তুরিজম মন্ত্রালয়না ওগস্ত ২২, ২০২০দা পুথোকখিবা ‘হাইদ্রবাদকী কলচরেল হেরিতেজ’ হায়না মিংথোনবা ৱেবিনারগা লোয়ননা দেখো অপ্না দেশকী ৱেবিনার পরিংগী মশক থোক্লবা ৫০শুবা সেসন পাঙথোকখ্রে। ৱেবিনারগী পরিং অসি এপ্রিল ১৪, ২০২০দগী হৌদোকখিবনি। তুরিজম মন্ত্রালয়না দেখো অপ্না দেশকী ৱেবিনারশিং অসি মীয়াম্না কা-হেন্না খঙদবা মফমশিং অমসুং মীয়াম্না খঙনরবা মফমশিংগী হান্না খঙদবা ৱারোল কয়া অমগী মতাংদা ফোঙদোকপা ভারতকী লম-কোয়ফম কয়া অসিগী মরমদা মীয়ামদা খঙহন্দুনা মফমশিং অসিবু খুমাং চাউশিলহন্নবা পান্দম থমদুনা পাঙথোকপনি। মসিনা এক ভারত শ্রেস্থ ভারতকী ইথিলবুসু মীয়ামদা য়ৌহল্লি।

 “হাইদ্রবাদকী কলচরেল হেরিতেজ”কী ৱেবিনার অসি হেরিতেজ এজুকেসন কন্সলতেন্ত, অইবা অমসুং কঞ্জরবেসন আর্কিতেক্ত মিস মধু ভোত্তরীনা লান্থোকখি। মরু ওইনা হাইদ্রবাদকী অরিবা শহরদা লৈরিবা  য়ুমশা-কৈশাশিং, চিঞ্জাক, পুন্সি-মহিং অমসুং লোলগী মওংশিংদা নীংথিনা উবা ঙম্বা নিজামশিংনা লৈঙাক্লিঙৈ মতমগী ইস্লামিক ওইবা ইথিলগী অকনবা মমি তাদুনা হাইদ্রবাদনা তেলঙ্গানাগী অতোপ্পা মফমশিংদগী খেন্নরিবা হাইদ্রবাদকী নাৎকী ওইবা মওংশিং অসি ৱেবিনার অসিনা ময়েক শেংনা তাক্লি। মহাক্না অনৌবা শহর অসিনা মতৌ করম্না কোস্মোপোলিতান ওইবা চৎনবী অমগী মশক চেল্লিবনো হায়বগী মরমদা মিৎয়েং চংখি। হাইদ্রবাদকী হেরিতেজপু উৎপা ম্যুজিয়ম, আর্ত গেলেরী অমসুং একজিবিসন কয়া  অমনা হাইদ্রবাদকী ইনাক খুল্লবা খোরিলোল অমসুং লাইয়েকপগী মওংশিং উৎলি।

মিস ভোত্তরীনা হাইদ্রবাদ অসি মতৌ করম্না “পর্লসকী শহর” অমসুং “নিজামশিংগী শহর” হায়না মমিং চৎলিবনো অমসুং কুতুবশাহি শাগৈ হেক হৌরকপদগী পুৱারীগী মতিক মগুন লৈরবা মফম অমা ওইরিবনো হায়বসিগী মতাংদা শন্দোক্না তাকখি। মতুং তারকপা মতমদা শহর অসি মুঘল শাগৈনা খুদুম চনখিদুনা মমৈথংদা অসফজাহি শাগৈগী মখুত্তা তাখি। হাইদ্রবাদকী চৎনবী, চিঞ্জাক অমসুং শহর অসিগী মতিক মগুনগী খুদম ওইনা ঙসি ফাওবা লেপ্লিবা চারমিনার অমসুং গোল্কোন্দা কিলাগুম্বা তোঙান্না তাবা য়ুমশা-কৈশাশিং অসিদা  নিংথৌশিংগী থায়নগী ইথিলশিং অসিনা ঙসি ফাওবদা মতৌ করম্না তারিবনো হায়বসিগী ৱাফম কয়া ফোঙদোকখি।

ৱেবিনার লান্থোক্লিবা মীওই অসিনা মসিদা শরুক য়ারিবা মীওইশিংদা শহর অসিগী পুৱারীবু নৌহৌননা নিংশিংলদুনা ৱাফম কয়া থমখি। ফক্লাং খাদুনা লৈরবা গোল্কোন্দাদগী কোনুং অসিবু চাউথোকহন্নবা হায়দুনা ইং ১৫৯১দা মুহম্মদ কুলি কুতুব শাহনা হাইদ্রবাদ শহর লিংখৎখি। ইং ১৬৮৭তা মুঘলশিংনা শহর অসি লৌশিনখি। ইং ১৭২৪দা মুঘলগী লৈঙাক্লোই নিজাম অসফ জাহ ১না শহর অসিনা মশানা মশাবু লৈঙাকচরে হায়না লাউথোকখি অমসুং নিজাম হায়নসু খঙনবা অসফ জাহি শাগৈ হৌদোকখি। ইং ১৭৬৯দগী ১৯৪৮ ফাওবদা হাইদ্রবাদনা অসফ জাহিশিংগী কোনুং ওইরমখি। নিংথৌ পানবা হাইদ্রবাদ রাজ্যগী কোনুং অমা ওইনা মসিনা ইং ১৯৪৭তা নিং-তম্বা ফংখিবা ফাওবগী মনুংদা ব্রিটিশ রেসিদেন্সী অমসুং কেন্তোনমেন্তকী মফম ওইরম্মি।

কুতুব শাহি অমসুং নিজামগী লৈঙাকপগী পুৱারী ওইরবা পোৎলমশিং অসি ঙসি ফাওবা উবা ফংলি; চার্মিনার অসিনা শহর অসিগী খুদম অমা ওইরি। অনৌবা য়ুগকী লোইশিল্লকপা মতমদা মুঘল শাগৈসু দেক্কান্দা মরাই চাইথবা হৌরকখি অমসুং নিজামশিংনা অতোপ্পশিংবু মতেং পাংবগী থৌওং কয়া অসিনা মালেমগী মফম কয়াগী মীওইশিংগী পুক্নিং চিংশিনবা ঙমখি। মফম অসিগী মশাগী খুৎ-শা হৈবা মীওইশিং অমসুং অতোপ্পা মফমদগী লাকখিবা মীওইশিংগী মগুনশিংগা পুন্সিন্নদুনা তোঙানবা চৎনবী অমা লৈহল্লকখি অমসুং শহর অসিনা ওরিএন্তেল কলচরগী ময়ায় ওইবা মফম অমা ওইরকখি। লাই য়েকপা, খুৎনা শাবা পোৎলমশিং, লিক-কোক, খোরিলোল, ঙাংনবা ৱা অমসুং ফিজেৎ চাকচাশিং অসি ঙসি ফাওবদা মমিং চৎলি। শহর অসিদা লৈরিবা তেলেগু ফিলম ইন্দস্ত্রী অসি লৈবাক অসিগী অনিশুবা খ্বাইদগী চাউবা ফিলম পুথোকপগী মফম ওইরি। হাইদ্রবাদ অসি য়ুনেস্কোনা গেস্ত্রোনোমীগা থাক্তা খ্বাইদগী অনৌবা পুথোকপা শহর অমনি হায়না শকখংখি।

সেসন অসিদা মখাদা পীরিবা মরু ওইবা হাইদ্রবাদকী কলচরগী মফমশিং অসি উৎখিঃ

১. গোল্কোন্দা লানবন, হাইদ্রবাদ- হৌখিবা মতমগী ইনাক খুনবা অমসুং শহর অসিগী ৱারী ওইনা লিথোক্নদবা পুৱারীগী খউদম অমা ওইনা ঙসি ফাওবা চাউরবা লানবন অসিগী অকায়-অতোয়শিং অসি লেপ্তুনা লৈরি। নীংথিবগী মশক চেনবা মফম অসি হাইদ্রবাদতা লৈবা শুংশোই শোইদনা চৎকদবা পুৱারীগী মফম অমনি। মুহম্মদ কুলিনা অনৌবা শহর অমা লৈবগী তঙাই ফদবগী মতাংদা খনখি অমসুং চার্মিনারনা মপুং ওইবা মফম ওইহন্দুনা ভগ্নাগর (মহাক্কী নুংশিবিগী মমিং লৌদুনা) শেমখি।

২. চৌমাহল্লা কোনুং- অসফ জাহি শাগৈগী লৈফম ওইরম্বা চৌমাহল্লা কোনুং অসি হাইদ্রবাদতা শখি অমসুং চার্মিনার অমসুং লাদ বজারগী মমিং চৎলবা মফমশিংদা মনাক্তা লৈ। য়াম্না কুপ্না শেম শাখিবা কোনুং অসিনা নাৱাবকী নীংথিবশিং য়াওরি। নিজামগী শক্তিশিংগী লৈফম ওইরম্বা চৌমাহল্লা কোনুং অসিনা কলচর হেরিতেজ ঙাক শেনবগী য়ুনেস্কোগী এসিয়-পেসিফিক হেরিতেজ মেরিৎ এৱার্দ লৌখ্রে।

৩. চার্মিনার- মোন্যুমেন্ত অসি কুলি কুতব শাহনা মহাক্কী কোনুংবু গোল্কোন্দাদগী হাইদ্রবাদতা হোংলকপা মতমদা শাখিবনি। মসিগী মিনারেৎ মরি লৈবা মওং অসিদগী ৱাহন্থোক লৌদুনা মসিগী মমিং অসি থোনখিবনি।

৪. পুরানি হবেলি- হাইদ্রবাদকী খাইদগী চাউখৎপা মতমগী মশক তাকপা পুৱারীগী মফম অসি ঙসি ফাওবদা মসিগী আর্তৱর্ক অমসুং খুৎ-শা হৈবগীদমক মীয়াম্না খঙনরি। মসি পুৱারীবু পামজবা মীওইশিংদা অঙকপা ফাওহনবা ফজরবা স্ত্রকচর অমনি।

৫. মেক্কা মসজিদ- ভারতকী খ্বাইদগী লিবা অমসুং চাউবা মোস্ক অসি হাইদ্রবাদকী খ্বাইদগী ফজবা মফম অমনি অমসুং মসি ঔরংজেবনা ইং ১৬৯৩দা শাবা লোইশিনখিবনি। মসি শাবদা শিজিন্নরিবা চেকশিং অসি মেক্কাদগীনি হায়না থাজনৈ অমসুং মরম অসিদগী মমিং অসি থোল্লিবনি।

৬. কুতুব শাহিগী মোংফম- ইব্রাহিম বাঘতা লৈরিবা কুতুব শাহিগী মোংফমশিং অসি কুতুব শাহ শাগৈগী লৈঙাকপশিংনা শারম্বা অচৌবা মোস্ক অমসুং মোংফমশিংনি। মোংফমশিং অসি ৱাংখৎলবা মফমশিংদা শাদুনা মতোনশিং অসি কোইরপ তাই। হাইদ্রবাদতা লৈবা পুৱারীগী অপিকপা মফমশিং অসি মথোল অমতমক ওই অমসুং অচৌবশিং অসিনা মথোল অনি ওই। মফম অসি মুঘলশিংনা গোল্কোন্দা লানবনদা লান্দানবা শিজিন্নরম্মি। মোংফমশিং অসিগী মখাগী মথোলশিং অসি মুঘল লান্মীশিংগী শগোল থম্নবা শিজিন্নরম্মি।

৮. পাইগাহ মোংফমশিং- হাইদ্রবাদকী পিসাল বন্দাগী মীয়ামগী লৈফমশিংদা লৈবা পাইগাহ মোংফমশিং অসি পাইগাহ নিংথৌরেলগী ইমুং মনুংগী মোংফম কাংলুপ অমনি। হৌজিক অকাই অতোই ওইনা লৈজরবসু মসিগী মশক থোকপা য়ুমশা-কৈশাগী মওং অমসুং নীন্থিনা হক্লবা মার্বলগী পেনেলশিং অসি হৌজিক ফাওবদা উবা ফংলি। মসিগী পুৱারী ওইরবা মফম অসি অকোয়বদা লৈবা ইমুং খরনা য়েংশিল্লি।

৮. সলার জং ম্যুজিয়ম- মসি ইং ১৯৫১দা লীংখৎখিবা আর্ত ম্যুজিয়ম অমনি অমসুং হাইদ্রবাদ শহরগী মুসি তুরেলগী খা থংবা তোর্বান্দা লৈবা দার-উল-শিফাদা লৈ। মালেম শিনবা থুংবদগী খোমজিনবা অতাংবা আর্তকী পোৎশিন অসিগী থৌদাং সলার জং ইমুং মনুংনা লৌরি। ইমুং অসি দেক্কান পুৱারীগী মমিং চৎপশিংগী মনুংদা অমনি অমসুং মখোয়গী মরক্তগী মঙাদি মতম অমগী নিজাম্না লৈঙাক্লম্বা হাইদ্রবাদ-দেক্কানগী প্রধান মন্ত্রী ওইরম্মি।

৯. ৱারাংগল লানবন- মসিগী লানবন অসি ১২শুবা চহি-চাদা কাকাতিয়া শাগৈগী কোনুং ওইরম্মি হায়না থাজনরি। লানবন অসিগী নীংথিনা লৈতেংবা কাকাতিয়া কালা থোরানম হায়না খঙনবা থোঙ মরি লৈ অমসুং মসিনা হৌজিক্তি কায়থরবা অফাওবা শিব মন্দিরগী চঙফম ওইরম্মি।

১০. কুতুব শাহিগী উগী কোনুং- মসিগী কোনুং অসি ললোন ইতিক্কী লম্বী অমসু ওইরম্মি।

মসিগী অকোয়বদা শারিবা স্ত্রকচর কয়া অসিনা মসিগী মরু ওইবা অসিবু তাক্লি। গোল্কোন্দা-চার্মিনার-পুল-ই-নারবানা অনৌবা কোনুংগা লানবনগা শম্নহল্লি।

সেকন্দ্রবাদকী শহর ফাইবোক অসিগী মতাংদা ৱা ঙাংবদা মিস ভোত্তরীনা মতৌ করম্না ইং ১৭৯৮দা অনিশুবা নিজাম অমসুং ব্রিতিশকী মরক্তা সবসিদরী এল্লাইএন্স শেমখিবগে হায়বা তাকখি। চার্মিনারগী অৱাংদা লৈবা অথাপ্পা মফম অমদা লৈবা শহর অসিগী শরুক অমা লান্মীশিংগী লৈফম ওইনা শেমখি অমসুং মসিবু অহুমশুবা নিজাম নৱাব সিকন্দর শাহগী মমিং লৌদুনা সেকন্দ্রবাদ হায়না মিংথোনখি। য়ুরোপকী মওংদা য়ুমশা-কৈশা তৌবসি ইং ১৯০৮দা হৌখি অমসুং মসিগী তুংদা ঈশিং ইচাউ অমসুং ইং ১৯১১দা প্লেগ থোকখি।

অরিবা হেরিতেজকী স্ত্রকচর অমসুং অনৌবা য়ুমশিংগী য়ানশিন্নবা অসিগী মথক্তা হাইদ্রবাদ অসি লাদ বজারদা লাক খুজি অমসুং মিংশেলগী খুজি; পথারঘাত্তিদা পর্ল অমসুং লিক-কোন; লাদ বজার অমসুং পথারঘাত্তিদা মফমসিগী মীয়ামগী ফিজেৎ অমসুং চাতা বজারদা খুৎইগী হীরমদা অফাওবা অমা ওইরি। শহর অসি চাবা য়াবা লুপাগী ফোইল, জারদোজিগী থবকশিং অমসুং খৎইগীদমক্তা মমিং চৎলি।

লান্থোক্লিবা মীওই অসিনা রাজ্য অসিগী নাৎ অমসুং চৎনবী তাকপা তেলঙ্গানা রাজ্য সরকারনা শিনবা খোংনা চত্তুনা কোয়বগী মরমদসু ৱা ঙাংখি। রাজ্য সরকারগী হাইদ্রবাদ কৌবা এপ অমসু লৈ।

মীফম অসি ৱাতেম্লদুনা এদিস্নেল দাইরেক্তর জেনেরেল মিস রুপিন্দর ব্রারনা হাইদ্রবাদতা শোরোক, রেল অমসুং নোংথক্কী লম্বীনা য়োউবা য়াবগী মতাংদা হায়খি। শহর অসিগী ইন্তর্নেস্নেল এয়রপোর্ত অসি য়ুরোপ, মিদ্দল ইস্ত অমসুং সাউথ ইস্ত এসিয়াগা নীংথিনা শম্নরি হায়খি। হাইদ্রবাদ ইন্তর্নেস্নেল এয়রপোর্ত্না মসিগী থবক চলায়বগী মওং, লু-নানবা অমসুং নীংথিরবা ইনর্জী ইফিসিএন্ত য়ুনিৎকী মতাংদা মনা কয়া ফংলে।

মহাক্না তুরিজম মন্ত্রালয়না তেংবাংবা ইনক্রেদিবল ইন্দিয়া তুরিস্ত ফেসিলিতেতর সর্তিফিকেসন প্রোগ্রামগী মতাংদা হায়খি। মসিগী প্রোগ্রাম অসি মফম অসিগী পুৱারী ওইরবা নাৎ অমসুং হেরিতেজকী মরমদা লমকোয়বশিংদা ৱারী লিবগী মওংদা য়াম্না কান্নবা পীগদবা ওনলাইন লর্নিং প্রোগ্রাম অমনি। মসিনা মফম অসিগী মীয়ামদা মফম অসিগী চৎনবীবু লম কোয়বা লাক্লিবা মীওইশিংদা নীংথিজনা তাকপা ঙহল্লি।

ৱেবিনার অসিগী সেসন অসি https://www.youtube.com/channel/UCbzIbBmMvtvH7d6Zo_ZEHDA/featured দা অমসুং তুরিজম মন্ত্রালয়গী ৱেবসাইৎ incredibleindia.org অমসুং tourism.gov. in দা ফংগনি। “এক্সপ্লোরিং হামপি” হায়না মিংথোনবা মথংগী ৱেবিনার অসি ওগস্ত ২৯, ২০২০গী অয়ুক্কী পুং ১১দা ফংগনি।

*******