ভারতনা নুমিৎ খুদিংগী তেস্ত তৌবগী চাং হেনগৎলক্তুনা নোংমদা তেস্ত লাখ ১০.২৩ পাংথোকপা ঙম্লে। হৌখিবা পুং ২৪দা মীওই ৬৩,৬৩১ অনাবা ফরক্তুনা ভারতনা নোংমদা মীওই মশিং য়াম্না অনাবা ফরকপগী রেকোর্দ থম্লে।

কোবিদ-১৯ অনাবা মীওই মশিং য়াম্না ফগৎলকপা অমসুং হোস্পিতালশিংদগী দিসচার্জ তৌখিবদগী অমসুং য়ুমদা নাইতোম লৈবদগী হৌজিক অনাবা ফগৎলকপগী চাং চাদা ৭৪.৬৯ য়ৌরে।মসিদগী শিবগী চাং হন্থরক্তুনা হৌজিক চাদা ১.৮৭দা লৈরে।

ভারতকী অপুনবা অনাবা ফগৎলকপা মশিং অসি অপুনবা এক্তিব কেস(৬,৯৭,৩৩০)দগী লাখ ১৫ হেল্লে। অনাবা ফগৎলকপগী চাং ৱাংখৎলকপদগী লৈবাক অসিগী এক্তিব কেস মশিং হন্থরক্লে অমসুং হৌজিক অপুনবা পোজিতিপ কেসশিংগী চাদা ২৩.৪৩গী এক্তিব কেস লৈরি। তেস্ত ফজনা পাংথোক্তুনা মতম চানা অনাবা মশক খঙদোকপা, খোঙ্গুল লিবা অমসুং মতম চানা অমসুং ফজনা লায়েংবদগী অনাবশিং য়াম্না য়াংনা ফগৎলকপনি। অনাবা মশিং য়াম্না ফগৎলকপা অমসুং শিবগী চাং হন্থরকপা অসিনা ভারতনা লাইচৎ অসি লাকশিন্নবা পায়খৎলিবা থবকশিং অদুগী ফল উবা ফংলে।

তেস্ত নিংথিনা পাংথোকপা, খোঙ্গুল লিবা অমসুং লায়েংবদা মখা তানা মিৎয়েং চঙবা, য়ুম-য়ুমদা চঙদুনা খোঙ্গুল লিবদগী ঙন্না কেসশিং থিদোকপা অমসুং কোবিদ-১৯ কেসশিং মশক খঙদোকপা ঙম্বনি। ফিবম ফবা অমসুং য়াইমরপ ওইনা ফিবম ফবা কেসশিং য়ুমদা নাইতোম থমদুনা লায়েংলে। অরুবা অনাবশিং হোস্পিতালশিংদা লায়েংলে অমসুং খ্বাইদগী ফবা মেদিকেলগী খুদোংচাবা ফংহল্লে।

কোবিদ-১৯গা মরী লৈনবা তেক্নিকেল ওইবা ৱাফমশিং, চৎন-কাংলোনশিং অমসুং চেকশিনৱাশিংগী অচুম্বা অমসুং অনৌবা পাউগীদমক চাংনাইনা https://www.mohfw.gov.in অমসুং @MoHFW_INDIA দা চংবীয়ু ।

কোবিদ-১৯গা মরী লৈনবা তেক্নিকেল ওইবা ৱাহংশিংগীদমক technicalquery.covid19[at]gov[dot]in দা ইমেল থাবা য়াই অমসুং অতোপ্পা ৱাহংশিংগী ওইনা ncov2019[at]gov[dot]in অমসুং ত্বুইতশিংগী ওইনা @CovidIndiaSeva শীজিন্নবা য়াগনি ।

কোবিদ-১৯গী মতাংদা ৱাহং অমা হেক্ত হংনিংবা লৈরবদি হেল্থ অমসুং ফেমিলি ৱেলফিয়ার মিনিস্ত্রিগী হেল্পলাইন নম্বর : +৯১-১১-২৩৯৭৮০৪৬ নৎত্রগা ১০৭৫(তোল ফ্রি)দা কোল তৌবীয়ু । কোবিদ-১৯গী মতাংদা রাজ্যশিং/য়ুতিশিংগী হেল্পলাইন নম্বরশিং https://www.mohfw.gov.in/pdf/coronvavirushelplinenumber.pdf দা ফংগনি ।

******