কেমিকেল অমসুং ফর্তিলাইজর মন্ত্রালয়গী মখাদা লৈবা পব্লিক সেক্তর ইন্তর্প্রাইজ অমা ওইরিবা বেঙ্গাল কেমিকেল অমসুং ফার্মাস্যুতিকেল লিমিতেদ (বি.পি.সি.এল.)না মখোয়গী পুথোকপগী থবক অসি কোবিদ-১৯ লাইচৎ হেক শন্দোক্লকপদগী দিমান্দ হেনগৎলকপনা মরম ওইদুনা হেনগৎখ্রে। মসিনা মতম পুম্বগী ওইনা মমাংদা পুথোকখিদ্রিবা মওংদা ফেনিওল বোত্তল ৫১,৯৬০ নোংমদা পুথোকখ্রে। মসি পুম্নমক বি.সি.পি.এল. পানিহাতি, নোর্থ ২৪-পার্গনাস য়ুনিৎ, নোংচুপ বেঙ্গালনা হোৎনবদগী ফংখিবনি।

কেন্দ্রগী কেমিকেল অমসুং ফর্তিলাইজর মন্ত্রী শ্রী দি.ভি. সদানন্দ গৌরানা কম্পেনী অসিগী মেনেজমেন্ত অমসুং শিন্মীশিংবু মতম চুপ্পগী ওইনা চাং ৱাংনা পুথোকপগীদমক থাগৎপা ফোংদোকখি।

বি.সি.পি.এল. দিরেক্তর (ফাইনান্স) শ্রী পি.এম. চন্দ্রাইয়ানা হায়খি "হায়রিবসি চহী ১২০ শুরবা বি.সি.পি.এল.গী মতম চুপ্পগী ওইবা রেকোর্দনি। জুলাই ২০২০দা ঐখোয়না ফেনিওল বোত্তল ৩৮,০০০ নোংমদা পুথোকখি। থা অমগী মনুংদা কম্পেনী অসিনা পাকথোক চাউথোকহন্দুনা নোংমদা ফেনিওল বোত্তল ৫০,০০০ পুথোকপা ঙমখি। ওগস্ত ২৩, ২০২০দা বোত্তল ৫১,৯৬০ পুথোকখি।

বি.সি.পি.এল.না হায়খি মদুদি কোবিদ-১৯ লাইচৎ লাক্ত্রিঙৈ মতমদদি নোংমদা বোত্তল ১৫,০০০ পুথোক্লম্বনি। "ফেনিও থা খুদিংগী য়োনবগী চাং অসি লুপা কোতি ৩দগীনা ৩.৫ ফাওবা ওইরম্বনি। হায়রিবসি কোবিদ লাইচৎ হেক লাকখিবদগীদি লুপা কোতি ৪.৫দগীনা ৬ ফাওবা য়ৌদুনা পোত্থোক অসিগী দিমান্দ অসি কা হেন্না লৈরে হায়বা খঙবা ঙম্লে।

হায়রিবা লু নানবগী পোত্থোক অসিগী দিমান্দ অসি পীবা ঙম্নবগীদমক শিন্মীশিংনা ওক্তোবর ২০ (পুজাগী শুতি) ফাওবা কোবিদ লাইচৎকী খুদোংচাদ্রবা ফিবম অসি লান্থেংনদুনা নোংমাইজিং অমসুং শুতি মনুংফাওবা শিফ অনি খায়দোক্তুনা শুগনি।

বেঙ্গাল কেমিকেল অমসুং ফার্মাস্যুতিকেল লিমিতেদ অসি য়ুমদা শীজিন্নবা, ফার্মা অমসুং ইন্দস্ত্রিএলগী পোত্থোক পুথোকপা ভারতকী অহানবা ফার্মাস্যুতিকেল কম্পেনী অমনি।

*******