জনুৱারি ২০২০দগী হৌনা কোবিদ-১৯গা লান্থেংনদুনা লাক্লিবা অসিদা ভারতনা অনৌবা মশক থোকপা থবক অমগা পাঙথোকপা ঙমখ্রে। অপুনবা তেস্ত তৌবগী মশিং অসি মমাংদা থোকখিদ্রিবা মওংদা খংহেন হেনগৎপগী থৌওং অমগী মতুং ইন্না কোতি ৪ হেনখ্রে।

অকনবা মিৎয়েং চংবা অমসুং কেন্দ্র সরকারনা লুচিংবা অমসুং রাজ্য/য়ু.তি.শিংনা থবক ওইনা পায়খত্তুনা খুৎশম্নদুনা চৎমিন্নবা থৌওংগী মতেংনা ভারতনা মীওই ৪,০৪,০৬,৬০৯ তেস্ত তৌদুনা অনৌবা মশক-থোকপা থবক পাঙথোকপা ঙমখ্রে। জনুৱারি ২০২০দা পুনেদা নোঙমদা তেস্ত অমখক পাঙথোকখিবা অদুদগী শাংলবা খোঙচৎ চত্তুনা লাক্তুনা ঙসিদি তেস্ত কোতি ৪ হেন্না পাঙথোকপা ঙম্লে।

নোঙমদা পাঙথোকপা তেস্তকী মশিংসু য়াম্না হেনগৎলে। নোঙমদা তেস্ত লাখ ১০ মাই পাক্না পাঙথোকপা ঙমখ্রবা মতুংদা হৌখিবা পুং ২৪দা অপুনবা তেস্ত ৯,২৮,৭৬১ পাঙথোকখি।

মসিনা তেস্ত পর মিলিয়ন (তি.পি.এম.)সু খুমাং চাওশিলহন্দুনা ২৯,২৮০দা হেনগৎহল্লে। তেস্ত তৌবগী চাং হেনগৎলিবা রাজ্য/য়ু.তি.শিংদা উবা ফংবগী মতুং ইন্না তেস্ত তৌবগী থাক ৱাংখৎলকপগী মতুং ইন্না পোজিতিব ওইবগী চাংসু হন্থরক্লি। লৈবাক্কী পোজিতিব ওইবগী চাং অসি ৮.৫৭%দা য়াম্না নেম্না লৈরে অমসুং লেপ্তনা হন্থরক্লি।

ভারতনা তেস্ত তৌবনা অহানবা অমসুং কোবিদকা থেংনবা অমসুং শেন্নবগী মরু ওইবা য়ুম্বী ওইবা তেস্ত, ত্রেক, ত্রীৎকী স্ত্রেতজিক থৌওং অসি চত্থদুনা লাক্লি। পাক শন্না তেস্ত তৌবগী থৌওং অসিনা অঙনবা মতমদা পোজিতিব ওইবা মীওইশিং খঙদোকপা ঙমদুনা মখোয়গী কন্তেক্তশিংবু নীংথিজনা ত্রেক তৌদুনা আইসোলেসন তৌদুনা থম্বা অমসুং য়ুমদা অমসুং হোস্পিতলদা আইসোলেসন তৌদুনা লৈরিবা মীওইশিংবু মতিক চাবা অমসুং মতম চাবা লায়েং পীদুনা চেকশিন্না থম্বা ঙম্লিবনি।

লৈবাক শিনবা থুংনা পোলিসী কয়াগী খুত্থাংদা দাইগ্নোস্তিক লেব মশিং হেনগৎহনবা অমসুং অরায়বা মওংদা তেস্ত তৌবগী খুদোংচাবা ফংহনবগী থৌওংশিং অসিনা লৈবাক্কী ওইবা তেস্ত তৌবগী মশিংদা য়াম্না হেনগৎহনবা ঙম্লিবনি। লৈবাক অসিদা লৈরিবা তেস্ত তৌনবা লেবসু সরকারগী লেব ১০০২ অমসুং প্রাইবেৎ লেব ৫৭৪ শুবগা লোইননা লৈবাক অসিদা অপুনবা ওইনা ১৫৭৬ শুদুনা মপাঙ্গল কনখৎলক্লি। মসিগী মনুংদাঃ

• রিএল তাইম আর.তি. পি.সি.আর.দা য়ুম্ফম ওইবা তেস্ত তৌনবা লেবঃ ৮০৬ (সরকারগী ৪৬২+ প্রাইবেৎঃ ৩৪৪)
• ত্রুনাৎতা য়ুম্ফম ওইবা তেস্তিং লেবঃ ৬৫০ (সরকারগী ৫০৬+ প্রাইবেৎঃ ১৪৪)
• সি.বি.এন.এ.এ.তি.দা য়ুম্ফম ওইবা তেস্তিং লেবঃ ১২০ (সরকারগী ৩৪+ প্রাইবেৎঃ ৮৬)

অচুম্বা, অমসুং খুদক্কী ওইবা কোবিদ-১৯গা মরী লৈনবা তেক্নিকেল ইস্যু, গাইদলাইন অমসুং এদ্ভাইজরীশিংগী ঈ-পাউশিংগীদমক https://www.mohfw.gov.in/ দা অমসুং @MoHFW_INDIA দা চাং নাইনা চঙবীয়ু।

কোবিদ-১৯গা মরী লৈনবা তেক্নিকেল ক্বেরীশিংগীদমক technicalquery.covid১৯[at]gov[dot]in দা থাবীয়ু অমসুং অতোপ্পশিংগী ওইনা ncov২০১৯[at]gov[dot]in and @CovidIndiaSevaদা থাবীয়ু।

কোবিদ-১৯গী ক্বেরীশিংগী ওইনা হকশেল অমসুং য়াইফ য়ুম্বাল মন্ত্রালয়গী হেল্পলাইন নম্বর +৯১-১১-২৩৯৭৮০৪৬ নত্ত্রগা ১০৭৫ (তোল-ফ্রী) দা কোল তৌবীয়ু

রাজ্যশিং/য়ু.তি.শিংগী হেল্পলাইন নম্বরশিংগী লিস্তসু https://www.mohfw.gov.in/pdf/coronvavirushelplinenumber.pdf তা ফংবীগনি।

*****