ব্যুরো ওফ পুলিস রিসর্স অমসুং দিবেলপমেন্তনা হয়েং, ওগস্ত ২৮, ২০২০দা মসিগী চহি ৫০ শুবগী থৌরম পাঙথোক্কনি। হোমগী এম.ও.ঐচ. শ্রী কিশন রেদ্দীনা থৌরম অসিগী অথোয়বা মীথুং ওইবগী অয়াবা পীবীরক্লে অমসুং এম.ঐচ.এ.গী হোম সেক্রেতরী শ্রী অজয় কুমার ভল্লানা গেস্ত ওফ ওনর ওইগনি। কোরোনাগী লায়চৎ লৈবনা মরম ওইদুনা থৌরম অসি বর্চুএলগী খুত্থাংদা ওইনা পাঙথোক্লগনি। থৌরম অসি বি.পি.আর. অমসুং দি.গী ময়ায় লোইশঙ, মসিগী মনুং চনবা য়ুনিৎশিং, রাজ্যগী পুলিস অমসুং সি.এ.পি.এফ.শিংগী মফমশিংদা থৌরম অসিগী ওইনা পীবা ভিদিও লিঙ্কতা য়েংগনি।

ব্যুরো ওফ পুলিস রিসর্স অমসুং দিবেলপমেন্ত অসি ভারত সরকারগী গৃহ মন্ত্রালয়না পুলিসকী থৌওং পাঙথোকপদা নীংথিনা পাঙথোকপা, অথুবা অমসুং পথাপ নাইবা মওংদা পুলিসকী খুদোংচাদবশিং য়েংশিনবা অমসুং পুলিস্কী থৌওংশিং পাঙথোপকপদা সাইন্স অমসুং তেক্নোলোজী শিজিননবা কাঙলোনগা লোয়নবা ৱারেপ অমগী খুত্থাংদা ইং ১৯৭০গী ওগস্ত ২৮দা হৌদোকখিবনি। ব্যুরো অসি অহানবদা মশা অনি – রিসর্স, পব্লিকেসন অমসুং স্তেতিস্তিক্স দিবিজন অমদি দিবেলপমেন্ত দিবিজন-  থোক্না হৌদোকখি। ইং ১৯৭৩দা গোর কম্মিত্তী ওন পুলিস ত্রেনিংনা হায়বগী মতুং ইন্না ত্রেনিংগী দিবিজন হাপচিনখি। প্রিজন অমসুং প্রিজন রিফোর্মগী খুদোংচাদবশিং নৈননবগীদমক্তা ইং ১৯৯৫দা করেক্সনেল দিবিজন হৌদোকখি। ইং ২০০৮দা নেস্নেল পুলিস মিসন অমুক হাপচিনখি অমসুং দিবেলপমেন্ত দিবিজন অসিবুনা মোদর্নাইজেসন দিবিজন ওইনা নৌনা শেমদোকখি।

চহি কয়া অসিদা বি.পি.আর. অমসুং দি.না হৌজিক্কী লৈরিবা থৌদাং অসিদা অহেনবা থৌদাং কয়া হাপচিনবগী খুত্থাংদা শেমদোকপগী থৌওং কয়া অমা চত্থখি। সেন্তর ওফ এক্সসেলেন্স ফোর পুলিস অমসুং করেকস্নেল এদমিনিস্ত্রেসনগী মওংদা অখঙ অহৈ ওইরবা মওং ওইহল্লবা ভোপালগী সেন্ত্রেল একাদমী ফোর পুলিস ত্রেনিং অসি  হৌজিক অনৌবা য়ুনিৎ অমা হাপচিনবগা লোয়ননা বি.পি.আর. অমসুং দি.গী মনুং চনবা য়ুনিৎ ৬ লৈরে।

কেন্দ্রগী গৃহ মন্ত্রী শ্রী অমিৎ শাহনা মসিগী ৪৯শুবা হৌদোকখিবা নুমিৎকী থৌরমদা ব্যুরো অসিগী চহি ৫০শুবগী মতমদা চংশিল্লকপা ওইনা বি.পি.আর. অমসুং দি.না ভারতকী পুলিস্কী থৌওংদা তেংবাংখিবা অসিবু শম্লপ্না অসুম্না ফোঙদোকখিঃ

“बी. पी. आर. एण्ड डी. के बगैर अच्छी पुलिसिंग की कल्पना नहीं हो सकती”

 (বি.পি.আর. অমসুং দি. য়াওদনা অফবা পুলিস্কী থৌদাং পাঙথোকপা অসি ৱাখলনা লাম্বা ফংদে)

বি.পি.আর. অমসুং দি.গী খোঙচৎ অসি, হৌখিবা দিকেদ ৫দগী, মশক থোকপা ওইখি অমসুং মসিনা ভারতকী পুলিস্কী মওং শেম্বদা মরু ওইবা থৌদাং লৌখি। মসিনা পুলিসকী ফোর্স অসিবু মসিগী ত্রেনিংগী থৌওং অমসুং কেপাসিতী বিলদিং প্রোগ্রামশিংগী খুত্থাংদা, রিসর্স অমসুং নেস্নেল মিসন প্রোজেক্তকী খুত্থাংদা অমসুং পুলিস ফোর্সপু মতমগা চানবা অহোংবা অমসুং শিংনবশিংগা মাননা চৎহনবা ঙম্নবা মোদর্নাইজেসন তৌবগী থবক কয়াগী খুত্থাংদা শেম শাদুনা লাক্লি। হৌখিবা চহি ৫দা বি.পি.আর. অমসুং দি.না পুলিসকী মীওইশিংগী কেপাসিতী বিলদিংদা মিৎয়েং চংদুনা লাক্লি অমসুং চাউরাকপা ওফিসার অমসুং মীওই ৫৫,০০০মুক্তা ত্রেনিং পীখ্রে।

*****