শিপ্পিং মন্ত্রালয়না ভারতকী হীথাংফমশিং অমসুং চার্তর ফ্লাইৎশিংগী খুত্থাংদা ক্র্যু ১,০০,০০০ হেন্না শিন্দোকপা হৌখ্রে। মসি মালেমদা ক্র্যু মশিং খ্বাইদগী য়াম্না শিন্দোকপা ওইরি। ক্র্যু শিন্দোকপা অসিদা জহাজ অমগী ক্র্যু মেন্বরশিং অতোপ্পা অমনা মহুৎ শিনজিনবা অমসুং জহাজকী সাইন-ওন অমসুং সাইন-ওফকী প্রোসিজরশিং য়াওরি।

কোরোনা লায়চৎ অসিনা খ্বাইদগী শোকহল্লিবশিংগী মরক্তা মেরিতাইম সেক্তর অসি অমনি। ফীভম অসিদা ভারতকী হীথাংফম পুম্নমক্না লায়চৎ মনুং অসিদা মথৌ তৌরি অমসুং তঙাই ফদবা সর্ভিসশিং ফংহল্লি অমসুং ভারতকী অমসুং মালেমগী সপ্লাই চেনগী মথৌ ফজনা তৌহল্লিবা মরু ওইবা থৌদাং অসি হীরোয়শিংনা লৌখি। সাইন-ওন অমসুং সাইন-ওফ লেপখিবা অমসুং তোঙান তোঙান লৈবাকশিংনা মালেম পুম্বদা থমখিবা লোকদাউনশিং অমসুং চত্থোক-চৎশিনদা অথিংবা থমখিবা অসিনা মরম ওইরগা হীরোয়শিংনা অৱাবা থেংনখি।

শিপ্পিংগী কেন্দ্রগী মিনিস্তর ওফ স্তেৎ (আই/সি), শ্রী মনসুখ মন্দাবিয়ানা অৱাবা তানফম অসিগী মনুংদা মরু ওইনা পন্দুনা লৈরুরবা হীরোয়শিং পুরক্নবা শিপ্পিংগী দি.জি.না হোৎনরিবশিং অদু থাগৎখি। মন্ত্রালয়না শিপ্পিংগী দি.জি.দা হীরোয়শিংদা খুদোংচাবা  ফংহন্নবা ৱাকৎশিং কোকহন্নবা পাম্বৈশিং পুথোক্নবা খঙহনখ্রে। অৱাবা তানফম অসিগী মনুংদা হীরোয়শিংনা মন্ত্রালয়দা ৱাকৎপা য়ানবা অমসুং ৱাকৎপগী সিস্তেম মতিক চানা লৈতবনা মরম ওইদুনা হীরোয় অমত্তনা অৱাবা মায়োক্নদনবা মহাক্না অকনবা ৱাফম ফোঙদোকখি।

লায়চৎ শন্দোরক্লিবা মনুংদা সমুদ্রদা পোৎ পুথোক পুশিন তৌবা লেপ্তনবা শিপ্পিংগী দি.জি.না সমুদ্রদা চৎপগী মথৌ তাবা সর্তিফিকেৎ মখলশিং, চত্থোক চৎশিন তৌনবগী ওনলাইন ই-পাসকী খুদোংচাবা অসিগুম্বা তোঙান তোঙানবা খোঙথাংশিং লৌখৎখ্রে। “চার্তর ফ্লাইশিংগী হীরোয়শিং মশক খঙদোক্নবা অমসিং পান্দুনা লৈরিবা হীরোয়শিংগী অকুপ্পা ৱারোলশিং অপলোদ তৌনবা লোয়ননা ওনলাইন্দা জহাজকী রেজিস্ত্রেসনশিং অমসুং ওনলাইন্দা চার্তর লাইসেন্স পীনবা ওনলাইনগী খুদোংচাবা অমা ফংহনখ্রে”, হায়না শিপ্পিংগী দি.জি. শ্রী অমিতাব কুমারনা মন্ত্রীদা ফোঙদোকখি।

শিপ্পিংগী দি.জি.না মেরিতাইম স্তেকহোল্দর ২০০০ হেনবদগী ইমেলশিং, ত্বিৎশিং অমসুং ছিথিগী থোংদা পাও লৌবা ঙমখি অমসুং মখোয়গী মথৌ তাবশিং ফংহন্নবা খুদক্তা খোঙথাংশিং লৌখৎখি। শিপ্পিংগী দি.জি.না মোদ্যুল কোর্সশিং অমসুং ওনলাইন ভর্চ্যুল কোর্সকী ই-লর্নিং পাঙথোকখ্রে। ওনলাইন কোর্সশিং লোয়শিল্লবা মতুংদা হীরোয়শিংগী ওনলাইন একজিৎ একজাম পাঙথোকখ্রে অমসুং কোবিদ-১৯গী লায়চৎকী খুদোংথিরবা মতম অসিদা মখোয়না হৌজিক ময়ুমদগী নুংঙাইনা একজাম থাবা য়ারগনি।

******