরুক য়াখি।

*****