আজিৰ দিনটোত ভাৰতৰ দৈনিক নমূনা পৰীক্ষা ১০লাখ ২৩ হাজাৰেৰে নতুন উচ্চতাত উপনীত হোৱাৰ লগতে বিগত ২৪ ঘণ্টাত ৬৩,৬৩১গৰাকী ৰোগী আৰোগ্যৰে এটা দিনত সৰ্বাধিক লোক আৰোগ্যৰ অভিলেখ ৰচনা কৰিছে ভাৰতে৷

এই সৰ্বাধিক ক’ভিড-১৯ ৰোগী আৰোগ্য আৰু হাস্পতালৰ পৰা ডিছচাৰ্জ দিয়া তথা হোম আইছ’লেচনত ৰখা লোকৰ সৈতে দেশত আৰোগ্যৰ হাৰ ৭৪.৬৯%লৈ উন্নীত হৈছে৷ এই ব্যৱস্থাই মৃত্যুৰ হাৰো নিম্নগামী হোৱাত সহায় কৰিছে, যাৰ ফলত আজিৰ দিনটোত এই হাৰ ১.৮৭% হৈছে৷

ভাৰতত চিকিৎসাধীন(৬,৯৭,৩৩০জন) ৰোগীতকৈ আৰোগ্যৰ সংখ্যা ১৫লাখতকৈ অধিক হৈছে৷ এই অভিলেখপূৰ্ণ আৰোগ্যৰ হাৰে দেশত হাস্পতালত চিকিৎসাধীন ৰোগীৰ বোজা হ্ৰাস কৰিছে৷ বৰ্তমান মুঠ আক্ৰান্ত লোকৰ বিপৰীতে চিকিৎসাধীন ৰোগীৰ হাৰ ২৩.৪৩% হৈছে৷

ভাৰত চৰকাৰে ৰাজ্য আৰু কেন্দ্ৰীয় শাসিত অঞ্চলসমূহৰ সৈতে “পৰীক্ষা, চিনাক্ত, চিকিৎসা” কৌশলৰ অৱলম্বন কৰি ক’ভিড-১৯ প্ৰতিৰোধ, নিয়ন্ত্ৰণ আৰু ব্যৱস্থাপনাৰ বাবে গ্ৰহণ কৰা পৰ্যায়ভিত্তিক আৰু সক্ৰিয় দৃষ্টিভংগীৰ ফলতে আক্ৰান্ত ৰোগী দ্ৰুতগতিত আৰোগ্য হৈছে৷ আগ্ৰাসী পৰীক্ষণ ব্যৱস্থাৰ জৰিয়তে ৰোগীক আগতীয়াকৈ চিনাক্তকৰণ কৰাৰ উপৰি চিকিৎসা আন্তঃগাঁথনিও দ্ৰুতগতিত বৃদ্ধি কৰি আক্ৰান্ত লোকসকলক ৰখা হৈছে৷

ক’ভিড-১৯ সম্পৰ্কীয় সকলো প্ৰমাণীকৃত আৰু আপডেটেড তথ্য, নিৰ্দেশনা আৰু পৰামৰ্শৱলীৰ বাবে অনুগ্ৰহ নিয়মীয়াকৈ পৰিদৰ্শন কৰকঃ https://www.mohfw.gov.in/.

technicalquery.covid19[at]gov[dot]in লৈ ক’ভিড-১৯ সম্পৰ্কীয় কাৰিকৰী জিজ্ঞাসা আৰু অন্য জিজ্ঞাসাৰ বাবে ncov2019[at]gov[dot]in আৰু @CovidIndiaSeva লৈ মেইল কৰিব পাৰে৷

ক’ভিড-১৯ সম্পৰ্কীয় যিকোনো জিজ্ঞাসাৰ বাবে অনুগ্ৰহ কৰি +৯১-১১-২৩৯৭৮০৪৬ অথবা ১০৭৫ (টোল-ফ্ৰী) নম্বৰত স্বাস্থ্য আৰু পৰিয়াল কল্যাণ মন্ত্ৰালয়লৈ ফোন কৰিব পাৰে৷

https://www.mohfw.gov.in/pdf/coronvavirushelplinenumber.pdf ত ক’ভিড-১৯ৰ বাবে ৰাজ্য/কেন্দ্ৰীয় শাসিত অঞ্চলৰ হেল্পলাইন নম্বৰসমূহ উল্লেখ কৰা আছে৷

****

MV/SJ/DB