ਤੇਲ ਅਤੇ ਗੈਸ ਉਦਯੋਗ ਨੇ ਮਹਾਮਾਰੀ ਨਾਲ ਸਬੰਧਿਤ ਸਾਰੀਆਂ ਐੱਸਓਪੀਜ਼ ਦੀ ਪਾਲਦਾ ਕਰਦਿਆਂ 20 ਅਪ੍ਰੈਲ, 2020 ਤੋਂ ਲੈ ਕੇ ਹੁਣ ਤੱਕ 5.88 ਲੱਖ ਕਰੋੜ ਰੁਪਏ ਦੀ ਅਨੁਮਾਨਿਤ ਲਾਗਤ ਨਾਲ 8,363 ਆਰਥਿਕ ਗਤੀਵਿਧੀਆਂ/ਪ੍ਰੋਜੈਕਟਾਂ ਦੀ ਸ਼ੁਰੂਆਤ ਕੀਤੀ ਹੈ।

ਇਹ ਪ੍ਰੋਜੈਕਟ ਤੇਲ ਅਤੇ ਗੈਸ CPSEs ਅਤੇ JV/ਸਹਾਇਕ ਇਕਾਈਆਂ ਦੇ ਹਨ; ਜਿਨ੍ਹਾਂ ਵਿੱਚ ਰੀਫ਼ਾਈਨਰੀ ਪ੍ਰੋਜੈਕਟ, ਬਾਇਓ ਰੀਫ਼ਾਈਨਰਜ਼, ਈ ਅਤੇ ਪੀ ਪ੍ਰੋਜੈਕਟ, ਮਾਰਕਿਟਿੰਗ ਬੁਨਿਆਦੀ ਢਾਂਚਾ ਪ੍ਰੋਜੈਕਟ, ਪਾਈਪਲਾਈਨਾਂ, CGD ਪ੍ਰੋਜੈਕਟ, ਡ੍ਰਿਲਿੰਗ/ਸਰਵੇਖਣ ਗਤੀਵਿਧੀਆਂ ਸ਼ਾਮਲ ਹਨ। ਇਸ ਵੇਲੇ ਚਲ ਰਹੇ ਤੇਲ ਅਤੇ ਗੈਸ CPSEs/JVs ਦੇ 25 ਪ੍ਰਮੁੱਖ ਪ੍ਰੋਜੈਕਟਾਂ ਦੀ ਅਨੁਮਾਨਿਤ ਲਾਗਤ 1,67,248 ਕਰੋੜ ਰੁਪਏ ਹੈ ਅਤੇ ਇਨ੍ਹਾਂ ਉੱਤੇ ਲੰਬੇ ਸਮੇਂ ਅੰਦਰ ਰੱਖ–ਰਖਾਅ ਉੱਤੇ ਵੱਧ ਤੋਂ ਵੱਧ 7,861 ਕਰੋੜ ਰੁਪਏ ਖ਼ਰਚ ਹੋਣੇ ਹਨ; ਇਨ੍ਹਾਂ ਨਾਲ 76,56,825 ਮਾਨਵ–ਦਿਵਸ ਦਾ ਰੋਜਗਾਰ ਪੈਦਾ ਹੋਵੇਗਾ, ਇਹ ਸਾਰੇ ਵੇਰਵੇ ਅਨੁਲਗ ਵਿੱਚ ਦਿੱਤੇ ਗਏ ਹਨ।

ਪੈਟਰੋਲੀਅਮ ਤੇ ਕੁਦਰਤੀ ਗੈਸ ਅਤੇ ਇਸਪਾਤ ਮੰਤਰੀ ਸ਼੍ਰੀ ਧਰਮੇਂਦਰ ਪ੍ਰਧਾਨ ਤੇਲ ਅਤੇ ਗੈਸ ਕੰਪਨੀਆਂ ਦੇ ਇਸ ਵੇਲੇ ਚਲ ਰਹੇ ਸਾਰੇ ਪ੍ਰੋਜੈਕਟਾਂ ਦੀ ਡੂੰਘੀਆਂ ਸਮੀਖਿਆਵਾਂ ਕਰ ਰਹੇ ਹਨ ਅਤੇ ਹਾਲੀਆ ਸਮੀਖਿਆ 24 ਅਗਸਤ, 2020 ਨੂੰ ਕੀਤੀ ਗਈ ਹੈ। ਮੰਤਰੀ ਦੀ ਦੂਰ–ਦ੍ਰਿਸ਼ਟੀ ਅਨੁਸਾਰ, ਪੈਟਰੋਲੀਅਮ ਉਦਯੋਗ ਨੇ ‘ਸੰਕਟ ਨੂੰ ਮੌਕੇ ਵਿੱਚ’ ਤਬਦੀਲ ਕਰ ਦਿੱਤਾ ਹੈ ਅਤੇ ਉਹ ਰੋਜਗਾਰ ਦੇ ਮੌਕੇ ਪੈਦਾ ਕਰਨ ਅਤੇ ਵਾਧੇ ਨੂੰ ਮੁੜ–ਸੁਰਜੀਤ ਕਰਨ ਲਈ ਮਿਸ਼ਨ ਮੋਡ ਵਿੱਚ ਕੰਮ ਕਰ ਰਿਹਾ ਹੈ।

ਤੇਲ ਅਤੇ ਗੈਸ ਇਕਾਈਆਂ ਪ੍ਰਮੁੱਖ ਕਾਰਕਾਂ ਵਜੋਂ ਆਪਣੀ ਭੂਮਿਕਾ ਨਿਭਾਉਂਦੀਆਂ ਹੋਈਆਂ ਜੰਗੀ ਪੱਧਰ ਉੱਤੇ ਕੰਮ ਕਰ ਰਹੀਆਂ ਹਨ ਅਤੇ ਆਰਥਿਕ ਪੁਨਰ–ਸੁਰਜੀਤੀ ਦੀ ਆਸ ਵਿੱਚ ਆਪਣਾ ਯੋਗਦਾਨ ਪਾ ਰਹੀਆਂ ਹਨ; ਜੋ ਕਿ ਪਹਿਲਾਂ ਤੇਲ ਅਤੇ ਗੈਸ ਉਦਯੋਗ ਦੇ ਪਿਛੋਕੜ ਦੇ ਅਤੇ ਅਗਲੇ ਲਿੰਕੇਜਸ ਜ਼ਰੀਏ ਦ੍ਰਿਸ਼ਟਮਾਨ ਹਨ। ਇਸ ਦੇ ਨਾਲ ਹੀ, ਤੇਲ ਅਤੇ ਗੈਸ ਖੇਤਰ ਆਰਥਿਕ ਵਾਧੇ ਦਾ ਮੁੱਖ ਚਾਲਕ ਹੈ ਅਤੇ ਇਯੇ ਲਈ, ਇਹ ਪ੍ਰੋਜੈਕਟ ਰਾਸ਼ਟਰੀ ਅਰਥਵਿਵਸਥਾ ਵਿੱਚ ਵਾਧੇ ਦਾ ਯੋਗਦਾਨ ਪਾਉਂਦੇ ਹਨ ਅਤੇ ਉਨ੍ਹਾਂ ਜ਼ਰੀਏ ਰੋਜਗਾਰ ਵਾਧਾ ਤੇ ਸਮੱਗਰੀਆਂ ਦੀ ਹਿੱਲਜੁੱਲ ਸ਼ੁਰੂ ਹੋਵੇਗੀ।

ਇਨ੍ਹਾਂ ਪ੍ਰੋਜੈਕਟਾਂ ਦੀ ਕੁੱਲ ਅਨੁਮਾਨਿਤ ਲਾਗਤ ਵਿੱਚੋਂ, ਲਗਭਗ 1.20 ਲੱਖ ਕਰੋੜ ਰੁਪਏ ਵਿੱਤ ਵਰ੍ਹੇ 2020–21 ਦੌਰਾਨ ਦੇਖ–ਰੇਖ ਉੱਤੇ ਖ਼ਰਚ ਕਰਨ ਦਾ ਟੀਚਾ ਹੈ। ਵਿੱਤ ਵਰ੍ਹੇ 2020–21 ਵਿੱਚ (15 ਅਗਸਤ, 2020 ਦੀ ਸਥਿਤੀ ਅਨੁਸਾਰ), ਲਗਭਗ 26,576 ਕਰੋੜ ਰੁਪਏ ਪਹਿਲਾਂ ਖ਼ਰਚ ਹੋ ਚੁੱਕੇ ਹਨ, ਇਸੇ ਸਮੇਂ ਦੌਰਾਨ ਲੇਬਰ ਖਾਤੇ ਵਿੱਚ 3,258 ਕਰੋੜ ਰੁਪਏ ਦਾ ਭੁਗਤਾਨ ਕੀਤਾ ਜਾਣਾ ਹੈ।

ਇਨ੍ਹਾਂ 8363 ਪ੍ਰੋਜੈਕਟਾਂ ਦੇ ਮੁਕੰਮਲ ਹੋਣ ’ਤੇ ਲਗਭਗ 33.8 ਕਰੋੜ ਮਾਨਵ–ਦਿਵਸ (ਸਿੱਧਾ ਅਤੇ ਅਸਿੱਧਾ) ਦਾ ਰੋਜਗਾਰ ਪੈਦਾ ਹੋਣ ਦੀ ਸੰਭਾਵਨਾ ਹੈ, ਜਿਨ੍ਹਾਂ ਵਿੱਚੋਂ 9.76 ਕਰੋੜ ਮਾਨਵ–ਦਿਵਸ ਦਾ ਰੋਜਗਾਰ ਵਿੱਤ ਵਰ੍ਹੇ 2020–21 ਵਿੱਚ ਹੀ ਪੈਦਾ ਕਰਨ ਦਾ ਟੀਚਾ ਹੈ। ਵਿੱਤ ਵਰ੍ਹੇ 2020–21 ਵਿੱਚ (15 ਅਗਸਤ, 2020 ਦੀ ਸਥਿਤੀ ਅਨੁਸਾਰ) ਤੇਲ ਤੇ ਗੈਸ ਦੇ ਇਹ ਪ੍ਰੋਜੈਕਟ ਲਾਗੂ ਕਰ ਕੇ ਪੂੰਜੀ ਖ਼ਰਚ ਜ਼ਰੀਏ 2.2 ਕਰੋੜ ਮਾਨਵ–ਦਿਵਸ ਤੋਂ ਵੱਧ ਦਾ ਰੋਜਗਾਰ ਪੈਦਾ ਕੀਤਾ ਗਿਆ ਹੈ।

ਵਿੱਤ ਵਰ੍ਹੇ 2020–21 ਵਿੱਚ ਤੇਲ ਤੇ ਗੈਸ ਕੰਪਨੀਆਂ ਨੇ ਦੀ ਰਿਪੋਰਟ ਮੁਤਾਬਕ ਉਨ੍ਹਾਂ ਨੇ ਲਗਭਗ 41,672 ਕਰੋੜ ਰੁਪਏ ਦੇ ਰੋਜਗਾਰ–ਰੁਝਾਨ ਨਾਲ ਸਬੰਧਿਤ ਅਪਰੇਟਿੰਗ ਖ਼ਰਚੇ ਦੀ ਯੋਜਨਾ ਉਲੀਕੀ ਹੈ, ਜਿਸ ਵਿੱਚੋਂ 11,296 ਕਰੋੜ ਰੁਪਏ ਪਹਿਲਾਂ ਹੀ ਖ਼ਰਚ ਹੋ ਚੁੱਕੇ ਹਨ।  41,672 ਕਰੋੜ ਰੁਪਏ ਦੇ ਇਸ ਅਪਰੇਟਿੰਗ ਖ਼ਰਚੇ ਨਾਲ ਲਗਭਗ 14.5 ਕਰੋੜ ਮਾਨਵ–ਦਿਵਸਾਂ ਦਾ ਰੋਜਗਾਰ (ਸਿੱਧਾ/ਅਸਿੱਧਾ) ਪੈਦਾ ਹੋਣ ਦੀ ਸੰਭਾਵਨਾ ਹੈ। ਵਿੱਤ ਵਰ੍ਹੇ 2020–21 ਵਿੱਚ (15 ਅਗਸਤ, 2020 ਦੀ ਸਥਿਤੀ ਅਨੁਸਾਰ) ਅਪਰੇਟਿੰਗ ਖ਼ਰਚੇ ਰਾਹੀਂ ਲਗਭਗ 4.4 ਕਰੋੜ ਮਾਨਵ–ਦਿਵਸਾਂ ਜਿੰਨਾ ਸਿੱਧਾ/ਅਸਿੱਧਾ ਰੋਜਗਾਰ ਪੈਦਾ ਹੋਇਆ ਹੈ।

ਵਿੱਤ ਵਰ੍ਹੇ 2020–21 ਵਿੱਚ, ਤੇਲ ਤੇ ਗੈਸ ਕੰਪਨੀਆਂ ਦਾ ਲਗਭਗ ਕੁੱਲ 1.62 ਲੱਖ ਕਰੋੜ ਰੁਪਏ (ਪੂੰਜੀ–ਖਰਚ ਅਤੇ ਰੋਜਗਾਰ ਲਈ ਹੋਣ ਵਾਲਾ ਅਪਰੇਟਿੰਗ ਖ਼ਰਚ) ਖ਼ਰਚ ਕੀਤੇ ਜਾਣ ਦਾ ਟੀਚਾ ਹੈ, ਜਿਸ ਨਾਲ ਲਗਭਗ 24 ਕਰੋੜ ਮਾਨਵ–ਦਿਵਸ ਦਾ ਰੋਜਗਾਰ (ਸਿੱਧਾ/ਅਸਿੱਧਾ) ਪੈਦਾ ਹੋਣ ਦੀ ਸੰਭਾਵਨਾ ਹੈ। ਇਸ ਰਕਮ ਨਾਲ ਨਿਵੇਸ਼ਾਂ ਦਾ ਇੱਕ ਵਧੀਆ ਚੱਕਰ ਬਣੇਗਾ ਅਤੇ ਨਿਸ਼ਚਿਤ ਤੌਰ ’ਤੇ ਭਾਰਤੀ ਅਰਥਵਿਵਸਥਾ ਨੂੰ ਪੁਨਰ–ਸੁਰਜੀਤ ਕਰਨ ਵਿੱਚ ਅਹਿਮ ਭੂਮਿਕਾ ਨਿਭਾਏਗਾ ਅਤੇ ਸਾਡੇ ਦੇਸ਼ ਦੀ ਜਨਤਾ ਨੂੰ ਰੋਜਗਾਰ ਦੇ ਮੌਕੇ ਵੀ ਮੁਹੱਈਆ ਹੋਣਗੇ।

ਪਾਰਾਦੀਪ ਐੱਲਪੀਜੀ ਦਰਾਮਦ ਟਰਮੀਨਲ

  ਮੋਨੋ ਏਥੀਲੀਨ ਗਲਾਈਕੋਲ (ਐੱਮਈਜੀ) ਪ੍ਰੋਜੈਕਟ, ਪਾਰਾਦੀਪ

ਅਨੁਲਗ

*********

ਵਾਈਬੀ