গরীব কল্যান রোজগার অভিয়ানগী মখাদা ভারত রেলৱেজনা রাজ্য ৬ হায়বদি বিহার, ঝারখান্দ, মৈধ্য প্রদেস, ওরিসা, রাজস্থান অমসুং উত্তর প্রদেসতা নুমিৎ ৬,৪০,০০০গী থবক ফংহনখ্রে।

রেলৱেজ মিনিস্তর পিয়ুস গোয়ালনা হায়রিবা প্রোজেকশিংগী ফিবম অমসুং স্কিম অসিগী মখাদা রাজ্যশিংগী শিন্মীশিংনা ফংলিবা থবক শুবগী খুদোংচাবশিং য়েংশিনখি। হায়রিবা রাজ্যশিং অসিদা চাউরাক্না রেলৱেজগী প্রোজেক ১৬৫ পায়খৎলি।

২০২০গী অগস্ত ২১ ফাওবদা, মসিগী অভিয়ান অসিদা শিন্মী ১২,২৭৬ থবক শীজিন্নখি অমসুং প্রোজেকশিং পায়খৎপগীদমক থিকাদারশিংদা লুপা করোর ১,৪১০.৩৫ থাদোকখ্রে।

রাজ্য সরকারশিংগী নক্না থবক তৌমিন্ননবা রেলৱেজনা জিলা খুদিংমক অমসুং রাজ্য খুদিংমক্তা নোদেল ওফিসারশিং হাপ্লে।

স্কিম অসিগী মখাদা রেলৱেজনা পায়খৎলিবা থবকশিং অদুদি; লেবেল ক্রোশিং য়ৌবা লম্বী শেম্বা; ত্রেক পরিংদা লৈবা ফুনগৎলবা ঈশিং লম্বীশিং অমসুং খোঙবালশিং তেংথোকপা; রেলৱেজ স্তেসনশিং য়ৌবা লম্বীশিং শেম্বা অমসুং রিপিয়ার তৌবা; হৌজিক লৈরিবা রেলৱেজ ইমবেঙ্কমেন্তশিং পাকথোকহনবা অমসুং নৌনা শেমজিনবা; রেলৱেজগী লমগী অরোইবা ঙমখৈদা উ পাম্বীশিং থাবা অমসুং হৌজিক লৈরিবা থোঙশিং/ ইমবেঙ্কমেন্তশিং ঙাকথোক্নবা থবকশিং পায়খৎপনি।

কোবিদ-১৯ লাইচৎনা মরম ওইদুনা মখোয়গী খুঙ্গংশিংদা হল্লক্লবা মশিং য়াম্লবা শিন্মীশিংদা হিংনবা থবক পীনবা ২০২০গী জুন ২০দা প্রধান মন্ত্রী নরেন্দ্র মোদীনা গরীব কল্যান রোজগার অভিয়ান হৌদোকখিবনি। গরীব কল্যান রোজগার অভিয়ানগী মখাদা খুঙ্গংদা তুংকোইনা লৈহৌগদবা মচাক-মথুমশিং শেমগৎহৌনবা লুপা করোর ৫০,০০০ চাদিং তৌগনি হায়না প্রধান মন্ত্রীনা লাউথোকখি।

গরীব কল্যান রোজগার অভিয়ান অসি নুমি ১২৫গী ওইনা পায়খৎপনি অমসুং মসিনা রাজ্য ৬ হায়বদি বিহার, ঝারখান্দ, মৈধ্য প্রদেস, ওরিসা, রাজস্থান অমসুং উত্তর প্রদেসগী জিলা ১১৬গী অতোপ্পা রাজ্যশিংদা হল্লকপা শিন্মীশিংদা থবক পীনবা মখল ২৬গী থবকশিং পায়খৎলি। অভিয়ান অসিগী মখাদা লুপা করোর ৫০,০০০গী মীয়ামগী থবকশিং পায়খৎলে।

অভিয়ান অসিদা তোঙান-তোঙানবা মিনিস্ত্রিশিং/দিপার্তমেন্ত ১২ হায়বদি; রুরেল দিবলপমেন্ত, পঞ্চায়তি রাজ, রোদ ত্রান্সপোর্ত অমসুং হাইৱেজ, মাইন্স, দ্রিকিং ৱাতর অমসুং সেনিতেসন, ইনভাইরোনমেন্ত, রেলৱেজ, পেত্রোলিয়ম অমসুং নেচরেল গ্যাস, নিউ অমসুং রিনিউএবল ইনর্জি, বোর্দর রোদ, তেলিকোম অমসুং এগ্রিকলচরগী থবকশিং পুনশিল্লি। লোয়ন্না মীয়ামগী থবক ২৫ পায়খৎতুনা হিংনবগী লম্বীশিং ফংহল্লি।

*****