নীতি আয়োগ

নীতি আয়োগনা এস্কপোর্ত প্রিপেয়র্দনেস ইন্দেক্স (ই.পি.আই.) ২০২০গী রিপোর্ত ফোঙখ্রে

Posted On: 26 AUG 2020 1:53PM by PIB Imphal

নীতি আয়োগনা ইন্সতিত্যুৎ ওফ প্রিপেয়র্দনেস্কা খুৎশম্নদুনা ঙসি এস্কপোর্ত প্রিপেয়র্দনেস ইন্দেক্স (ই.পি.আই.) ২০২০ ফোঙখ্রে। এস্কপোর্ত তৌনবা শেম শাদুনা লৈবা অমসুং ভারতকী রাজ্যশিংগী মথৌ পাঙথোকপশিং য়েংশিনবগী অহানবা রিপোর্ত, ই.পি.আই.না খুদোংচাদবা অমসুং খুদোংচাবশিং মশক খঙদোক্নবা পান্দম থম্লি; সরকারগী পোলিসীশিংগী মথৌ পাঙথোকপা হেনগৎহনবা অমসুং হীরম কয়া অসিদা তেংবাংগদবা রীগুলেতরী ফ্রেমৱর্ক অমা শেম্নবা পুক্নিং থৌগৎলি।

ই.পি.আই.গী মওং মতৌ অসিদা য়ুম্বী ৪ য়াওরি- পোলিসী; ব্যুজিনেস ইকোসীস্তেম; এক্সপোর্ত ইকোসীস্তেম অমসুং এক্সপোর্ত পর্ফোর্মেন্স -  অমসুং মসিগী তেংবাংবা য়ুম্বী ১১ য়াওরি – এক্সপোর্ত প্রমোসন পোলিসী; ইন্সতিত্যুস্নেল ফ্রেমৱর্ক; ব্যুজিনেস ইনবাইরনমেন্ত; ইনফ্রাস্ত্রকচর; ত্রান্সপোর্ত কন্নেক্তিবিতী; এক্সেস তু ফাইনান্স; এক্সপোর্ত ইনফ্রাস্ত্রকচর; ত্রেদ সপ্পোর্ত; আর. অমসুং দি. ইনফ্রাস্ত্রকচর; এক্সপোর্ত দাইবর্সিফিকেসন অমসুং গ্রোথ ওরিএন্তেসন্নি।

“ভারতকী শেন্মিৎলোন্দা মালেমগী থাক্তা মীরমদা পোত্থোক য়োনবা ঙম্বগী মতিক লৈ। মসিগী মতিক অসিবু থবক্তা পাঙথোক্নবা ভারতনা মসিগী রাজ্য অমসুং য়ুনিয়ন তেরিতরীশিং অসি লৈবাক অসিগী মীরমদা পোত্থোক থাদোকপগী থৌওং অসিদা থৱাই য়াওনা শরুক য়াবগী তঙাই ফদবা লৈ। হায়রিবা পান্দম অসি ফংনবগীদমক্তা এক্সপোর্ত প্রিপেয়র্দনেস ইন্দেক্স ২০২০না রাজ্যশিংগী মতিক অমসুং তৌবা ঙম্বশিং য়েংশিল্লি। ইন্দেক্স অসিগী অকুপ্পা ৱারোলশিং অসিনা ঐখোয়গী স্তেকহোলদরশিংনা লৈবাক্কী অমসুং মসিগী মনুংগী থাক্তা লৈরিবা এক্সপোর্ত ইকোসীস্তেম অসিবু মপাঙ্গল হাপ্পদা তেংবাংগনি”, হায়না নীতি আয়োগকী ভাইস চেয়রমেন দাঃ রজিব কুমারনা হায়খি।

নীতি আয়োগকী চীফ একজেক্যুতিব ওফিসার শ্রী অমিতাব কান্তনা হায়খি, “এক্সপোর্ত প্রিপেয়র্দনেস ইন্দেক্স অসি সব-নেস্নেল থাক্তা মরু ওইবা মফমশিং মশক খঙদোক্নবা দেতাদা য়ুম্ফম ওইবা থৌওং অমনি। শেন্মিৎলোনগী য়ুনিৎ অমনা তুং কোইনা চৎপা এক্সপোর্তকী শাহৌ লৌবা ঙম্বগী তঙাই ফদবা হীরমশিংদা য়ুম্ফম ওইদুনা রাজ্য অমসুং য়ুনিয়ন তেরিতরীশিং অসি য়েংশিনখ্রে। ইন্দেক্স অসিনা রাজ্য সরকারশিংদা মখোয়গী মফমশিংগী এক্সপোর্ত প্রমোসনগা মরী লৈনবা থবকশিং য়েংশিনবদা কান্নবা মতেং পাংগনি অমসুং মসিগী মতুং ইন্না থৌওংশিং অসি করম্না শেমদোক্কনি হায়বা পোলিসী শেম্বদা চংগদবা ৱারোল কয়া পীবা ঙমদুনা থবক ওইনা পাঙথোকহনবা ঙমগনি”।

মসিগী ই.পি.আই.গী চেফোঙ অসিনা উৎলিবা অসি ভারতকী রাজ্য অয়াম্বনা এক্সপোর্ত দাইবর্সিফিকেসন, ত্রান্সপোর্ত কন্নেক্তিবিতী অমসুং ইনফ্রাস্ত্রকচরগী সব পিল্লরশিংদা চাংচত্তগী হেন্না নীংথিনা মথৌ তৌই হায়বা অসিনি। মসিগী সব পিল্লর অহুম অসিগী অপুনবা চাংচৎকী স্কোর অসি ৫০%দগী হেল্লি। মসিগা লোয়ননা, এক্সপোর্ত দাইবর্সিফিকেসন অমসুং ত্রান্সপোর্ত কন্নেক্তিবিতীদা নেমথবা খরা লৈরবসু চাংচৎ অসিনা হেন্না মাই পাকপা খরগী স্কোরনা অৱাংবা থাক্কী খলদা য়াম্না পুদুনা চৎখিবা নত্তে। অদুবু ভারতকী রাজ্যশিংনা এক্সপোর্তকী চাংদম্নবা হেনগৎহন্নবা অতোপ্পা মরু ওইবা হীরমশিংদসু মিৎয়েং চংগদবনি।

অপুনবগী ওইনদি সমুদ্র মপানগী লমশিংনা খ্বাইদগী নীংথিনা থবক তৌখি। গুজরাত, মহারাস্ত্রা অমসুং তমিল নাদুনা মকোক্কী অহানবা মফম অহুম মথংশিৎনা কনখি। অহানবা মকোক থোংবা তরাগী মনুংদগী সমুদ্র মপান্দা লৈবা মফম তরুক্তি এক্সপোর্ত খুমাং চাউশিলহন্নবা অকনবা অমসুং তেংবাংবা ঙম্বা মওং কয়া অমা লৈরে হায়বা তাকখি। কংফালনা কোইশিনবা মফমশিংগী ওইনা, রাজস্থাননা খ্বাইদগী নীংথিজনা মথৌ পাঙথোকখি অমসুং মসিগী মথংদা তেলঙ্গানা অমসুং হরয়ানানা তুং ইনখি। হিমালয়গী রাজ্যগী মনুংদনা উত্তরাখন্দনা খ্বাইদগী ফবা অমসুং মসিগী মতুংদা ত্রিপুরা অমসুং হিমাচল প্রদেশনা ওইখি। য়ুনিয়ন তেরিতরীশিংগী ওইনদি দিল্লীনা খ্বাইদগী নীংথিনা পাঙথোকখি ইমসুং গোৱা অমসুং চান্দিগরনা তুং ইনখি।

এক্সপোর্ত ওরিএন্তেসন অমসুং প্রিপেয়র্দনেস অসি চাউখৎপা রাজ্যখক্তদা ওইদে হায়না রিপোর্ত অসিনা তাক্লি। চাউখৎলক্লিবা রাজ্যসু অহোংবা নাইবা এক্সপোর্ত পোলিসীগী থবকশিং ইন্দুনা পাঙথোকপা ঙম্মি অমসুং মখোয়দা মথৌ তৌদুনা লৈরিবা প্রোমোস্নেল কাউন্সিলশিং লৈ অমসুং মখোয়গী এক্সপোর্তকী ফিভম ফগৎহন্নবা লৈবাক্কী লোজিস্তিক্সকী থৌরাংশিংগা মরী লৈননা চৎলি হায়বা তাকখি। রাজ্যশিং অসিগা মান্নবা সোসিও-ইকোনোমিক্কী ওইবা খুদোংচাদবশিং থেংনরিবা রাজ্যশিংনা ছতিসগর অমসুং ঝারখন্দনা পায়খৎলিবা খোঙথাংশিং অসি য়েংলগা মখোয়গী রাজ্যদসু শিজিন্নদুনা মখোয়গী এক্সপোর্ত হেনগৎহন্নবা হোৎনবা য়াই।

গ্রোথ ওরিএন্তেসনগী সব-পিল্লরগী মনুংদা লৈবা অৱাং-নোঙপোক্কী রাজ্য কয়াসু মখোয়গী লমদমগী পোত্থোকশিংদা মিৎয়েং চংদুনা এক্সপোর্ত হেনগৎহনবা য়াই। অসিগুম্বা পোত্থোকশিং (মরু মরাংগুম্বা) অসিনা নাকল অমদা এক্সপোর্ত হেনগৎহনবদা শিজিন্নবা য়াই অমসুং নাকল অমদনা রাজ্যসিগী লৌউবশিংগী শেন্থোক হেনগৎহনবদসু শিজিন্নবা য়াই।

রিপোর্ত অসিনা খঙলকপগী মতুং ইন্না ভারত্তা এক্সপোর্ত হেনগৎহনবগী থৌওংদা মরু ওইবা খুদোংচাদবা অহুম লৈঃ ইন্ত্রা অমসুং ইন্তর রিজনেলগী ওইবা এক্সপোর্তকী ইনফ্রাস্ত্রকচরশিংদা খেন্নবশিং; রাজ্যশিংগী মনুংদা ললোন ইতিক অমসুং শাহৌ লৌবগী শেন্নবদা ঙাক্লৌ পীনদবা অমসুং অরুবা অমসুং তোপ তোপ্পা এক্সপোর্ত প্রোমোৎ তৌনবা আর. অমসুং দি.গী ইনফ্রাস্ত্রকচর ফত্তবা।

মসিগী খুদোংচাদবশিং অসি থেংননবা মরু ওইবা খোঙথাং খরদা অহেনবা মিৎয়েং চংবগী তঙাই ফদবা লৈঃ এক্সপোর্ত ইনফ্রাস্ত্রকচর পুন্না ফগৎহনমিন্নবা; ইন্দস্ত্রী-একাদমিক্কী মরী ফগৎহনবা অমসুং ইকোনোমিক দিপ্লোমেসী লৈহন্নবা রাজ্যগী থাক্তা থবক পায়খৎপা। মসিগী থৌরাংশিং অসি কেন্দ্রগী মতিক চাবা ঙাক্লৌ লৈহন্দুনা লোকেলগী পোত্থোকশিংদা শেমদোক্লবা মওং-মতৌ অমসুং স্তেন্দর্দনা শৌগত্তুনা অমসুং অসিগুম্বা পোত্থোকশিং অসিগী অনৌবা শিজিন্নফম পুথোকপা ঙম্বগী মতিকপু থবক ওইনা পাঙথোকহনবা ঙম্বগী থৌওংশিংনা তেংবাংবা ঙমগনি।

‘আত্মানির্ভর ভারত্তা’ মিৎয়েং চংদুনা ভারত অসি চাউখৎপা শেন্মিৎলোন ওইহনবগী পান্দম অসি ফংনবা রাজ্য অমসুং য়ু.তি.শিংদগী এক্সপোর্ত হেনগৎহনবগী তঙাই ফদবা লৈ। রাজ্যশিংনা মতৌ করম্না পান্দম অসি ফংবদা তেংবাংগনি হায়বা ৱাফমশিং ই.পি.আই.না পীরি।

ই.পি.আই.গী অরোয়বা ফ্রেমৱর্ক অসি রাজ্য, য়ু.তি.শিং অমসুং একজিম বেঙ্ক, আই.আই.এফ.তি. অমসুং দি.জি.সি.আই.এস.তগী ফংবা ফীদবেক্তা য়ুম্ফম ওইবনি। দেতা অসি রাজ্য সরকারশিংদগী মরু ওইনা লৌবনি। ইন্দিকেতর খরগী ওইন্দি আর.বি.আই., দি.জি.সি.আই.এস. অমসুং কেন্দ্রগী মন্ত্রালয়শিংগা তান্নখি।

 

ফ্রেমৱর্ক

 

য়ুম্বী ৪ অমসুং মখোয়বু খনবগী হীরমশিং অসি মখাদা পীরিঃ

১. পোলিসীঃ পাক শনবা ত্রেদ পোলিসীনা এক্সপোর্ত অমসুং ইম্পোর্তকী থৌরাং য়াৎপগী মাইকৈ তাকই।

২. ব্যুজিনেস ইকোসীস্তেমঃ নীংথিনা থবক তৌবা ব্যুজিনেস ইকোসীস্তেমনা শেল থাদবশিংগী পুক্নিং চিংশিনবা অমসুং তোঙানবা মীওইশিংনা স্তার্ত-অপ হৌদোকপগী ইনফ্রাস্ত্রকচর শেম শাবদা তেংবাংই।

৩. এক্সপোর্ত ইকোসীস্তেমঃ মসিগী য়ুম্বী অসিনা এক্সপোর্ততা অখন্নবা ওইবা কারবারগী অকোয়ববু য়েংশিন্নবা পান্দম থম্মি।

৪. এক্সপোর্ত পর্ফোরমেন্সঃ মসিনা পুথোকপদা য়ুম্ফম ওইবা য়ুম্বীনি অমসুং মসিনা এক্সপোর্তকী মমি অসি রাজ্য অমসুং য়ুনিয়ন তেরিতরীশিংদা তাবগী মওং য়েংশিল্লি।

 

রিপোর্ত অসি পাবীয়ুঃ

https://niti.gov.in/sites/default/files/2020-08/Digital_ExportPreparednessIndex2020_0.pdf

থৌরম হৌদোকপগী লিঙ্কঃ

https://www.youtube.com/watch?v=pQlW73yV4lY

*****



(Release ID: 1648726) Visitor Counter : 4