ৰাসায়নিক আৰু সাৰ মন্ত্ৰালয়
ক’ভিড-১৯ৰ বৰ্ধিত চাহিদাৰ প্ৰতি লক্ষ্য ৰাখি বেংগল ৰসায়ন আৰু ফাৰ্মাচিউটিকেল লিমিটেডে এদিনতে
অভিলেখ সংখ্যক ৫১,৯৬০ ফেনল বটল উৎপাদন কৰিলে
ক’ভিডৰ প্ৰাদুৰ্ভাৱৰ সময়ৰে পৰা মাহিলী ৪.৫ কোটিৰ পৰা ৬ কোটি টকালৈ ফেনলৰ বিক্ৰী হৈছে
Posted On:
25 AUG 2020 1:09PM by PIB Guwahati
ৰসায়ন আৰু সাৰ মন্ত্ৰালয়ৰ অধীনত বেংগল কেমিকেল এণ্ড ফাৰ্মাচিউটিকেল লিমিটেড (বিচিপিএল) শীৰ্ষক ৰাজহুৱা প্ৰতিষ্ঠানটোৱে ক’ভিড মহামাৰীৰ সময়ৰে পৰা তেওঁলোকৰ উৎপাদনৰ পৰিমাণ বৃদ্ধি কৰিছে৷ তেওঁলোকে এদিনতে ৫১,৯৬০ টা ফেনলৰ বটল উৎপাদন কৰি অভিলেখ সৃষ্টি কৰিছে৷ এই কৃতিত্বৰ অধিকাৰী হৈছে পশ্চিম বংগৰ উত্তৰ ২৪ পৰগণা ইউনিটৰ বিচিপিএল পানিহাটি৷
কেন্দ্ৰীয় ৰসায়ন আৰু সাৰ মন্ত্ৰী শ্ৰী ডি ভি সদানন্দ গৌড়ই উদ্যোগটোৰ পৰিচালন মণ্ডলী আৰু কৰ্মচাৰীসকলক এই বৃহৎ উৎপাদনৰ বাবে অভিনন্দন জনায়৷
বিচিপিএলৰ তৰফৰ পৰা কোৱা হয় যে ক’ভিডৰ পূৰ্বে উদ্যোগটোৱে প্ৰতিদিনে ১৫,০০০ বটল উৎপাদন কৰিছিল৷ তেতিয়া মাহিলী বিক্ৰীৰ পৰিমাণ আছিল ৩ৰ পৰা ৩.৫ কোটি টকা৷ এতিয়া এই পৰিমাণ মাহে ৪.৫ কোটিৰ পৰা ৬ কোটিলৈ বৃদ্ধি পাইছে৷
কৰ্মচাৰীসকলে ২০ অক্টোবৰলৈ দেওবাৰকে ধৰি অন্য বন্ধৰ দিনতো দুটা শ্বিফ্টত কাম কৰিব৷
উল্লেখ্য, বেংগল কেমিকেল এণ্ড ফাৰ্মাচিউটিকেল লিমিটেড হ’ল ভাৰতৰ প্ৰথমটো ফাৰ্মাচিউটিকেল উদ্যোগ যিয়ে ফাৰ্মা আৰু ঔদ্যোগিক সামগ্ৰী উৎপাদন কৰে৷
*****
RCJ/RKM/MANN
(Release ID: 1648590)
Visitor Counter : 134