য়ুমলৈ-কৈরৈ মন্ত্রালয়

পদ্মা এৱার্দস-২০২১গীদমক্তা নোমিনেশনশিং সেপ্তেম্বর ১৫, ২০২০ ফাওবা হাংখিগনি

Posted On: 28 AUG 2020 6:13PM by PIB Imphal

২০২১গী রিপব্লিক দেগী থৌরমদা লাউথোক্কদবা পদ্মা এৱার্দসকীদমক্তা ওনলাইন নোমিনেশনশিং/রিকমেন্দেশনশিং অদু মেগী ১, ২০২০দগী হৌখ্রে। পদ্মা এৱার্দসকীদমক্তা নোমিনেশনশিং তৌবগী অরোইবা নুমিৎ অসি সেপ্তেম্বর ১৫, ২০২০নি। পদ্মা এৱার্দসকীদমক্তা নোমিনেশনশিং/রকমেন্দেশনশিং অদু ওনলাইনা ওইনা https://padmaawards.gov.in দা লৌশিনগনি। পোর্তল অসিদা হান্নদগী রেজিস্ত্রেশন ৮০৩৫ তৌদুনা লৈখ্রে, মসিদা নোমিনেশন/রিকমেন্দেশন ৬৩৬১ লোইখ্রে।

পদ্মা এৱার্দস, মিং ওইনা পল্লবদা, পদ্মা ৱিভুশন, পদ্মা ভুশন অমসুং পদ্মা শ্রী, হায়রিবশিং অসি লৈবাক অসিগী খ্বাইদগী ৱাংবা সিভিলিয়ন এৱার্দশিংগী মরক্তা অমনি। ৯৯৫৪ হৌদোকখিবা মসিগী এৱার্দশিং অসি চই খুদিংগী রপব্লিক দেগী থৌরমদা লাউথোকই। এৱার্দ অসিনা হিরম/দিসিপ্লিন খুদিংমক্তা, খুদম ওইনা , আর্ত, লিতরেচর অমসুং এজুকেশন, স্পোর্তস, মেদিসিন, সোসিয়েল ৱার্ক, সাইন্স অমসুং ইঞ্জিনীয়রিং, পব্লিক এফিয়র্স, সিভিল সার্বিস, ত্রেদ অমসুং ইন্দসত্রী অসিনচিংবশিং অসিদা ‘ৱার্ক ওফ দিসতিঙ্কশন’ খঙবীনবা অমসুং শক্নাইরবা অমসুং হেন্দোক-থোইদোকপা এচীফমেন্তশিং/সার্বিসশিংগীদমক্তা পীখি। মীপুম খুদিংমক মখোয়গী জাতি, শিনফম, ফম নত্রগা নুপা/নুপী খাইদনা এৱার্দশিং অসিগীদমক্তা ইলিজিবল ওই। দোক্তরশিং অমসুং সাইন্তিস্তশিং নত্তনা পি.এস.য়ু.শিংগা থবক তৌরিবশিং য়াওনা গোবর্নমেন্ত সার্ভেন্তশিং পদ্মা এৱার্দশিং অসিগীদমক্তা ইলিজিবল ওইদে।

সরকার অসিনা পদ্মা এৱার্দশিং অসিবু  “পীপলস পদমা”দা ওন্থোক্নবা কন্না হোতনরি। মরম অদুনা প্রজা মীয়ামদা সেল্ফ-নোমিনেশন য়াওনা নোমিনেশনশিং/রিকমেন্দেশনশিং তৌনবা হায়জরি।

নোমিনেশনশিং/রিকমেন্দেশনশিং অদু মথক্তা পনখ্রিবা পদ্মা পোর্তলদা য়াওরিবা ফোর্মেত অদুদা পনখিবা মথৌ তাবা অকুপ্পা মরোলশিং য়াওগদবনি, মসিদা রিকমেন্দ তৌখিবা মীওই অদুগী মহাক্কা মরী লৈনবা ফীল্দ/দিসিপ্লিন অদুদা মশক নাইবা অমসুং হেন্দোক-থোইদোকপা এচীফমেন্তশিং/সার্বিসশিং অদু ময়াক শেংনা উৎপা ৱারিগী মওংদা সাইতেশন অমা (য়াম্লবদা ৱাহৈ ৮০০) য়াোগদবনি।

হোম এফিয়র্সকী মন্ত্রালয়না কেন্দ্রগী মন্ত্রালয়শিং/দিপার্তমেন্তশিং, রাজ্য/য়ু.তি. সরকারশিং, ভারত রত্না অমসুং পদ্মা ৱিভুশন এৱার্দীশিং, ইন্সতিত্যুত ওফ এক্সেলেন্স খুদিংমক্তা পুন্না হোৎনমিন্নদুনা নুপীশিংগী মরক্তগী, খুনাইগী শোত্থরবা শরুক্তগী, এস.সি.শিং অমসুং এস.তি.শিং, দিৱ্যাঙ্গ মীওইশিং অমসুং খুনাইদা মশাগী ওইজবা থিদনা থবক তৌরিবা মীওইশিংদগী মখোয়গী হেদোক-থোইদোকপা অমসুং এচীফমেন্তশিং অদুগীদমক্তা মশক খঙবীবদা মতিক চারবা হৈ-শিংলবা মীওইশিং অদুবু খঙদোক্নবা হায়জখি।

মসিগী মতাংদা অকুপ্পা মরোলশিং অদু হোম এফিয়র্স মন্ত্রলয়গী ৱেবসাইত (www.mha.gov.in)দা ‘এৱার্দস এন্দ মেদলস’ হায়বা হেদিংগী মখাদা ফংবীগনি। মসিগী এৱার্দশিং অসিগা মরী লৈনবা স্তেত্যুতশিং অমসুং রুলশিং অদু লিঙ্ক আসিগি ৱেবসাইত https://padmaawards.gov.in/AboutAwards.aspx তা ফংবীগনি।

*****



(Release ID: 1649414) Visitor Counter : 66