পেন্সনরশিংনা মতম কয়াদগী হৌনা য়াম্না মরু ওইবা চে ওইরিবা পেন্সন পেমেন্ত ওর্দরগী অশেংবা চে অদু মাংখিবগী ৱাকৎ কয়া পেন্সন অমসুং পেন্সনরশিনগী য়াইফ য়ুম্বালগী বিভাগনা তাবা ফংলে। পি.পি.ও. য়াওদবা মতমদা পেন্সনরশিংনা মখল কয়াগী খুদোংচাদবা থেংনরি। নৌনা থবক্তগী পোত্থারবা শিংগী ওইনসু হৌজিক ওইরিবা কোবিদ-১৯গী লায়চৎ অসিনা মরম ওইদুনা পি.পি.ও.গী হার্দ কোপী ফংবদা অরুবা থৌওং অমা ওইরি।

হীরমশিং অসিগী মতুং ইন্না পেন্সন অমসুং পেন্সনরশিংগী য়াইফ য়ুম্বাল বিভাগ (দি.ও.পি.পি.দবল্যু.)না কেন্দ্র সরকারগী পেন্সন ফংলবা থৌমীশিংগী পুন্সি মহিংদা নুংঙাইহন্নবা হায়দুনা সি.জি.এ. (কন্ত্রোল্লর জেনেরেল ওফ একাউন্তস)গী পি.এফ.এম.এস. এপ্লিকেসনগী খুত্থাংদা পুথোকপা ইলেক্ত্রোনিক পেন্সন পেমেন্ত ওর্দর (ই.-পি.পি.ও.)গা দিজি লোক্করগা পুন্সিনবগী ৱারেপ লৌখ্রে। মসিগী পথাপ অসিনা পেন্সনর অমনা মতম অমা হেক্তদা মখোয়গী দিজি লোক্কর একাউন্ততগী মখোয়গী খ্বাইদগী অনৌবা পি.পি.ও.গী প্রিন্ত-আউৎ লৌবা য়াহনগনি। মসিগী থৌওং অসিনা দিজি লোক্করদা লৈরিবা মখোয়গী মরী লৈনবা পি.পি.ও.শিংগী পেমেন্ত রেকোর্দ অমা শেমগনি অমসুং নৌনা পেন্সন ফংলবা মীওইশিংদা পি.পি.ও. য়ৌহনবদা থেংথবা লৈররোই অমসুং চে ওইনা হকথেংননা পীনদ্রবসু য়ারগনি। হায়রিবা থৌওং অসি সিবিল মন্ত্রালয়না  ইং ২০২১-২২ ফাওবগী মনুংদা লোইশিন্নবা পান্দম থমখিবনি অমসুং বিভাগ অসিনা কোবিদ-১৯গী লায়চৎ অসি য়েংলদুনা মাংজৌননা লোইশিনখিবনি।

মসিগী ফেসিলিতী অসি পেন্সনরশিংগী পেন্সনগী প্রোসেসিং তৌবা হৌবদগীনা থৌওঙ্গ লোইশিনবা ফাওবগী সিঙ্গল ৱিন্দো সীস্তেম ওইরিবা ‘ভবিস্যা’ সোফৎৱেয়র শিজিন্নদুনা শাখিবনি। ‘ভবিশ্যা’না হৌজিক থবক্তগী পোত্থারগদবা মীওইশিংদা মখোয়গী ‘ভবিস্যা’ একাউন্তকা দিজি লোক্করগা মরী লৈনহনবগী অমসুং পরিং নাইবা মওংদা ই.-পি.পি.ও. লৌবগী অপাম্বা খনবা য়ারগনি।

পেন্সনরশিংগী দিজি লোক্করদা ই.-পি.পি.ও. থম্বদা চত্থগদবা খোঙ্কাপ খরাঃ

•  ‘ভবিস্যা’না থবক্তগী পোথারবা মীওইশিংদা মখোয়গী ‘ভবিস্যা’ একাউন্তকা দিজি লোক্করগা মরী লৈনহনবগী অমসুং ই.-পি.পি.ও. লৌবগী অপাম্বা পীরি
• মথক্তা পীরবা অপাম্বা অসি মীওইশিং অসুনা থবক্তগী পোত্থাবগী ফোর্ম মেনবা মতম অমসুং ফোর্ম থাজিল্লবা তুংদা খনবা য়াগনি
• থবক্তগী পোত্থারবা মীওইশিংনা মখোয়গী ‘ভবিস্যা’ একাউন্ততগী দিজি লোক্কর একাউন্ততা সাইন-ইন তৌবা য়াগনি অমসুং ‘ভবিস্যা’দা ই.-পি.পি.ও. অদু দিজি লোক্করদা ইনশিনবগী অয়াবা পীবা য়াগনি
• ই.-পি.পি.ও. হেক ফংবগা মসি মশা মথন্নতনা মরী লৈনবা দিজি লোক্কর একাউন্ততা চংখিগনি অমসুং থৌওঙ্গ অসিগী মতাংদা ‘ভবিস্যা’না মীওই অদুদা এস.এম.এস. নত্ত্রগা ইমেলগী খুত্থাংদা পাউ পীগনি
• ই.-পি.পি.ও. য়েংনবা নত্ত্রগা দাউনলোদ তৌনবগীদমক্তা মীওই অদুনা মহাক্কী দিজি লোক্কর একাউন্ততা চংগনি অমসিং পীরিবা লিঙ্ক অদুদা ক্লিক তৌগনি

মন্ত্রালয়/বিভাগ খুদিং অমসুং মরী লৈনবা ওফিসশিংগী  এদমিনিস্ত্রেতিব দিবিজনশিংদা মসিগী ৱারোলশিং অসি মরী লৈনবা মীওইশিংদা ভাব তাহন্নবা পাউ ফাওনবা খঙহনখ্রে।

*****